برقيات عاجلة (تم تحديثها)

البرقية الاولى: الى كل مدرس ومدرسة بيضربوا التلاميذ (ديه للكادر بتاع الضرب بس- مرة تانية للمدرسين الى بيضربوا مش أى مدرسين علشان فيه برضة منهم أفاضل أكثر بكثير) ياترى شعوركم أيه لو حد من أولادكم أو ولاد عائلتكم أوجيرانكم (علشان لو قلتوا معندوكوش عيال) نط من بلكونة مدرسته علشان يهرب من المدرسة الى كانت عايزة تضربه فوقع مات (ده مش أفتراء ديه حادثة البنت الصغيرة الى فى أعدادى) هم بيقولوا أنها وقعت بالغلط أتمنى أنها ماتكنش كانت بتفكر فى الانتحارالله يرحمك يا بنتى ويارب يصبر أمك الغلبانة – أنا مش عايزة رد منكم أنا بس عايزاكم تتقوا الله أرجوكم خافوا من ربنا شوية أرجوكم

البرقية الثانية : الى الصحفى القدير أسامة غريب أفتوكا لايزو كتاب 100% ولك منى ألف تحية وتقدير على كلماتك الساخرة وياريت أعرف الاى ميل الى الصحافيين بيحطوها جنب مقالاتهم ديه حقيقية ؟؟؟حأجرب وأعرف

البرقية الاهم : الى فودافون وكوكاكولازيرو تقصدوا تقولوا ايه من العبارات التالية:

-محب عميل متعرفوش مصاحب تلاتة (التلاتة بنات) ما معنى مصاحب

- كوكاكولازيرو يعنى تبقى خاطب سوزى ومصاحب نبفين (أنا الصراحة مش فاكرة الاسماء) برضة مامعنى مصاحب؟ هل تعنى الانتيم؟ ولا ايه بالضبط

والله يرحم الادب والاخلاق والحياء وأى نصائح بتقولها الام للشاب فى أتقى الله فى بنات الناس

أوجه البرقية ديه لميـييييييييييييييييييييييييييييييييييييييييييييييييييييييييييييييييين كمان يا نـــــــــــــــــــــــاس؟؟؟!!!!!

من فضلكوا أبعتوا لى الرد على مكدونلدز أصل منيو 5 لسة ب 5 أه والنعمة

البرقية الرابعة: الى كاتب قصة سرير الرجل الايطالى خير يا ترى أشمعنا الايطالى دون عن الجنسيات الاخرى وبالمناسبة هى من أبشع ما قرأت هذا العام

البرقية الخامسة: الى شركة "اتكلم أرضى يا أبن بلدى" بتحاوروا صح؟؟؟ طب حاسيب ازاى

sms

minitone

flash message or multimedia

لو لم أجد أبن البلد الى على الناحيه التانية الى أنا طلبه!!! بتحاوروا صح

البرقية الاخيرة : يالى قرأتم الى فوق تعرفوا بقى توصلوهم لاصحاب الشأن أصل أنا معندش فكرة أزاى و نهاركم أببض أن شاءالله

"قلمى"