بس للاسف مامتتش

بس للاسف مامتتش (أنا مش نفيسة) تفتكروا ليه - 10 أسباب مش 3 زى سرحان وأختاروا أنتوا
1- علشان عمرى ما شفت ولا حلقة من حلقات نور
2- ومش ناوية أشوف سنوات الضياع وكفاية أنه كانت حتجيلى ذبحة لما شفت الاغنية بتاعتها بس ربنا ستر
3-وبأكره راجل وست ستات
4-ومش بحب moga moga TV
5-ومش بأسمع نشرة أخبار أمينة بتاعة حأركب الحنطور وأتحنطر
6-وشرحه بالنسبة لبرنامج شعبان عبدالرحيم الى معرفش اسمه
7-وكمان السمج بتاع ثرى تو وان الى برضة معرفش اسمه
8-وبحب نشرة أخبار الخامسة والعشرين
9-ولسة بحب فيروز مش كارول الى بتغنى لعلى ابن عمها وهى بتتنطط على السلالم (نفسى على ده يقطعها ميت حتة علشان نستريح منها)
10- وأخيرا علشان كل مابأشوف سرحان ونفيسة بأدعى على التليفزيون المصرى والى بيشتغلوا فيه ماعدا محمود سعد
-نسيت أقول أنى بأدعى عليهم وأنا كاشفة شعرى وأكيد طبعا لو كنتوا قريتوا أو لسة حتكملوا قراية البلوج حتعرفوا دعيت بأيه ومش حاقولكم ليه مش بأدعى على محمود سعد -
ويارب مايجيش يوم واحد مسئول (عن الثقافة أو الاعلام أو التليفزيون) يقرأ الكلام ده ويخلينى أعمل 7 اختيارات الاوليين بغرض التعذيب وحأنقذ نفسى وأقوله بسرعة أنا كمان والله ولله مش بحب كلام نواعم وتراتاتا!!!

"قلمى"