الثلاثاء، أبريل 06، 2010

فاتت سنة

فاتت سنة وأنا لسة هنا

فاتت سنة على أول تدوينة وليس على أول جرة قلم

فاتت سنة على نشر أول بوست من قصاصات ورق قديمة

فاتت سنة قبلها لم أكن اعرف ماهو التدوين ولا معنى كلمة مدونة

فاتت سنة على قراءة كتاب "أسكندرية – بيروت" الذى منحنى فكرة المدونة

فاتت سنة وأصبح لدى صديقات وأصدقاء شفتهم وشافونى ومن كلمتهم وكلمونى ومن لا أعرفهم سوى من التعليقات

فاتت سنة على أول تعليق لاول صديقة وهى "ماما مازن"

فاتت سنة على تشجيع فتاة شابة لا تعرفنى ولا أعرفها تركت لى مرة تعليق وقالت لى أنت تستحقين أن تنشر أعمالك

فاتت سنة على التعارف على " الفاضى يعمل قاضى" و"زمان لم يأت بعد"

الاصدقاء الذين تم التعارف عليهما بشكل شخصى فى لقاءات نعدها شهريا لمناقشة كتاب أو حدث ما

ومن خلال الندوة تم التعارف على العديد من الصديقات والاصدقاء من خارج وداخل عالم التدوين

نهال وسمر و"برة الشبابيك"

وRain Captivator

وأحمد عيد وأحمد الشيتى

فاتت سنة على مكالمة " مدونة من نور" وأول رسالة هاتفية منها

فاتت سنة على أول ايميل "راديو العرب الحر" والذى سينضم أن شاءالله الي ندوتنا فى الصيف

فاتت سنة حين قرأت لى "حكاوى البلاوى" وقالت لى لا تتوقفى عن الكتابة وهى ناقدة وكاتبة وحين أخبرتها باكية أننى سأتوقف لانى تلقيت ردا قاسيا من شخصية ما – قالت لى لا تتوقفى وأستمرى

وحكاوى البلاوى هى أم يحى التى تنمنحنى دائما القوة وعن طريقها ألتقيت بصديقة جديدة فاضلة هى السيدة غادة عامر والتى أنضمت الى مجموعتنا الثقافية مؤخرا

فاتت سنة ولازال زوجى ضد تكنولوجيا الحاسوب لا يقرأ لى الا من خلال ما نشر لى فى مجلة أو جريدة أو ما يقرأه عليه الاولاد أو أخته ولا زال أولادى لا يقرأون سوى ما يحلو لهما قراءته

فاتت سنة ولا زالت نرمين وهالة صديقاتى يقرأن لى ثم يتصلن بى هاتفيا وفاتت سنة ولا يزال يقرأ لى صديق العمر

فات 3 شهور على توقف "أخر يوم فى الجنة" عن التلوين والتعليق بعد وفاة والدته وأتمنى أن يعود قريبا لانى أفتقد تعليقاته على خواطرى بخواطر مماثلة

فاتت سنة وأنا هنا وشهر وراء شهر يخبط على باب التدوينة صديق (ة) جديد(ة)

"فنجان شاى" ذو القلم الراقى

"فكرة" و"جارة القمر" رغم أختفائهما قرابة الشهرين

MyGraveYard وحواديته المرعبة النفسية  نصفها عربى ونصفها أنجليزى

"صعبان علينا حالنا"و "أفكار حرة" و" لاسع أفندى" وكلماتهم فى الصميم عن كل حاجة

"بالحب أجتمعنا" و"قهوة بالفانيليا" و"مدونات أحلى ملاك" رقة أحاسيس البنات

"سكرة وبحر الحياة" أبنتى التى لم أنجبها – بكلماتها الحزينة ساعات

"عصفور الجنة" أبن النيل

"أحمد شريف" الشاب المتفائل دائما

 "رهف قلبي مدونة للبنات وبس" و"دموع قد تكون حزن أو فرح" و "شىء بقلبى"بمواضيعهن العديدة المتنوعة والمختلفة

