الجمعة، أكتوبر 16، 2009

رفقا بالقوارير

أن التى تخرج متبرجة وتظهر زينتها على الاخرين هى عاهرة وتخفى معها الشيطان؟؟؟؟
من أقوال صفوت حجازى فى موضوع النقاب
قال تعالى: إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم يوم تشهد عليهم ألسنتهم وأيديهم وأرجلهم بما كانوا يعملون
 الم يأتى الاوان أن تتقوا الله فيما تتفوهون به وفيما تقولون عن النساء
فمن قبله أفتى البعض أنه لا يجوز للمرأة الدخول على النت بدون محرم ولذلك لان المرأة لا يؤمن مكرها وعهرها؟؟؟

دخلت عليه يوماً فقام إليها وقبلها وأجلسها مكانه  
قام إليها ـ قبلها ـ أجلسها مكانه-- لم يقل قبلي رأسي
هي فاطمة رضي الله عنها وهو محمد عليه أفضل  الصلاة والسلام

قال الله تعالى في كتابه العزيز ما يلفظ من قول إلا لديه رقيب عتيد

كفاياكوا تطاول وكفاياكوا قلة أدب وكفاياكوا تجريح وكفاياكوا فتاوى وأنتم ليسوا بأهل لها
كفاية بقى جرجرة البلد الى بلبلة ليس لها أول من أخر
يا ناس (الى بيفتوا كلهم من أول كبيرهم لأصغرهم- والى بيشتموا فى المدونات - والى بيكتبوا على صفحات الجرائد)خالى قلبكوا شوية على البلد وعلى أهل البلد وعلى نساء البلد
 وأقفلوا بقكوا شوية وياريت شوية كتير

هناك 7 تعليقات:

  1. سلمت يداك عزيزتى
    ياسمين الناظر

    ردحذف
  2. السلام عليكم
    انا سعيد جدا جدا
    بدخولى مدونتك الاكثر من رائعه
    وسعيد بارائك التى تدل على انسانه واعيه تحب دينها ووطنها
    بارك الله فيكى
    واتمنى زياره مدونتى المتواضعه
    ودمتى بود

    ردحذف
  3. السلام عليكم


    عندك حق فى كل كلمة قولتيها


    بجد بقا الكل بيفتى عمال على بطال

    ودى اكبر فتنة على فكرة

    تسلم ايديكى

    ردحذف
  4. الحقيقة موضوع الفتاوى دة زاد عن حدة قوى لدرجة ان الواحد مل جدا من مثل هذة القنوات المتخصصة فى هذة الاقاويل بل وصل الامر الى مقاطعتها ودة بسبب المغالاة فى القول وعلى رأيك كفاية كدة بقى رفقا بنا

    ردحذف
  5. تسلم الأيادي... الموضوع عجبني جدا .. موضوع ان كل واحد يفتي بمزاجه بقى مستفز فعلاً...

    ردحذف
  6. غير معرف19/10/09 9:40 ص

    عندك حق بس يا رب يرحمونا من الثرثرة اللى ما ليها لازمة بس على العموم هما مش ساكتين ومش الموضوع ده بس ما هما بيحاولوا يشغلوا حياتنا بمشاكل تانية عشان ما تلحقيش تفكرى فى اى حاجة تهم بلدك وحياتك انا بصراحة تعبت من فضائح الناس فى بلدنا لحد ما الواحد بقى مش عايز يسمع ولا يشوف

    ردحذف
  7. مساء الانوار
    تحياتى لقلمك الرائع
    تقبلى مرورى
    احمد

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))