الثلاثاء، أكتوبر 20، 2009

فى السريع

حاجتين غايظنى ليس لهما علاقة ببعض الاولى لازم أكيد تكون غايظة الجميع وهى الانتشار المفاجىء لكليبات ونكت مضحكة بين المصريين والجزائريين على الفيس بوك وغيره بسبب مباراة 14 نوفمبر والتى لا أجد لها أى مبرر سوى التخلف أولا والتعصب ثانيا هذا كان أنطباعى للامس حتى فؤجت برسالة من جزائرى تعرض قام فيها بتحوير أيات سورة يوسف للتهكم على المنتخب المصرى - أن ننكت وأن ندعى خفة الظل شىء والاتسخفاف والتطاول على الدين هذا شىء أخر تماما وبعيدا كل البعد عن أى قيمة فى الحياة - والسؤال - هو فيه أيه - خلاص التعصب الكروى وصل لهذا الحد من الجنون والاسفاف لدرجة التطاول على الاديان خلاص القباحة تصل لحد أن يخطر على بال أنسان أن يحرف فى كلمات الله عز وجل ليصنع سخرية يعنى نسخر من كلمات الله لنسخر على ما خلقه؟؟؟ لا حول ولا قوة الا بالله وحسبى الله ونعم الوكيل
وبجد قطعت الكورة وسنين الكورة أيه يا عالم فوقوووووووووووووووووووووووا


اما الثانى وهو شىء يستفزنى أنا شخصيا ولا أعرف أن كان يستفر الاخرين وهو حين تريد ترك تعليق تجد من يكتب أول والثانى وكمان الثالث وحجزت الرابع وحأرجع تانى - ده ايه بقى مرح ولا أيه معلش ولا يمكن ديه حاجة متعارف عليها فى عرف التدوين وأنا معرفش بس بجد حاجة مستفزة وأنا مش شايفة فيها غير نوع أخر من الهطل الحيثى المتداول على كل المستويات


قلمى

هناك 10 تعليقات:

  1. أولا أنا مليش في الكورة
    بس حتى لو ليا مفيش أي مبرر للإساءة لكلام ربنا ولازم يكون في رد على الكلام ده.
    احنا خلاص اتعودنا على النكت البايخة اللي بتمس الدين و كأنها شي عادي.اللي على شيخ و اللي على الشيطان واللي على الرئيس.و مفيش حدود.

    الحاجة التانية بقى
    بجد من كتر ما بتشوفيها كل يوم و عند ناس كتير بتسألي نفسك هو أنا بس اللي بتدايق؟
    هو أنا بس اللي شايفاها حاجة بايخة؟

    بس الحمد لله طلع في حد غيري متدايق منها
    ههههه

    ردحذف
  2. ههههههههههههههههه

    حلو الكلام ..

    اولاً موضوع الكوره ، كل ما تشاهدينه من تعصب و هبل و عبط و اي شئ يطلق على هذه الافعال اياً كانت مصدرها فهى نتيجه واضحة و ليس فيها جدال على مدى تخلف و جهل هؤلاء الناس ، وللأسف عندما تنتشر هذه الاشياء و تصبح اقوال متداوله بين الجميع إذن فلا فرق بين الذي يطلق الجهل من لسانه و من ينشره في كل مكان ..

    اما ثانياً ، فدي بقى حاجه كده زي ما تقولي لزوم الروشنه مثلاً ، لزوم اللعب و اجري ورايا يا حماده ، يعني ما تخديش في بالك ، اهو المهم ان الناس عايشه و بتاكل يا شيخه متدقيش هههههه.