"مدرسة الحياة" المتوقف لظروف خاصة به

و" شوية أحاسيس" وما أحزننى هو غلق مدونته بسبب التعليقات الغير المعرفة

"يامراكبى" صاحب مجموعة الحياة بدون كاتشاب
"غريب على الطريق" وقصصه الحقيقية التى تجعلك تبكى من قسوة الحياة
و"بورسعيدى" وكلماته الرومانسية فى عصر اللارومانسية

فاتت سنة وأنا أحب براحى الخاص وقد سؤلت يوما هل ما أكتبه حقيقى – نعم – فحكايات من دفتر التدوين كلها حقيقية – اما الخواطر فهى بشكل أو بأخر تحمل فى طياتها حدث واحد حقيقى (ليس بالضرورى متعلق بى) مبنى عليه بقية الخاطرة  

فاتت سنة وتعلمت الا أدخل نفسى فى متاهات الرد على التعليقات المستفزة أو الساخرة وتعلمت أن اقرأ ما لا يعجبنى حتى أتعلم أكثر دون الحاجة الى التعليق على ما لا يعجبنى

فاتت سنة منحنى فيها الله هبة وملكة لا أحب أن أضيعها فأحرص دائما فى كتاباتى على الا تحتوى على أى كلمات خارجة أو سوقية وأن تحوى ولو فكرة بسيطة أو معلومة أو رهف حس فى ظل يوم كئيب.

فاتت سنة ولاأعرف كم من سنوات أخرى قد تمر لكنى الان اقول شكرا لكل من ذكرت أسمائهم عاليه ولكل من يقرأ لى الان وسيقرأ لى غدا أو بعد غد.

"قلمى"

هناك 28 تعليقًا:

  1. فاتت سنه تدوين
    وعقبال 100 سنه تدوين


    تحياتى

    ردحذف
  2. غير معرف6/4/10 9:19 ص

    لك العمر إن شاء الله
    ويحط قلمك حبراً نظيفاً ساطعاً خلاقاً كما هو بإذن الله .

    وأشركوني في مناسباتكم الجماعية إن كانت عامة

    ردحذف
  3. غير معرف6/4/10 9:21 ص

    صحيح أشكرك على الوفاء بوعدك لي بإجابة سؤالي الخاص منذ شهور أو أسابيع مضت

    ردحذف
  4. يا حبيبتى كل سنة و انتى بخير و طيبة

    و ان شاء الله دايما المدونة تبقى جميلة و جذابة و فى نجاح دائم


    ربنا يوفقك

    ردحذف
  5. كل سنة وانتى فى تقدم دائم
    وكل سنة واحنا سعداء بوجودك بينا

    تحياتى

    ردحذف
  6. كل سنة والمدونة بالف خير وصحة ...ودائما ما تمتعينا بتدوينات متنوعة و رائعة ...لكى كل التقدير والتحية ...وسعيد بكل الاسماء اللى عرفتينا بيها فى البوست

    ردحذف
  7. غير معرف6/4/10 12:50 م

    شكراً لكِ
    تفضلي .. ahmedsherif.eg@gmail.com

    ردحذف
  8. كل عام انت بألف خير
    فاتت سنة بالسرعة دى وبالجمال ده
    فاتت سنة وانتى جزء اصيل من يومى
    فاتت سنة ولازم افتح مدونتك واشوفك كاتبة ايه النهاردة حتى ولو مسيبتش تعليق وحتى لو مكتبتيش بشكل يومى برضه اقرا حاجة فاتت ليكى
    فاتت سنة وانا بدعيلك دايما بالصحة وانك تفرحى بولادك ويبقوا احسن ما انتى بتتمنى ليهم كمان
    فاتت سنة ولسه بتمنى امسك كتاب ليكى
    ببساطة لانك تستحقى هذا
    ماشاء الله موهبة جميلة وقوية وتقريبا كده مفيش حدود للمواضيع اللى بتكتبى فيها واى موضوع بتتناوليه بيكون مؤثر جدا ودائما دائما دائما بحترم وجهة نظرك فى الاشياء

    اتمنى تكون فى سنييييييين كتير جايه نهنئك فيها ونتمنى لكى فيها سنييييييييين كتيييير جايه وانتى لسه هنا

