الاثنين، يونيو 22، 2009

فأر لكل مواطن !!

فى عدد الامس من المصرى اليوم أوضح الدكتور سامى البساطى رئيس الجمعية المصرية لعلم الحيوان أن الفئران أربعة أنواع أشهرها كما يلى :

1- الغيطى الذى يتميز بكبر حجمه مقارنة بباقى الانواع الاخرى حيث يصل وزنه الى أكثر من نصف كيلو جرام ويصفه الخبراء بالفأر الجرىء الذى يمد لسانه للانسان !! على أعتبار أنه يقول لنا والنبى لنكيد العزال ونقول الى ماعمره تقال يكيدنهم بالقوى ياحنا!!

2- الترويمبى الذى يفضل المناطق الرطبة الساحلية والموانىء : وده الى بيصيف مع الناس فى بورتو مارينا ومارينا وسيدى عبد الرحمن وسيدى كرير وأسياد الساحل الشمالى كلهم علشان يبلبط فى المية
3-الجبلى : الذى يتميز بسرعته الفائقة فى الانتقال من موقع لاخر مشيرا الى أنه الاخطر حاليا لنقله مرض الطاعون من المناطق فى ليبيا الى مصر ده ممكن نجيبه هو والبراغيت ونشغلهم فى السيرك للاستفادة من سرعته! سرعته الفائقة !! ويحلفوا لك بأغلظ الايمان أن الطاعون عمره ما حيجى مصر ياعم صلى على النبى (عليه افضل صلاة وسلام)!!!

4- الفأر القاهرى الذى يكثر فى مدينة القاهرة ويفضل المعيشة فى الشقق والمنازل !!! أعتقد أنها غلطة مطبعية والمقصود بها بعض أنواع من الجيران التى تحول حياتك الى جحيم من كثرة ما تقرض فى حياتك

5- (مش قال 4 لكن المكتوب 5) الفأر السيسى وهو من الفئران طويلة الحجم الذى لا يتجاوز وزنه ربع كيلو جرام ويتغذى على بقايا اللحوم والخضروات والفاكهة ويحب مخالطة الانسان!! كميل ياناس وده طبعا كلنا حاطينوه فى سلسلة المفاتيح بتاعة الشقة أو المكتب علشان أحنا شعب ودوووود وعشريين بأمارة الفراخ الى الناس لسة مربياها فى حضنها!!!

أنا كنت دايما أسال نفسى يعنى أيه يرقع بالصوت الحيانى النهاردة عرفت بعد ما قريت المقال والمفاجأة الحلوة بقى والكلام لسة من الجريدة : اشار عدد من الخبراء بالهيئة العامة للخدمات البيطرية والطب الوقائى الى أن أعداد الفئران لايمكن حصرها ولكن من المؤكد أنها تتجاوز ال100 مليون فأر بسبب قدرتها الفائقة على التكاثر!! ( من المؤكد وتتجاوز)

الا يا دكتور ايف يو بليز مافيش واحد فأر فانسى !!!!!!!!!!!!!!!!!!!! 1 2 3 أرقع بالصوت الحيانى


" قلمى "

هناك 4 تعليقات:

  1. شكلنا هيروح فى خبر كااااااااااااان يا منمن
    ربنا يستر

    ردحذف
  2. ربنا يلطف بينا
    ده احنا كده ماشيين بنظام فأر لكل مواطن وللا ايه
    ههههههههههه
    تحياتى

    ردحذف
  3. الحمد لله والشكر لله لا اخاف من اى شىء فيما عدا هذا الفأر بترعب جدا منه وتخيلى ان رعبى تضاعف وتضاعف
    بس المرض ده والعياذ بالله ليس له حدود لان لو الحدود اتقفلت هيمنعوا الفئران ازاى واللا هى بتعدى بجواز سفر برضه
    خوفى بيزيد يوم عن يوم من البلاوى اللى بتحصل بس المرض الاخير اللى ظهر فى ليبيا ده رسول الله صلى الله عليه وسلم قال فى حديث ما معناه ان اللى يصاب بيه ويصبر عليه يموت شهيد
    يارب اكون فاكره المعنى صح
    ربنا يستر اختى اللهم انا نسالك العفو والعافيه

    ردحذف
  4. علشان خاطر دعاء غيرت العنوان بتاعها الى فأر لكل مواطن مش كده احلى !!!

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))