السبت، مايو 29، 2010

لشواطىء البحر "أتيكيت"


من المؤكد أنه قد بدأ الان فى معظم البيوت الاستعدادات للذهاب الى المصيف وأكيد أيضا بدأت تدريبات السباحة وأرتياد النادى، ودائما ما أفكر كيف أن الكثير من الناس (سيدات وفتيات ورجال وشباب) تفتقد للذوق واللياقة على شواطىء البحر وفى حمامات السباحة، فيتصرف البعض دون مراعاة لوجود أشخاص أخرين من حولهم فيسببون الازعاج ويحدثون الفوضى ويفسدون متعة من سعى الى تمضية وقت جميل وهادىء على شاطىء البحر أو حول حمام السباحة.
فمثلا فى يوم السيدات فى النادى الذى يعتبر من النوادى الراقية كانت هناك مجموعة من الفتيات الصغيرات لا تتعدى أعمارهن 13 أو 14 يقمن بالصراخ بشكل هيستيرى ويدفعن بعضهن البعض فى المياه ولايوجد معهن من تقول لهن كده عيب على أعتبار أن ما يفعلنه مرح ليس الا وبالطبع لا يندرج هذا تحت بند المرح بل تصرف عشوائى يزعج الاخرين.
ورغم أن لارتياد شواطىء البحر وحمامات السباحة "أتيكيت" وقواعد معروفة، الا أن معظم الناس وخاصة المصريين لا يعرفونها ولا يهتمون بتطبيقها. وقد فكرت أن أنقل تلك القواعد هنا التى ينصح بها الخبراء – واخدين بالكم خبراء أى أن سلوكيات الناس تعدت الحدود فأحتاجت لخبراء بس تفتكروا كان مين المقصود بالاتيكيت؟؟؟ - لاننى سأقوم بطباعتها وتوزيعها على أكبر عدد من الناس ليستمتع الجميع بمصيف هادىء (أتمنى ألا تعتبرها الدولة منشورات سرية فيقبض على). والكلام أن كان موجه للجنس الناعم فهو لانها هى من تعد للمصيف أو لرحلة النادى لكن هى قواعد يجب أن تطبق من الجميع.

1- أذهبى مبكرا للشاطىء لتختارى المكان المناسب وفى حالة وصولك متأخرة ووجدت
المكان مزدحما فأحرصى على ترك مسافة كافية بينك وبين جيرانك على الشاطىء لدى أختيار المكان للجلوس عليه لكى لا تقيدى حركتهم. (أكيد الاتيكيت ده مخصص لشواطىء أسكندرية ومرسى مطروح).

2- لا تنظرى فى أتجاه جيرانك (ده أنت وجوزك وعيالك مش أنت لوحدك) كى لا يشعروا بأنك تراقبينهم لاسيما أثناء وضع واقى الشمس، أحترمى خصوصيات الاخرين كى يحترموا بدورهم خصوصيتك. (متفصل على فئة عظمى من المصريين وعينيهم الى تندب فيها رصاصة)

3- اذا كنت من النوع الذى يجلب نصف أغراض المنزل معه على الشاطىء (حلاوتها أم حسن) ، فمن الافضل أختيار أبعد مكان عن تجمع الناس الموجودين، وتوزيع الاغراض بشكل لا تحتلين فيه مساحة كبيرة على الشاطىء، مايحرم الاخرين من العثور على مكان للجلوس عليه. أذا كان لديك أطفال (تكتشف أن المصريين لم يسمعوا عن تحديد النسل حين تذهب الى الشاطىء) ، أختارى مكان قريب من الشاطىء كى لا تزعجى من حولك بالرمال او المياه التى يلعبون بها. وبمناسبة الاطفال لاترفعى صوتك أثناء التحدث مع أطفالك (أنت ياواد – أنت يابت – أنت ياحمارة .... الخ)

4- دعى الكل يستمتع بمنظر البحر فلا يقتصر الاستمتاع بالذهاب الى البحر على السباحة فى المياه، وأنما أيضا التمدد على الشاطىء الرملى، ومشاهدة منظر الامواج التى تتكلس على الشاطىء، لهذا أحرصى على عدم حجب هذا المشهد الجميل عن الاخرين من خلال تثبيت المظلة بشكل خاطىء أو الجلوس مباشرة أمامهم.

5- يرتاد عدد كبير من الناس الشاطىء لللاسترخاء والاستمتاع بالهدوء وقراءة كتاب (وأنا منهم) ، لهذا حاولى دوما الا يعلو صوتك وصوت أسرتك وصوت أصحابك على حدود مسامعكم أبقوا أصواتكم منخفضة وأنتبهوا لكلامكم فلا تسمحى لاحد أن يتحدث بألفاظ غير لائقة أو يحكى قصصا من الممكن أن تخدش الحياء أو تسبب أزعجا لللاشخاص الاخرين (مش عايزين نعرف قصة حياتك ولا قصة حياة سلفتك أو عديلك). وياريت الا يعلو صوت الموسيقى بشكل يسبب الازعاج للاخرين (يوجد أختراع أسمه سماعات الاذن وأم بى 3).