    ردحذف
  3. سيدتي
    اصبحنا نبحث عن الثارة والهيافة في كل شئ
    انا شخصيا قررت الا اشاهد هذة المباراة رغم انني مشجع كرة عتيد لكن ان تتحول مباراة في كرة القدم الي معركة عسكرية بكل ما يحيط بها اعلاميا فهذا شئ مؤسف جدا وما اكثر المؤسفات هذه الايام

    ردحذف
  4. بالمناسبة يا اخت منى
    ما هو الهطل الحيثي ؟

    ردحذف
  5. د\عاطف فوت يعنى هى جت على أنا :))) يعنى هطل مكعب بلغتى أما أيه هو الهطل فالرجاء الرجوع لاحوال الشعب المصرى من ص 1 الى أخر الصفحات !!!

    ردحذف
  6. غير معرف20/10/09 11:25 م

    تحياتى لك
    ********
    أنا اعتقد أنهم سيستمرون فى الملاسنات
    حتى يوم المباراة.... ليته غدا لتنتهي المهزلة. و يا ريت الاتنين يخسروا و يخلصوا على بعض. علشان نخلص من التخلف الكروي العربي.
    فرق البلاد المتنافرة يلعبون معا مباراة لتخفيف التوتر.
    مثل تركيا و الأرمن مؤخرا.
    نحن عرب و لنا تاريخ مشترك من الكفاح. لكن نستغل الفرص و المباريات لنتناحر لا لنتقارب.
    بالنسبة للإساءة للقرآن فهذا هو مستوى التلاسن الآن. ماذا ننتظر من هؤلاء السفهاء إلا هذا؟

    مودتى و احترامي

    ردحذف
  7. الكورة دي المفروض رياضه و خلي عندك روح رياضية دي جملة خلصت الظاهر

    وبعدين هي جت عالكورة؟؟ عليه العوض ومنه العوض

    أما بالنسبة لموضوع التعليقات ففعلا أنا حسيت إنها نوع من أنواع الشات

    يعني بأمانة أنا دايما بارد عالتدوينات و نادرا ما أفتح الموضوع مرة تانية أشوف الرد على ردي إلا في حالة لو كان الموضوع قابل للنقاش

    بس يلا برضه نقول حتيجي على المدونات يا ستي ...انا قريت في مدونة أوراق مبعثرة إنهم حيعملولنا مقابر جماعية بجوار كل مدينة تحسبا لأنفلونزا الخنازير

    و أنا اللي كنت موصية أتدفن مع جدو الله يرحمه

    عمار يا شعب مصر

    ردحذف
  8. طبعا الا الدين

    ومفيش اى داعى لاننا نسخر من كلام الله وقرانه علشان اى سبب من الاسباب

    اما بخصوص التعليقات فطبعا شئ سخيف حكاية اول وثانى وثالث تعليق
    دى بتبقى ناس بتهرج

    وعايز رايك فى الموضوع الجديد اللى اذعتة من يومين بما انك انتى وكل اللى علقوا قدرتوا تغيروا فكرتى من الاعتزال الى اجازة بس

    منتظر زيارتك

    ردحذف
  9. سيبك من المباراه الاعلامية دي يا منى لانها موجودة من زمان بس زمان مكانش في فيس بوء ولا في انتر فت

    الانيل بقى لو مصر اتغلبت انا ماعرفش هي لو غلبت هاتروح فين تقريبا اللعيبة هايدخلوا الجنة مش عارف او يمكن تطلع فتوى تقول انهم جاهدوا في سبيل الله بمناسبة الفتاوى اللي بتطلع كل يوم

    موضوع التعليق اللي اكتر من مرة في نفس البوست

    هو دايما بيستفزني لدرجة اني اتكلمت مع ناس كتير عشان مايتعملش في المدونة عندي

    بس احيانا بادخل مدونات ... باحس انها عاملة زي عالم ديزني ولازم هيصة فيها

    وساعات بلاقي نفسي منساق ورا الهيصة

    بس بجد هو مستفز

    ردحذف
  10. مش معنى انك بتشجع فريق توصل بيك البجاحة انك تغير وتحرف ايات القران الكريم خلينا اية للغرب واحنا مشوهين صورتنا بنفسنا فى كل حاجة


    دمتى بكل ود

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))