السبت، أكتوبر 17، 2009

عارف



برغم خوفى وابتعادى
بدور عليك

بدور عليك فى كل فرحة أفرحها وأنت مش معايا
بدور عليك فى كل دمعة تنزل وانت مش جانبى
كل مرة أقول حاجى والنهاردة حأقولك
بس كنت بستنى وصبرى مصاحبنى
لانى كنت بقول لا لسة ماأنش الاوان
عارف
أنا صوتى مش متحاش
أنا صوتى جوة الضلوع محبوس
خايف يصرخ ويبوح
نفسى أقولها وأعيشها وأرسمها
بس أنت كمان تقولها
حاول مرة بس مرة وعايشينى فيها
عارف
لسة فجرى مهزوم
وقلبى زى ما أنت بتقول مقسوم
خايف يقرب ويهديك حنان
وخايف يبعد ويموت جوايا من غيرك الامان
زمنى مش زمن الرفض ولكنه برضة لا لسة ما أنش الاوان
ويمكن ميكونش فيه أوان
أنا موجى مش عالى ولا مراكبك ممكن تتوه فيا
أنا بنت أقل من عادية
أنا نخلة انت بايدك زرعتها طرح بلحى والريح بتمرجحه
بيناديك تعالى خد منى حباب النينى بس أوعى تروح منى وتضيعه
عارف
أنا مجرد طفلة تايهة ومنسية
متسنية الى يعدينى ويخد بأيدايا
يمسك كفى ويحضن بالوناتى
ويخطفلى نجمة من السما مضوية
انا زيك عصفورة شريدة
عشى هو خطواتك وحنان عينيك ليا
عارف
لو كنت أقدر أقول
كنت مش بس قلت لا ده أنا كنت حكيت
وكمان على الربابة غنيت
أنا لا عمرى رفضت
ولا على بعدك قدرت
انا ألف مرة بحبك وحبيت
بس أنت لا عمرك قلت ولا حتى على بابى جيت وخبطت
قلمى

ملحوظة: البوست ده كان تعليق منى على بوست (عارفة) المنشور فى مدونة أخر يوم فى الجنة بعد ما كتبته عجبنى وقلت أحطه عندى
http://mahmoudelshiekh.blogspot.com/2009/10/blog-post_15.html

هناك 7 تعليقات:

  1. كلمات رقيقة وجميلة جداً

    وجميل لو كنتى وضعتى رابط للبوست التانى

    تسلم إيدك

    ردحذف
  2. انا فعلا نسيت أحط الرابط وقد قمت بوضعه الان - شكرا رضا للتنويه

    ردحذف
  3. رائعة جدا الكلمات بكل الاحسايس اللى جواها


    برغم خوفى وابتعادى
    بدور عليك

    بدور عليك فى كل فرحة أفرحها وأنت مش معايا

    بدور عليك فى كل دمعة تنزل وانت مش جانبى

    كل مرة أقول حاجى والنهاردة حأقولك

    بس كنت بستنى وصبرى مصاحبنى

    لانى كنت بقول لا لسة ماأنش الاوان

    عارف

    أنا صوتى مش متحاش

    أنا صوتى جوة الضلوع محبوس

    خايف يصرخ ويبوح

    نفسى أقولها وأعيشها وأرسمها

    بس أنت كمان تقولها

    حاول مرة بس مرة وعايشينى فيها

    عارف

    لسة فجرى مهزوم

    وقلبى زى ما أنت بتقول مقسوم

    خايف يقرب ويهديك حنان

    وخايف يبعد ويموت جوايا من غيرك الامان

    زمنى مش زمن الرفض ولكنه برضة لا لسة ما أنش الاوان

    ويمكن ميكونش فيه أوان

    تسلم ايديكى

    دمتى بتألق وابداع

    ردحذف
  4. ايه الابداع ده
    تحياتى لكلماتك الرقيقه
    وفى انتظار جديدك

    ردحذف
  5. Great article! End poverty - support fair trade: http://fashionableearth.org/blog/2009/10/17/international-day-for-the-eradication-of-poverty/

    ردحذف
  6. رائعة كعادتك منمن

    تسلمى يارب

    ردحذف
  7. أنا صوتى مش متحاش
    أنا صوتى جوة الضلوع محبوس
    خايف يصرخ ويبوح
    نفسى أقولها وأعيشها وأرسمها


    اصعب احساس
    هو احساس الكلمه المحبوسه
    الكلمه اللى تصرخ جوه القلب
    وتتحبس على اللسان

    تحياتى اللاسعه

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))