الأحد، أكتوبر 24، 2010

عصير الكتب - علاء الديب الجزء الأول (تحديث)

أعانى منذ فترة من عدم المقدرة على كتابة موضوع بوهج عقلى وبقلمى
ولأنى أعرف أنه لا يشيخ الأنسان الا اذا فقد قدرته العقلية أو جانبا من هذه القدرات فأحاول دائما الا أوهم نفسى بأنه لم تعد لى مقدرة على التفكير وبأننى فقدت جزء من قدرتى العقلية على تخيل ما أود أن أبوح به ولكنى أحيانا أفشل جدا -
ولأنى لا أحب الأبتعاد عن الكتابة وعن المدونة فدائما أجد المعين بأن أكتب عن ما قرأت لحبى فيما اقرأ ولرغبتى الشديدة فى أن يستفيد الأخرين من قراءاتى من خلال كتاباتى.
واليوم بدأت قراءة كتاب عصير الكتب للكاتب علاء الديب والكتاب يقع فى 377 صفحة من الحجم الكبير وهو صادر عن دار الشروق والكتاب تجميع لمقالات كان يكتبها الكاتب تحت نفس العنوان فى مجلة صباح الخير ويقول الكاتب أبراهيم أصلان فى مقدمة الكتاب أنه شهادة كبرى على أبداعات حقيقية وتراثية من تاريخ هذا الوطن.
فيتستعرض الكتاب 111 عملا فى القصة والرواية والشعر والسياسة والموسيقى والأجتماع والتاريخ لذا خطر فى ذهنى أن أشارك القارىء المحب للقراءة أسماء تلك الأعمال وأتركه يبحث عنها ويتعرف عليها بنفسه خاصة أن القائمة ليست مقتصرة على المحلية بل وتحتوى على العديد من الأسماء والراويات العربية.
وفى هذا الجزء سأعرض أسماء الروايات والقصص
1- أصوات > سليمان فياض وقد أشاد الكاتب بأعماله الكاملة
2- لعبة النسيان> محمد برادة
3- بشاير اليوسفى> رضا البهات
4- الرحلة>فكرى الخولى
5- القمر فى أكتمال>نبيل نعوم
6- هاتف المغيب > جمال الغيطانى
7-أوراق شاب عاش من ألف عام > جمال الغيطانى
8- نوبة حراسة > جمال الغيطانى
9- خافية قمر>محمد ناجى
10- ذات> صنع الله أبراهيم
11- اللجنة> صنع الله أبراهيم
12- صاحب البيت>لطيفة الزيات
13- الشيخوخة وقصص أخرى>لطيفة الزيات
14- مدن الملح>عبد الرحمن منيف
15- البحث عن وليد مسعود>جبرا أبراهيم جبرا
16-حكاية زهرة>حنان الشيخ
17-إخطية>إميل حبيبى
18- تحولات الفارس القريب فى البلاد العاربة>فوزية الرشيد
19-حديث الصباح والمساء\صباح الورد>نجيب محفوظ
20- الحب فوق هضبة الهرم>نجيب محفوظ
21-الحرافيش>نجيب محفوظ
22-الفجر الكاذب وأصداء السيرة الذاتية>نجيب محفوظ
23-عباد الشمس>سحر خليفة
24-الأسرى يقيمون المتاريس>فؤاد حجازى
25-هروب الطائر الأبيض>رمسيس لبيب
26- الناس فى كفر عسكر>أحمد الشيخ
27-ترانيم فى ظل تمارا\أنوار>محمد عفيفى
28-التاريخ السرى نعمان عبد الحافظ>محمد مستجاب
29- الوتد>خيرى شلبى
30-السحر الأسود>شفيق مقار
31-أيام الطفولة وراويات أخرى>أبراهيم عبد الحليم
32-السيد من حقل السبانخ>صبرى موسى
33- حكاية عبده عبد الرحمن>أسما حليم
34-زينيب والعرش>فتحى غانم
35-الأعمال الكاملة>سعد مكاوى
35-رأيت النخيل>رضوى عاشور
36- تحريك القلب>عبده جبير
37-البلد وأعمال أخرى\البير وغطاه>عباس أحمد
38- أصيلا>جميل عطية أبراهيم
39- ترابها زعفران>أدوارد خراط
40- البستان\رشق السكين>محمد المخزنجى
41-رويات البحر>أسماعيل العادلى
42-الذى أقترب ورأى>علاء الأسوانى
43- الأنقلال>أبراهيم الحريرى
44- طائر فضى>جار النبى الحلو
45- حديث شخصى>بدر الديب
46-عاشق المحدث>نبيل نعوم جورجى
47-بحيرة المساء>إبراهيم إصلان
48-أنا الملك جئت>بهاء طاهر
49-صهيل الجواد الأبيض>زكريا تامر
50- المسيح الدجال>مصطفى محمود
51- أنا وهى وأزهار العالم>يحيى الطاهر عبدلله
52-حفلة سمر من أجل 5 حزيران>سعد الله ونوس (مسرحية)

ولقد توقفت عند هذا الحد من القراءة وقد أستفدت كثيرا فأنا لم أسمع عن بعض الكتاب على الأطلاق مثل أبراهيم عبد الحليم وعباس أحمد ورمسيس لبيب وشفيق مقار ورغم أننى أعرف بقية الكتاب ولكنى لاأعرف بعض الروايات فحتى نجيب محفوظ لم أكن أعرفه أن لديه مجموعة قصصية هى الفجر الكاذب - والسيد من حقل السبانخ لصبرى موسى.

