الثلاثاء، يوليو 14، 2009

القهر

عاد الى بلده فى بطانية !!
أبراهيم السيد ابراهيم
شاب مصرى بسيط سمكرى
ذهب للبحث عن الرزق فى ليبيا
أسقط عصابة دولية فى يد السفارة المصرية هناك
لقبوه ببطل فرعونى
وجلس ينتظر مكافأة كما وعدوه
وبات يحلم بهدايا لابنته وزوجته
وأثناء الحلم طرق الباب فوجد أمامه الجلاد والسجان
أنهالا عليه باللكمات والعصي الخشبية
تهمته أبلاغ سفارة بلده قبل الامن الليبى
عقوبته القائه فى كيس بلاستيكى فى الصحراء بعد تكسير وتحطيم الضلوع والقدمين والذراعين والانف وفى فقرات الظهر وجروح فى الوجه وتورم فى العينين
تخلت عنه السفارة!!وبات كأن لا وجود له :صفر من أصفارنا التى نسقطها من حساباتنا
تبرع أهل الخير له ليعود لبلده
فعاد مكسورا ومقهورا ومذلولا فى بطانية
هل سمعتم به؟
هل يعرفه أحد؟
هل شاهدتموه فى 90 دقيقة؟
هل هناك جروب على الفيس بوك بأسمه؟
هل خرجت مظاهرات ضد ليبيا؟
هل وقفتم أمام السفارة للاعتراض؟
هل ستتولى الدولة علاجه؟
هل ستعيد له كرامته؟
هل ستجففون دموع ابنته وهى تراه بطلا مقهورا لاحول له ولا قوة ؟
هل ستقفون مع زوجته لتطيبون خاطرها؟
أبراهيم السيد أبراهيم
هل تعرفونه عائد من بلد الطاعون فى بطانية لا يعرفه أحد –
أينتظر أن يكون خبر فى صفحة الوفيات لنعرفه جميعا؟؟
" قلمى"

كتبتها بعد أن رأيت وبكيت على أبراهيم اليوم فى حلقة 90 دقيقة وللحق لم أكن أنوى نشرها فى مدونتى
الرابط التالى قصته كما قرأتها فى المصرى اليوم منذ يومين !!
http://www.almasry-alyoum.com/article2.aspx?ArticleID=218541

هناك 12 تعليقًا:

  1. حراااااااااام كل ده ليه ده ظلم

    بجد الله يكون فى عونه

    ردحذف
  2. السلام عليكم
    مني لوسمحتي ممكن تجعلي التعلقات صفحة كاملة لو بتحبينا ريحينا

    ردحذف
  3. السلام عليكم
    ازيك عاملة ايه
    ربنا يرزقك بكل خير امين
    انا من مدة لم اري البرنامج ولا tv كله احسن انا زهقت اصلا من كل السلبيات اللي في بلدنا
    ربنا يسترها علينا كلنا
    ربنا معاه وقارد هو يجبله حقه
    من الظلمة ال...........................

    ردحذف
  4. انا شوفتوة فى برنامج 90 دقيقة بس متفرجتش علية كلة

    حاجة صعبة جدا كان راقد بيبكى واولادة حوالية

    للدرجادى البنى ادم رخيص علشان يتعمل فية كدة من غير

    مايرتكب شىء امال لو كان سرق او قتل كان اتعمل فيةاية

    والراجل دة لازم يأخذ حقة ويتكرم مش يبقا دة جزائة

    ردحذف
  5. الأستاذه منى
    معلش رد على تعليق ثم تعليق عن اصدارك فى ذات الوقت - حاجة تزهق منى مش كده ؟؟؟ انا طبعا اقصد الفكاهه عموما قصة هذا البطل اشبه بقصة ابطال اكتوبر 1973 الذين ضحوا بحياتهم بل يمكن الشهيد ارتاح اما المعوق والمصاب والقعيد ماذا فعلنا لهم هما يومين مش اكتر فى السنه ذكرى اكتوبر ويوم الشهيد وخلصت الليله ودول بقى لاكانوا بياخدوا ابيض ولا اسود فى الجبل والصحراء حيث حياه قاسية 6 سنوات ثم حرب ودمار واصابه ومستشفى ثم حجره فى الوفاء والامل او فى منزل اسرته وحيدا لايعرف ماذا يفعل طيب احنا بقى الراجل اللى عمل كده مش يستاهل برضه نسلط الإعلام عليه اكثر شويه مش يستاهل برضه انى اوفر لهم دخل محترم يعيله على الحياه واسرته من توفير ثمن شراء ابو تريكه او عمرو زكى او مش عارف لاعب الأسمعايلى اللى بيدفعوا فيه 7 مليون جنيه مش كان دول اولى

    ردحذف
  6. - أشكرك على نشر الموضوع ، ربما يجد آذاناً مُصغية .

