الأحد، يوليو 12، 2009

طيرى يا طيارة



يمنحنى النظر اليها بأشكالها العديدة متعة طفولية
تبهجنى ألوانها وهى ترفرف فى السماء
يشدها طفل بخيط طويل من الارض يود لو تسابق السحاب
ربما يسابقه أخيه أو رفيقه فتتلالاء مزيد من الالوان فى رحاب العنان
يرتخى الخيط أو ينقطع تسقط دمعة ولكن يشجعه والده فيشد الخيط ويربطه
وعلى أسطح المنازل ومن النوافذ تتهادى وتتراقص
لها صوت مميز ساحر مع نسائم بعد العصارى والعطلات الصيفية
أتذكر أمى وأنا اخبرها أريد واحدة فتزجرنى قائلة وهل أنت صبى
العب الاولة وأتوارى فجأة لاشاهدهم وهم يشدونها لتطير عالية
ومن طفلة الى أم الصبيان أصنعها بيدى لهما مرات عديدة
ونجلس على الارض فى الغرفة لنقوم بتلوينها وقصها ولصقها
وننتظر نسمة
الهواء لنطلقها من شرفة منزلنا الصغير
واستعدادا للمصيف نقف ونحتار أى واحدة نختار

ورقية – بلاستيكية
وعلى أى شكل شمس أم فراشة
ونقف على الشاطىء والمياه تداعب ارجلهم الصغيرة ونتضاحك وأنا معهم من يسابق الاخر
تعلو وتهبط تسقط فى الامواج تارة وعلى الرمال تارة
وفجأة كبرنا ولم نعد نلهو بالطائرة الورق وتغيرت الالعاب وأصبحت تك-نولوجى

وكسائر الالعاب الطفولية القديمة تم توزيع الطائرة الورق بنظرة حزينة
وحين أراها الان تتراقص فى السماء


أتذكر أغنية فيروز
طيري يا طيارة طيري
ياورق وخيطان
بدي ارجع بنت صغيرة على سطح الجيران وينساني الزمان على سطح الجيران

"قلمى"

هناك 15 تعليقًا:

  1. اسلوبك جميل جدا فى الكتابة والتعبير

    فعلا تستحقين التحية

    ردحذف
  2. يا سلااام ومين فينا مابدوش يرجع طفل يلعب ويجرى ويتنطط ويبقى ملك زمانه ولا همه حاجة ولاعنده مسئوليات ولا قلقان ولا خايف ولاولاولا......
    بابا ربنا يخليه عمره ماقال دى لعبة صبى او بنت عكس ماما اللى كانت قاعده على الواحده هههههههههههه
    بس بصراحة اكتر استمتاعى بالطيارة لما كان بابا يعملها من البوص ويلف عليها ورق قزاز ملون ويعملها ديل طويل بشراشيب ياااااه فكرتينى بالذى مضى هههههههه على العموم كويس برضه هروح اقوله يعمل واحده نلعب بيها فى المصيف مليش مزاج اشترى البلاستيك للعيال
    الله يفرح قلبك يارب وتعيشى وتفتكرى وتفكرينا دائما بحاجات رغم بساطتهاالا انها لها اثر طيب جدا داخل نفوسنا

    يارب يارب عقبال بقى متلعبى بيها مع احفادك ان شاء الله يارب

    ردحذف
  3. عشان انا بنت وحيدة وسط 3 أولاد كنت دائما اشوف اخواتي بيعملوهم ويطيروهم بس برده مش مسموح لي ألعب بيهم.بس إن شاء الله تتعوض مع أولادي وطبعاً هسيب نور بنتي تطير الطيارة زي أحمد ولا رأيك ايه ؟أذلها بردة واقولها انتي بنت؟ههههههه

    ردحذف
  4. الطيارة الورق ياصديقتى تذكرنى ايضا بطفولتى التى كانت وتذكرنى ايضا بفشلى الذريع فى انى يوما ما لم استطع ان اطلق لطيارتى الصغيره العنان الى السماء نعم حاولت مرارا وتكرارا ان انجح فى ان اجعلها تطير فلم افلح فوجدت عزائى فى النظر الى طيالاات الاطفال الاخرين وهى تلهو فى السماء

    ردحذف
  5. موضوعك يبان انه بسيط لكن فمضمونه بيفكرنى بحجات كتير نسيتها يمكن عشان انشغالى او لان كان ليها وقت معين وخلاص خلص