6- يجب الانتباه دوما أثناء اللعب الا يتسبب فى أزعاج مرتدى الشاطىء ويفسد متعتهم فما أحلى أن يرمى الاطفال وأبوهم الكرة أو الاقراص الطائرة فى أتجاه أماكن وجود الناس فيصاب أحد بأذى. (ايه ياجماعة بنلعب سوووووووورى)

7- أما هذه القاعدة الصاروخية فلا تتبعها تقريبا معظم السيدات ولاأفهم لماذا؟ وهى الحفاظ على النظافة والترتيب فعليك توضيب أغراضك جيدا داخل الاكياس أو حقائب اليد، ولا تدعى الهواء يبعثرها فى أرجاء المكان (هو فيه أحلى من أكياس الشيبسى وهى طايرة) وعند تناول الطعام على الشاطىء تجنبى جلب وجبات لها رائحة نفاذة (ياسلام على حلة محشى الكرنب) ، ومن الافضل أن تستخدمى المعلبات والفاكهة والوجبات الجاهزة كالهامبرغر والبطاطس المقلية. أحرصى على عدم ترك أى مخلفات من بقايا الطعام والمشروبات أو العبوات الفارغة (بس لازم نسيب علامة من طابور الكانز) ، اذ يجب توضيبها فى أكياس بعد الانتهاء من الاكل ومن ثم رميها فى سلة القمامة وفلا تعملى على تلوث الشواطىء. (ت ل و ث .... ت ل و ث....)

8- عندما تخلعين حذائك لا تتركيه وسط الشاطىء أو بالقرب من حوض السباحة كى لا يتعثر به أحد ونبهى أطفالك أيضا بعدم ترك أحذيتهم فى وسط الطريق. (بالذمة كم مرة أتكعبلتوا؟ وكنتوا حتتكفوا على وشكوا؟)

9- أحرصى دوما لدى خروجك من المياه على عدم تجفيف شعرك أو جسمك بالقرب من أى شخص أخر كى لا تبلليه بالماء، وحاولى الا تمرى الى جانب مجموعة من الناس يستمتعون بحمام شمس كى لا تسقط قطرات المياه المنسدلة على جسمك أثناء سيرك بقربهم. وأنتبهى الى أتجاه الرياح عند قيامك بنفض البشكير او الملابس لتنظيفها من الرمل العالق بها كى لا تتسببى فى دخول حبيبات الرمل فى عيون جيرانك أو تلويثهم. (أكيد ديه نكتة لان تقريبا أكاد اصيب بالعمى من جراء حركة التنفيض الغبية ديه).

10- ولالتقاط الصور ينصح بتوجيه العدسة بعيدا عن تجمعات الناس تفاديا لظهور صورة أحدهم فى الخلفية فعادة لا يرغب البعض فى أن تلتقط صورهم وهم على الشاطىء حتى لو كان ذلك بطريقة غير مقصودة.

 أما النصيحة الاخيرة وديه من عندى - البحر له لبس مخصوص يعنى مينفعش ننزل البحر بالجلابية ولا بالجينزوالتى شورت ولابالكلسون - ومش حأدخل فى تفاصيل المناظر علشان عيب

صحيح أن الشواطىء وحمامات السباحة تعتبر من الاماكن العامة ونرتادها للاستمتاع ببرودة الماء فى ظل أرتفاع درجة الحرارة ولتمضية أوقات سعيدة بعيدا عن ضغوط العمل وللتحرر من أعباء الحياة ولو لساعات قليلة لكن هذا لايعطى أحد حق التصرف عشوائيا ولا مضايقة الاخرين بالاصوات المرتفعة أو التعدى على خصوصياتهم.
لذا أرجوكم نشر قواعد الاتيكيت هذه التى يتناساها البعض حتى فى أرقى الشواطىء وحمامات السباحة. وكل مصيف عليكم سعيد وكله أتيكيت.
القواعد منقولة بتصرف منى من مجلة زهرة الخليج وبقية البوست بقلمى

هناك 11 تعليقًا:

  1. ههههههههه

    دة علي كدة الحكاية دي علم والواحد مش واخد باله
    بس نصائح قيمة فعلا ولازم تفعيلها عشان يتقال علينا متحضرين ومش في دى بس المفروض يبقي ذوق واتيكيت في كل حاجة

    عشان ترجع الحضارة والتحضر اللي افتقدناهم

    تحياتي للموضوع الجميل

    ردحذف
  2. منمن احنا محتاجين نتعلم أصول من الألف للياء .......في بيتنا قبل الشاطيء ...في أشغالنا ....في المسجد و عند الزيارات وخاصة زيارة المرضى ووووووو

    بداية موفقه كملي بس يارب تلاقي ىذان مستمعه طائعة (:

    ردحذف
  3. الموضوع دا رااااااائع جدا ومهم جدا جدا وكتير قوي بينسوا الحوار دا وبتلاقي مهازل في المصيف
    انا واحده من الناس بكره المصيف بجد

