الاثنين، أبريل 27، 2009

قليلا من الذوق


-أحيانا تسأل " ما هو رأيك فى" شىء جديد أى كان ملابس\حقيبة يد\حذاء
فتكون الاجابة: مش قد كده
مش ماركة
مش لايق
مافيش لون غير ده؟
منين؟

-شاهدت فيلم أو قرات كتاب (فيكون الرد من الجانب الاخر مع أنك لم تطلب رأى)
أنا شفت الفيلم مشى أد كده
أو بيقولوا عليه مش حلو
ده زفت
أنا معنديش وقت أقرأ الكتاب
أنت بتجيب\بتجيبى وقت منين للقرأة
أنت رايق (رايقة)

-عندك هواية أو فكرت تأخذ كورس أو تتعلم حاجة جديدة (أى كان سنك ده المفروض أنه شىء جميل) يكون رد الفعل (مع أن فى الغالب أنك تبدى معلومة ليس أكثر)
أيه التهييييييييس ده
حتعمل به أيه (ليس المقصود المعرفة) ولكن السخرية
بس هو أنت بتفهم فى الحاجة ديه – ولو كان عندك موهبة الكتابة تكون الاجابة- بس أنت محتاج شوية تعديل فى اللغة (مع أنه ليس متخصص لا فى اللغة ولا فى النقد)
لو كان فى الغناء (ياه صوتك حلو) ماتيجى نعمل شريط (سخرية ايضا وليس تشجيع)

-لو عايز تشترى حاجة جديدة
يعنى معاك فلوس أهو
يا أخى حافظ على فلوسك
أنت ناقص ما أنت عندك 100 حاجة
-لو بتشتكى من ولادك
ما أنت الى مدلعهم
بلا ارف كل العيال كده
كل الاجابات ديه وأكثر ولا يخطر على بال المجيب أوصاحب الرأى أنه يؤذى الاخر نفسيا حتى لو الاخر ده لا يظهر على وجهه أى تعبير لانه مصعوق

وهكذا ---------------- والامثال كثيرة المشكلة أن الرد ده من صديق أو صديقة طيب لو كان عدو كان حيكون الرد أيه؟؟؟!!!

"قلمى"

هناك 3 تعليقات:

  1. ماما مازن أسفة لحذف التعليق الخاص بك فقد توالت تعليقات لا معنى لها ولاتمس للموضوع بأى صلة عليها وقد تمت أزالتها

    ردحذف
  2. والله عملتى طيب

    ردحذف
  3. أعتقد ان الناس لما بتحس ان اللى بيتكلم معاها انسان ناجح وموهوب وعندة طموح لابد يكون رد فعلهم كدة علشان ما يخلوهوش يشعر انة واااااو قوى
    ودة طبعا قصر ديل يا منمن

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))