الاثنين، يوليو 06، 2009

آلو شكـاوى

من فترة كل ما أفتح الايميل بتاعى مالقيش فيه غير هرتلة وحبة تهيييس زى بتوع البرنامج السائيل أياه لغاية النهاردة لقيت واحدة صاحبتى بعتة لنا 19 نمرة للشكاوى الحقيقة ماسبتش أى مصلحة الا وكتبت لنا نمرتها وعنوانها لو وجد وكمان تفاصيل الشكوى -
ياعينى البنت قاعدة يومين أجازة فى مصر أول أيميل تبعته لنا هو نمر الشكاوى أنا بصراحة خفت أكلمها وأعرف السر وراء ذلك ده أحنا الى عايشين فى مصر مش عارفين النمر ديه ونؤمن بأن الشكوى لغير الله مذلة بس أنا ماخلصنيش وكتبت لكم النمر كلها والعنوان لو كان موجود وبكده يبقى عدانى العيب وقزح أشتكوا بقى يلا -
طبعا الكلام المكتوب بالاحمر جنب نوع الشكوى ده كلامى وأعتقد أن صاحبتنا بتشتغلنا خاصة أن الارقام ناقصة رقم أعتقد أنه 2 بس لا هى نيتها صافية ديه برضة جاية من عند بلد الحبيب المصطفى صلى الله عليه وسلم -
أنا مجربتش ولا نمرة أيه رأيكم حد عنده شكوى ؟ أنا بكرة أن شاء الله حأكلم مدير عام هيئة النقل العام بالقاهرة وحأقوله كلمة واحدة
"مارينجوس الاول" فحيرد ويقول لى "طويل العمر يطول عمره هاى هىء" -
" قلمى "
أرقام الشكاوى كالاتـــــــــــــــى:
1
شكوى ضد مصانع او مركز تعبئة غير مرخصة وهى (مصانع بير السلم)
الرقابة التجارية التابعة لوزارة التجارة (أنت مش كل يوم بتعدى من جنب البير!!)
7921193/94/95
2ش اميريكا اللاتينية جاردن سيتى


2
شكوى المستهلك ضد الادوية ومستحضرات التجميل بالصيدليات
وزارة الصحة التفتيش الصيدلى بالمحافظة الادارة المركزية للشئون الصيدلية (شكوى قبل الاكل وبعده)
7945151/159
22ش الفلكى-باب اللوق


3
شكوى من سوء خدمة طبية باحدى المستشفيات او العيادات
وزارة الصحة ادارة الطب العلاجى (ممكن الورثة يقوموا بالشكوى)
7921074
3ش مجلس الشعب باب اللوق


4
شكوى المستهلك من عدم صلاحية اللحوم والدواجن والاسماك وغشها...مثل بيع المجمد على انة طازج (ده على أعتبار أنك جهبذ فى اللحوم أو طبيب بيطرى أو خبير فى الطازج ده لو كنت بتأكل لحمة أصلا)
وزارة الزراعة مفتشى الطب البيطرى (الهيئة العامة للخدمات البيطرية)
3370337/3372498
1ش نادى الصيد-الدقى


5
شكوى المستهلك من وجود اغذية تباع سائبة غير معبأة او مغشوشة او فاسدة ومخلطة باخرى اقل جودة (يعنى زى القمح كده ده مثلا يعنى)
وزارة الصحة الادارة العامة لمراقبة الاغذية
27943792/7921077
شارع مجلس الشعب


6
شكوى المستهلك من وجود اشخاص بلطجية لا تمكنة من الحصول على السلعة
مباحث التموين وزارة الداخلية (اصل البلطجى حيسيبك تروح تشتكى يا حلو)
7921390/7947604
9 ش القصر العينى


7
شكوى المستهلك من سوء رغيف الخبز او تهريب الدقيق المدعم او عدم استلام الزيت والسكر المدعم من البقال ،المواد البترولية وانابيب البوتجاز
وزارة التضامن مفتشى التموين (ماشاء الله كل ده نقدر نقدم فيه شكوى من يزود)
7954447/7948184/7948224
/27941706
99ش القصر العينى


8
شكاوى المستهلك من عدم تقديم الخدمة على المستوى المطلوب مثل المياة-الكهرباء-الغاز الطبيعى-تعلية مبانى مخالفة-سرقة خط تليفون-عدم توصيل ساعى البريد للخطابات ( ساعى البريد هو لسة بيعدى!!! تعلية مبانى مخالفة !!على أعتبار أنى باشمهندس وأعرف المبنى المفروض يكون كام دور)
تبع لغرفة عمليات المحافظة او غرفة الجهة المشكو فى حقها
3912136-3905454


9
جميع المعاملات البنكية (بنك بنك بنك ؟؟؟)
غرفة عمليات البنك المركزى-خدمة المواطنين
3931514
31ش قصر النيل