    ردحذف
  9. كل سنه وانتى طيبه وعقبال 100 سنه تدوين واراء وافكار واصحاب واصدقاء

    ردحذف
  10. ازيك منى اخبارك اية

    كل سنة وانتى طيبة والمدونة عامرة بكلامك الطيب والجميل

    قعبال مليون سنة تدوين

    ربنا يوفقك ويكرمك

    مع خالص تحياتى

    ردحذف
  11. السلام عليكم
    ان شاء الله اكون انا اول تعليق

    ردحذف
  12. مبروك عقبال مليون سنة

    بتقولي ايه مبالغة طيب عقبال مية سنة ان شاء الله

    رقي اللاسلوب و رقي الخطاب والكلمة الحلوة كله بيدوم عند الجمهور مع اختيار الموضوعات الشيقة الهادفة

    علي فكرة انا لما اتعرفت علي مدونة دكتورة سونت

    كان نفسي قوي اعرًفك علي مدونتها

    وربنا خقق لي امنيتي ولاقيتك عرفتيها

    دمتي وسنة جديدة ان شاء الله

    ردحذف
  13. كل يوم هيزورك زوار جدد المهم تدوم المودة والاتصال

    فاتت سنة وانا لسة هنا

    ان شاء الله تستمري وتستطيعي ان تقدمي كل ما هو جديد هادف ع السريع اللذيذ خواطر من بريق احساسك قصة قصيرة من عطر قلمك اشعار رومانسية من نبع قلبك
    دمتي بحب وود ولك من ولمدونتك اجمل باقة ورد

    ردحذف
  14. غير معرف6/4/10 6:36 م

    كل سنة و انت طيبة
    موعد جميل للافتتاح و الاحتفال
    6 ابريل
    و عقبال سنوات اخرى من العطاء و الرقي
    تحياتي

    ردحذف
  15. فاروق بن النيل ...
    عزيزتى منى ... كل سنة ومدونتك طيبة والحقيقة أن موضوعاتك وثقافتك تفوق ساعات هذه السنة ودقائقها بل ثوانيها
    لقد تابعتك فقط منذ شهرين فأنا جديد
    على المدونات وكنت منذأربعة أشهر لاأعرف شيئا عن المدونات وقد بدأت مدونتى منذ ثلاثة شهور وأيام والحمد لله لى أصدقاء كثيرين أعتز بهم أنتى واحدة متوجة على عرش الحب والإحترام والثقافة العالية فيهم ملكة بكل معنى الكلمة.
    كل عام ومدونتك تزدهر أكثر لقد كتبت موضوعا جديدا بعنوان " البلد عايزة ولد" رجاءإبداء رأيك فيه فهو يهمنى جدا ، وهل كلماتى العامية واضحة وتفهم أم لا وشكرا farouksam.blogspot.com

    ردحذف
  16. بارك الله لك في عمرك

    ورزقك حسن الاختيار وكياسة التمييز

    أسعدك الله


    السلام عليكم

    ردحذف
  17. منى حبيبتى ، عقبال 100 سنة وانتى دايما بتكتبي واحنا دايما بنقرأ لك ، وانتى دايما بتفتكرينا واحنا دايما بنفتكرك ، وانتى دايما بتحبينا واحنا دايما بنحبك :)

    ردحذف
  18. الأخت العزيزة منى
    كل عام وأنتي وأسرتك الكريمة بخير
    كل سنة وأنتي متألقة دائما يا صاحبة الإبداع الراقي والقلم السهل الممتنع.
    لا أنسى لكي تعليقاتك الثرية في مدونتي المتواضعة وتشحيعك وتواصلك الذي أدعوا الله أن يدوم
    مدونتك بحق هي عنوان للثقافة والكلمة الصادقة
    أتمنى لكي الصحة والعافية ودوام التوفيق

    ردحذف
  19. سنة واحدة بس؟؟؟؟؟؟ سبحان الله أنا كمان مدونتي من سنة واحدة بس ...بس معرفتي بيكم كإنها من سنوات مش بس سنة واحدة ...كل سنة و أنتي منمن الجميلة وربي يخليكي لكل أحبابك و اصحابك وقبلنا يخليكي لبيتك وزوجك و أولادك ....عقبال اليوبيلات الفضية والذهبية والماسية كمان ....بوسة على جبينك