وكما قالت لطيفة الزيات فى "الشيخوخة وقصص أخرى" لايشيخ الأنسان طالما ظل عقله يضفى على وجوده المعنى ويغذيه بهذا الوهج المتواصل الذى لا يشتعل فجأة ويخمد
- الذى يدفىء ولا يحرق - 
هذا الوهج الأزرق زرقة غاز البوتاجاز النقى الهادىء هدوء اليقين.

وللحديث بقية.........

هناك 9 تعليقات:

  1. حضرتك عندك حق

    و بأذن الله لم أنزل أجازة أجيب الكتاب دة

    و بعض الكتب من اللى حضرتك ذكرتيهم

    بالرغم أنى لسه مخلصتش المجموعة اللى معايا اللى اشترتهم الأجازة اللى فاتت

    بس لسة قدامى اكتر من شهريين

    و أستخلص من كلام حضرتك

    أن الشيخوخة لا تأتى و لكن نحن من نُحضرها

    دائما متألقه

    شكراً

    ردحذف
  2. وكما قالت لطيفة الزيات فى "الشيخوخة وقصص أخرى" لايشيخ الأنسان طالما ظل عقله يضفى على وجوده المعنى ويغذيه بهذا الوهج المتواصل الذى لا يشتعل فجأة ويخمد
    - الذى يدفىء ولا يحرق -
    هذا الوهج الأزرق زرقة غاز البوتاجاز النقى الهادىء هدوء اليقين.
    ==============================

    تسلم الأيادي يا منمن عصارة كتب فعلا

    حادور عالكتاب واشتريه إن شاء الله

    ردحذف
  3. علاء الديب من أكتر الناس اللى ما أخدتش حقها بجد ...مش بس فى سلسلة مقالات عصير الكتب دى اللى بينشرها لحد النهارده فى جريدة القاهرة كل يوم ثلاثاء, لأ كأديب كمان هو فعلاً عظيم و أخص بالذكر من أعماله : زهر الليمون .

    علاء الديب من كام سنة كانوا هيحبسوه عشان 80 ألف جنيه تكاليف جراحة أجراها فى القلب , ووزارة الثقافة تدخلت و أعادت طبع بعض كتبه و سددت من مستحقاته الفلوس اللى عليه عشان الراجل المرمى فى المستشفى ما ينتهيش عمره اللى أفناه بين الكتب و الأوراق فى السجن .

    على فكرة أحمد علاء مخرج فيلم بدل فاقد بتاع أحمد عز يبقى ابن علاء الديب , و معلوماتى ان علاء الديب عنده بنت تانية اسمها سارة مراسلة قناة من القنوات الأجنبية فى القاهرة بس مش فاكرة قناة ايه بصراحة .


    شكراً مدام منى للحديث عن علاء الديب , بجد بفرح لما حد بيجيب سيرته .

    تحياتى

    ردحذف
  4. اهو ادتينى فكرة كويسة عن الكتاب اللى متلقح فى الدرج منتظر دوره فى القرايه ..انا بدأت من فترة فى الحرافيش لنجيب محفوظ ..فعلا حلوة جدا ...وفى حاجات قريت منها اجزاء زى ترانيم فى ظل تمارا ...مشكورة على المشاركة بكل جديد ...

    ردحذف
  5. كتب رائعه

    قمت بقرائة بعضها

    نعم الاطلاع اهم ما يميزنا

    دمت فى حفظ الرحمن

    تحياتى

    ردحذف
  6. صدقينى يا منى مش عارفة اشكرك ازاى

    دايما بلاقى فى مدونتك كل ما هو قيم

    فكرة جميلة اوى انك تشاركينا فى اللى بتقريه

    وكأننا بنقراه معاكى

    تابعى واحنا متابعين معاكى اكيد


    تحية لعيونك

    ردحذف
  7. الأستاذة منى.........
    تحياتى لكى على كلامك المنطقى وأودعتى فينا شيئ كدنا أن ننساه فى زحمة الحياة فلكى الشكر كل الشكر وأمتعينا معك بالقراءة والمتابعة لكل ماتقرأيه

    ردحذف
  8. الكتب اصلا مغرية جدا بالنسبة لي ..
    باحس انها ثروة ..!!
    في اسماء كتيرة انا برضه معرفهاش .. و كتب ماسمعتش عنها قبل كدة.
    هاشوف بقى البوست الاخير اللي هو تكملة البوست دة :)

    ردحذف
  9. تسلمى منى

    على العرض الطيب


    والمعلومات القيمة

    مع خالص تحياتى

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))