    دايماً بتخيل موظفي سفارات مصر في الخارج و هما قاعدين ورا مكتب كبير ، قالعين الجزمة و لابسين شبشب حمام و بيغمسوا بعيش بلدي في طبق ملوخية ( كما رأيت في أحد أفلام عادل إمام ) و معندهمش أي نية لمساعدة أي مصري اللهم إلا إذا كان من المليونيرات

    غالباً محدش ها يفتكر إبراهيم لأنه إنضرب في دولة عربية مسلمة .. يعني لا مجال لتحويل الموضوع إلى إضطهاد للإسلام ، في هذه الحالة يتم تفسير الموضوع وفقاً للمثل القائل " ضرب الحبيب زي أكل الزبيب "

    ردحذف
  7. الله يرحمة ويرحم بتوع العبارة وحوادث القطارات وقوارب الموت واللى ماتوا فى القطامية واللى ... واللى .... واللى....

    هنقف على مين ولا مين بس يا منى؟؟؟
    دة احنا محتاجين نقف العمر كلة على الناس اللى راحت فطيس ولا حد سال عنها

    زى ما عودونا فى الاخبار اننا نشوف العربي بيتهان من جنود الاحتلال عودونا كمان داخل بلادنا اننا نشوف اهلنا بيرجعوا لنا جثث ملفوفة فى بطانية (دة طبعا اذا اتكرموا علية ومنحوة البطانية)

    معلش .. ان بعد العسر يسرا .. ان بعد العسر يسرا

    تحياتى

    ردحذف
  8. بناء على طلب ذكرى الصفحة كاملة - أكتبوا الى أنتوا عايزينه :))

    ذكرى : معلش أنت عارفة أنى لسة جديدة هنا وبصراحة أنا تنحت ومكنتش فاهمة أنت عايزة ايه بالنسبة للتعليقات ودخلت صفحة الاعدادات وعملتها زى ما أنت عاوزة هو أنت أقدر أأخر لك طلب :)))

    حازم : أبراهيم لسة عايش هو رجع فى بطانية علشان كان مدشدش فلموه فى بطانية يعنى كان كوم عظام

    هشام : وغيرهم كتير نكران الجميل والنسيان ده من سمات العصر

    سماء : الحمدلله أنك ماشفتيهوش كله ده ابنى جاله أكتئاب لما شافوه بيعيط ومنهار وقال لى ليه كده وسحبى الله ونعم الوكيل

    سمية: أشكرك على التواصل

    على باب الله : بس ده دول أحباء منيلين بستين نيلة!!! وأشكرك للزيارة

    ردحذف
  9. والى أى ضمير نتحدث فقد ماتت ضمائرهم من زمااااااااااااان

    ردحذف
  10. لا حول ولا قوة الا بالله

    انا اول مرة اسمع عنه بصراحه من حضرتك

    بس كغيره وغيره ويلومونا بعد ذلك لانعدام الانتماء

    فاليدلونا علي وطن يحفظ الكرامات ثم يلوم من يشاء

    ردحذف
  11. السلام عليكم

    ميرسييييييييييييييييي
    يا قمر
    كلنا جدد هنا والله بس عارفة الواحد بكتسب مهارة لوحده و الحاجة الا مش عرفاها بسأل عليه حد كويس كده زي موناليزا مامة مازن الناس الحلوة ديه يعني
    دمتي

    ردحذف
  12. لنا الله
    المصرى ابو الانجازات والحضارة بيتضرب ويتعذب جوه وبره والله انا خايفة من ثورة الشعب ده هتبقى وحشة
    ربنا يهون عليه اخونا ابراهيم ويشفيه يارب وينتقم من اللى ظلمه وقادر كريم يرجعله حقه يارب

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))