على السريع (3 بس)

1- عودة الترزى التفصيل وهذه المرة سيقوم بتفصيل التوقيت الشتوى على حسب مزاجنا أقصد مزاج الى بالى بالك ليكون على مقاس رمضان فقط يعنى أما مقاس 29 أو 30 أو يكمل على العيد حسب طول المتر؟؟

2- اليوم فى برنامج عن ثورة 23 يوليو سألت المذيعة شوية شباب حلوة " تعرف أيه عن ثورة 23 يوليو؟" ردوا وقالوا أووه لا لا تاريخ لا لالالا أحنا مالناش فى التاريخ خالص ديه حاجة نسيناها بس أفتكر كانت حاجة كويسة – الأجابة ديه كانت على لسان يجى 10 عشرين واحد وواحدة – طب لو مالهماش فى التاريخ ملهمش فى فيلم "رد قلبى"؟؟؟

3- عودة الدالى فى الجزء الثالث؟؟ أصله بصراحة وحشنا موووت موووت رمضان الى فات ووحاوى ياوحاوى – كشفت راسى وبأدعى عليكم وعلى زهرة وأزواجها الخمسة آلهى تتشكوا كلكوا فى معاميعكوا يابعدة يابتوع مسلسلات رمضان

قلمى