10
شكوى التاجر من تقليد علامتة التجارية (!!!)
الادارة العامة للملكية الفكرية التابعة لوزارة التجارة والصناعة
فاكس:7957913
99ش القصر العينى


11
شكاوى الاتصالات (ها لا لا لا لا لاءءءء نو نو نو زى الاعلان)
مركز تلقى الشكاوى بالمصرية للاتصالات
111


12
الهيئة القومية للبريد (!!!)
شكاوى البريدالخاصة بالمفقودات
8008004800


13
وزارة السياحة (هى فين السياحة أصلا)
شكاوى العملاء
24821107


14
وزارة الطيران المدنى (طيران!!! هى كمان بقى فيها طيران مش كفاية الى أحنا فيه حنطير نروح فين أكتر من كده)
قسم الشكاوى
22688351/2/4/5


15
وزارة الكهرباء (هو الفولت عالى حبتين ياريت نخفه شوية)
الشكاوى الخاصة بالكهرباء
121


16
شكاوى المياة (أشتكى من المياه الى بتتباع فى جراكن ولا فى القزايز ولا الملوثة والى ايه قولى الى بتوصل ولا الى مابتوصلش ؟؟)

الشكاوى الخاصة بالمياة
125


17
شكاوى الغاز الطبيعى (متروك للقراء)
الشكاوى الخاصة بالغاز الطبيعى
129


18 (أنظر أول البوست)
هيئة النقل العام بمحافظة القاهرة
مدير عام هيئة النقل العام بالقاهرة
7945389


19
وزارة النقل والمواصلات (الا هو أوتوبيس كام بيروحولوا منين يانـــــــــــــاس)
الشكاوى الخاصة بالنقل والمواصلات
7943623

هناك 6 تعليقات:

  1. مني
    لاحظت وجود عدة عوامل مشتركة بين هذه العناوين وأعتقد انها مقصودة (ممكن يكون سوء نية مني )
    فمنها مجموعة في شارع مجلس الشعب وبما أن مجلس الشعب لا يمثل الشعب وبما أنه الأن في أجازة فابقى قابلني
    المجموعة الثانية تقع في شارع قصر العيني حرصا على سرعة اسعاف الشاكي مما سيحدث له نتيجة شكواه
    المجموعة الثالثة في شارع قصر النيل ليكون النيل هو مثوى الشاكي حين يستبد به القهر والهوان
    والمجموعة الرابعة هي مجرد أرقام بلا عناوين تماما مثل أغلبية الشعب بالنسبة للحكومة أرقام لا قيمة لها الافي الاستفتاءات المفبركة
    وسلميلي علي التُروماي وعلى مارينجوس الأول والثاني والحفيد إن شاء الله (هاي هيء)

    ردحذف
  2. يا سبحان الله دى الست يا عينى بقالها يومين واتصدمت فى الواقع بسرعة ودورت ع الارقام والعناوين بسرعة
    يا عينى ياربى لا غلطانة بصراحة لازم وحتما ولابد تتطمنى على الست تشوفيها جرالها ايه
    هنشتكى من ايه واللا ايه واللى اشتكوا عملوا ايه
    طب ماهى كل حاجة معروفة وتحت انف وعين وودن المسئولين لكن.......دول ماشيين براى الاغنية البايخة بتاعت الميكروباس سلامتك يا دماغى
    يلا بقى هاى هىء

    ردحذف
  3. لقد نسيت نادي الصيد فهناك سيتحول الشاكي إلى هدف ليس للتنافس على حل مشكلته وإنما للتصويب نحوه
    وفي جاردن سيتي سيحس الشاكي (والذي سيكون فقيرا طبعا ) بالدونية والحقارة فيغص بشكواه ويعود أدراجه حتى لا ينغص على الصفوة هناءها بشكواه ويحمد ربه الف مرة أنهم تركوه يعيش على هامش عوالمهم الافتراضية

    ردحذف
  4. أدهم فى تانى تعليق بجد افحمتنى ! ماما مازن حاضر حأكلمها وأقولك أنا بس مش عايزة أتقل عليها أنا عارفة أجازتها قصيرة -

    ردحذف
  5. الشكوى لله وحده هي بلدنا حد فيها بيشتكي و حد يعبره.
    تلاقيها يا عيني بس من الصدمة فكرت انها هتلاقي استجابة من حد.
    و كمان هاى هىء

    ردحذف
  6. شكاوى وفبلدنا جديده دى ايه يا جماعه الناس اللى ييجم من بره لازم نعد معاهم ونفهمهم ايه سلو بلدناعلشان تغيير المناخ وتغيير الوقت وتغيير المياه وتغيير العمله وتغيير المبادىء وتغيير الافكار وهاى هىء....... اسكت يا لسانى ..... حوده

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))