1- جدولة مباراة القمة يوم الخميس بالليل لزوم النكد العائلى فى عطلة نهاية الاسبوع (هى بقية ايام الاسبوع كخة)
2- سفير النوايا الحسنة - حمادة هلال !
3- رسومات وسط البلد الى على الاقل خدت ربع ساعة فى الرسمة الواحدة ومافيش مخلوق ولا صريخ أبن يومين شاف الى مكفى على الارض بيرسمها على أعتبار أنه كان لابس طاقية الاخفاء
4- القراصنة الى لسة مصرين يخطفوا المصريين رغم تحذير أحمد أدم لهم فى برنامجه ما قالكوا محدش حيسأل فيكوا ولا فى المصريين الى أنتوا خطفنهم وفات 15 يوم وفضلكوا زلطة وتطلع برة
5- التوقيت الصيفى كل سنة وانتم طيبين النهاردة - لسة متفصل على مقاس البلد وجاى من عند الترزى الى على ناصية
6- يعلن وزير الصحة أن 9 مليون مصرى مصابون بفيروس سى النشط و30% من المرضى يشفون لاسباب غير مفهومة!!! ده علشان الناس تطمن أن عندها مرض أخر كارثى غير أنفلونزا الطيور ولا علشان يفهموا أن أن شاء الله 40% من مرضى أنفلونزا الطيور برضة سيشفون لاسباب غير مفهومة بس أنتو قولوا يارب
"قلمى"
7-الكلام بجد جميل وعجبنى موضوع التحليل بتاع موضوع فيروس سى ,نظرية المؤامرة ان الحكومة نواياها مش كويسة يعنى تعلن ان 30% مصاب عشان تدارى على انفلونزا الطيور ......بس انا عاوز اااكد ان الحكومة اتغيرت ونوايها فعلا سودة علينا ؟؟؟
ردحذف