    ردحذف
  4. شاطرة شاطرة

    عجبنى جدا اللى كتبته بالاحمر فى الاخر عن ان نزول الميه له لبس خاص لان بجد ما يحدث مهزلة و بيكون شكلهم فاضح لما ينزلوا بالجلاليب اللى بتتبل و تلصق فى جسمهم و المايوه ارحم الف مرة

    بس واقعيا الاجسام بتاعه المرأه المصرية اللى سابت نفسها تتبهدل اوى ماعدش يصلح معاها مايوهات...زمن الشياكة و الرشاقة و الاناقة و اللياقة بتاع حفلات ام كلثوم و افلام الابيض و الاسود اللى كان بيظهر فيها الجمهور العادى فى الشوارع نظيف و مهندم انتهى و بقينا فى عصر الشيك اللى فيه تبقى استايل عبلة كامل

    ماعداش ينفع اى شاطىء خلاص غير فى شرم الشيخ و الغردقة فى الفنادق و المنتجعات لكن غير كده صعب اوى ده حتى شاطىء فندق فلسطين فى المنتزة بقى المستوى فيه صعب

    ردحذف
  5. و الله أنا أصلا عمري ما قعدت ف الشواطئ الزحمة لأني بكره التجمعات عموما...و أحسن مصيف رحته كان العريش لأن مكانش فيه بني آدم علي الشط..بيتهيألي لو قررت أروح مصيف تاني مش هروح غير العريش....
    أما بالنسبة للقواعد دي فعايزك تتخيلي نفسك بتقولي الكلام ده لسيدة من السيدات الأفاضل أو عائلة كاملة من العائلات دي وجها لوجه و ابقي اكتبيلي عنوان المستشفي عشان اجي ازورك بعدها:)
    لو هانتكلم علي القواعد ف القاعدة العامة المتبعة في المواقف دي هي(أعلي ما ف خيلك اركبه)...يعني اللي يرخم عليكي رخمي عليه بزيادة لحد ما تولعوا ف بعض...
    لكي تحياتي و ما يلزم....

    ردحذف
  6. منى ....
    إزيك فينك من زمان عندنا موضوعات كثيرة عايزين رأيك فيها معلش ده أولا
    أما ثانيا : أعجبتنى هذه الإتيكيتات التى لاينفذها الخليجيون أبدا فقد تعاملت معهم ومع هذا ينصحون الناس
    ثالثا: هناك وجه نظر فى نزول النساء بالشاطئ فكثيرات من أهلنا إما محجبات أو منقبات وهنا المشكلة وعلى كل شاطئنا هو ( الصفا ) بالكيلو 21 معظمه منقبات ومحجبات ولذا لاتوجد مشكله إلا أحيانا تجدى الفتاة الشاذه التى تمر بالبكينى ومعها حبيبها أو قولى خطيبها والكل ينظر من طرف خفى بعضه خجل وبعضه خبث وبعضه يدير وجهه فعلا ويقول : حسبنا الله ونعم الوكيل .
    نحن قد خاصمنا حمامات السباحة فأولادنا كبار يحبون البحر حتى الصغار عندنا بالعافية يحبون البحر على كل هوه موش وحش بل جميل جدا ومياهه رائعه هذا قول إبن خالى رجل الأعمال الكبير الذى قضى معى أجازته العام الماضى وهو مهاجر بأستراليا ( سيدنى ) يعنى البحر هناك حوله فى كل مكان شكرا لك

    ردحذف
  7. جميل البوست اوى


    بس يحصل فين ده ؟

    ردحذف
  8. مش لا قى كلام على اسلوبك فى الكتابة .. كوميديا بلا حدود بس بجد موضوع جامد واكاد أؤكد لحضرتك مهما تقولى وتعيدى ولا كأنك بتقولى حاجة والا منبقاش مصريين .. وأنا على فكره من محبى قرأه الكتب على الشاطئ وكذلك الاستمتاع بمنظر الغروب .. وشكرا على الموضوع الجامد جدااااااااا ده :)

    ردحذف
  9. السلام عليكم

    ازيك يا مونتي وحشاني حبيبتي ميرسي ع التعلمات والمعلومات المفيدة جدا سلمت يداكي ع النقل اكيد مني نقلت من زهرة الخليج وامؤكد انها اضافت ع السريع اللذيذ الي النقل مثل الكرنب والجلابية والمناظر والاصابة بالعمي
    وحشني ع السريع اللذيذ
    بحب اقره عشان اضحك

    ههههههههههههههه
    تسلم ايدك

    ردحذف
  10. علي فكرة ان شاء الله هنفذ او بنفذ فعلا التعلمات ديه الا حاجة واحدة عمري ما هاعملها ان انزل البحر اصلا مش هانزل تاني ابدا عشان مسمرش خالص تاني مش بينفع لا كريم ولا زيت ولا اي حاجة

    هههههههههههههه

    ردحذف
  11. واللهى دا الواحد بيقرف ينزل المية عشان بلاقى رجالة وستات عايزين الحرق اللى بالباس واللى ظهرة مليان شعر

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))