    ردحذف
  20. عارفين أنا مش لاقية كلام أرد به عليكم ساعات الاحساس بيبقى أكبر من أى كلام يتقال وأن شاءالله أكون دائما عند حسن ظنكم بى - ودمتم لى صديقات واصدقاء وأبناء وبنات وربنا يحفظكم جميعا -

    من كل قلبى أحلى تحية لكم جميعا

    ردحذف
  21. مدام منى : كلامك من القلب ووصل القلب بسرعة بس ليه اسلوب الشجن ده حسيت اننا هانبكى فى الأخر... فاتت سنة وميت سنة وسنة انشاء الله بحب وصداقة واحترام الأخر واحترام العقل والإحساس بصدق المشاعر .. خليتنى من كلامك أحب كل واحد بيدون وخلتينى حبيت نفسى ان اسمى كان جنبهم..حسيت بعشرة وحنية فى كلامك حسيت اننا اسرة واحدة فعلا.. أكيد مادومتى بينا وده احساسك هايكون كل يوم احلى من اللى فات ..سعييد بكلامك واحساسك بالتدوين والمدونيين وسعيد بيكى.. كل سنة وانتى طيبة وانتى بينا وكلنا مع بعض على حب وأمل فى مستقبل أفضل

    ردحذف
  22. كل سنه وانتى طيبه
    وعقبال الاحتفاليه القادمه وتكونى بخير ان شاء الله
    ميرا

    ردحذف
  23. Ahmed Ali Eid7/4/10 10:16 م

    حلو أوي اللي أنتي عاملاه ده , إعذريني لو قلت إني مش بقرا مدونات , معرفش في إيه بس مفيش جو المدونات ما بيريحنيش و ده التفسير الوحيد اللي لقيته , حتى مدونتي أنا شخصيا و مش حقولك إسمها عشان ما تقوليش بيعمل دعاية بس لو دخلتي عليها حتلاقيها مفيهاش غير بوست واحد و إتخنقت بعدها و حتى آسر ما دخلت لوش المدونة غير لما بيبعت لينك
    المهم عشان مطولش - و ده أنا عملته فعلا- اللي أنتي كاتباه هنا شوية عامل زي أكتب من بيروت لنزار , يعني نفس الإحساس كدة و على فكرة يمكن كلامي يصدمك بس أنا بحب أكتر الكتابة اللي ما تبقاش حقيقة يعني مش معتمدة على أحداث حقيقية سواء شخصية أو لأ
    الكتابة المحترفة بتيجي من كدة
    حاولي تعلي و تخترقي بخيالك أي حاجة تيجي على بالك , أي حاجة ما عملتيهاش حطيها جربي تكتبي عنها و هكذا
    يلا سلام

    ردحذف
  24. بن النيل ...
    منى معلش أصلى كنت عامل المقطوعة مسودة وهيه الآن موجودة للنشر يمكن تقرأيها حاتعجبك " البلد عايزة ولد "

    ردحذف
  25. http://mhg1962.ba7r.org/montada-f19/topic-t586.htm#2632

    ردحذف
  26. فاتت سنه اعتقد ان مكاسب اصدقائك وقارئى مدونتك اكثر من مكاسبك
    اعتقد ان كل من يدخل هنا يعرف قلب يحب الجميع وقلم يكتب كأنه ريشه رسام محترف
    كل عام وانتى متألقه وانتى تسعدينا ببوستاتك الاكثر من رائعه وبتواصلك
    مع ارق امنياتى وشكرى

    ردحذف
  27. كل سنة و انتي طيبة على طول ..
    كل سنة و انتي بألف خير و سعادة ..
    :)
    اني احبك في الله :)
    انا معرفكيش خالص ..
    بس انا بحس انك حد صافي اوي و طيب اوي و حنون اوي :)
    ربنا يكرمك .. و يفرح قلبك

    ردحذف
  28. كل سنة وانتى طيبة

    وعقبال 100 سنة

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))