    حتى فاختيارك للاغنيه كنت كل ما احب افتكر طفولتى اسمع الاغنيه دى سبحان الله


    طيري يا طيارة طيري يا ورق و خيطان
    بدي ارجع بنت صغيرة على سطح الجيران
    علي فوق سطوح بعاد عالنسمة الخجولة
    أخدوني معهن الأولاد و ردوا لي الطفولة
    ضحكات الصبيان و غناني زمان
    ردت لي كتبي و مدرستي و العمر اللي كان
    و ينساني الزمان على سطح الجيران
    لو فينا نهرب و نطير مع هالورق الطاير
    تا نكبر بعد بكير شو صاير شو صاير
    يا زهر الرمان ميل بهالبستان
    تيتسلوا صغار الأرض و يحلو الزمان
    و ينساني الزمان على سطح الجيران


    يارب تفضل الزكريات الحلوه فدماغنا ومننسهاش ابدا

    .....................حوده

    ردحذف
  6. عزيزتنامنى
    سعداء جدا بوجودك معنا فى مدونتنا ضمن باقه رائعه من الأصدقاء...ونرجو دوام التواصل ونحن نعلن عن موعد أذاعةالحلقات والتعليقات الثلاثاء حوالى 11 مساء
    http://netonradio.blogspot.com

    ردحذف
  7. ماما مازن ربنا يخلى لك بابا يارب وتتهنوا فى المصيف بس خالى الاولاد يشوفوه وهو بيعمل الطيارات ويلونوها :)))

    دودو : ولا مش عجبك الدلع - العبى على قد ما تقدرى مع الاولاد أنا بصراحة مش عارفة هى ليه لعبة أولاد وعلى فكرة برة لها مهرجانات ومسابقات حتى فى أشكالها والوانها وتلاقى أمهات وأباء والعائلة كلها مشتركة خليها تلعب بس لو جدعة تعرف تطيرها :))))


    حازم : أشكرك بس ده بعض ما عندكم يا أفندم مافيش زى صوت راديو العرب الحر


    هشام : أنا برضة عينى كانت بتطلع علشان اعرف أطيرها للاولاد بس كنت بأعرف :))) علشان شكلى مايبقاش وحش وهما بعد كده كانوا بيعرفوا برضة هى بس عايزة صبر


    حودة: يارب يديلك طول العمر ده أنت لسة 24 سنة لسة بدرى على التفكير العواجيزى ده - enjoy your life بالحلو الى فيها وتعيش فيروز ولا فيه صوت أحلى من فيروز :)

    ردحذف
  8. هههههههههههههههههههه حتى الكلمتين اللى فوق صندوق التعليقات عسسسسل جدا
    دمتى بخير يا اعسل منى

    ردحذف
  9. يعنى انا اعتبر اخوكى الصغنن بقى وياريت تقبلينى
    كأخ ليكى
    بجد كلامك جميل وبتكتبى حلو اووى

    ردحذف
  10. فعلا اسلوبك حلو اوي في الكتابه ويسعدني بجد

    انياني مريت بمدونتك وعلي هكون متابع ليها

    تقبلي مروري

    ردحذف
  11. ديالا \اسلام أسعدتنى زيارتكما وأشكركما على التشجيع الحلو -

    غير معروف : أشكرك على ذوقك وعلى الكلمات الرقيقة

    ردحذف
  12. طيرى ياطيارة
    الصياغة بجد هايلة
    تسلم إيدك
    واضح ثقافتك فى كتاباتك

    ردحذف
  13. فكرتينى بايام جميلة بجد


    اسلوبك ووصفك رائع وكمان احساسك فية جميل


    دمتى بكل خير

    ردحذف
  14. منمن، امبارح كتبتلك تعليق على طيرى يا طيارة بس النهاردة اكتشفت انة ظهر باسم غير معروف ويبدو ان فى خطأ حصل منى فى الارسال ، يعنى ياجميل الغير معروف هو انا ،وأعتقد ان دة أقل ما توصف بة هذة الخاطرة الجميلة

    ردحذف
  15. الســـــــــــــــــلام عليكم
    ونرجع صغيرين ازاي ههههههههه
    لازم نعيش حياتنا بكل ما فيها حلوها ومرها ونحس بطعمها الحلو دايما
    ونعمل الي يريحنا حتى لو قالوا عليها
    طفولة متاخرة مثلاههههههه
    ربنا يباركلك

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))