السبت، سبتمبر 25، 2010

المرة ديه بس لأجل خاطر الكتب


أنا لا أحب موضوع التاج هذا على الأطلاق وعادة ما أتجاهله ولكن لأنه هذه المرة خاص بالكتب وطلبت منى السيدة الفاضلة أم البنين والمعروفة بأسم كلمات من نور المشاركة فيه ولا أحب أن أرد لها طلبا لمكانتها فى قلبى فردى على التاج كالآتى: 
ما هي كتب الطفولة التي بقيت عالقة في ذاكرتك؟
كنت أقرأ مجلة أسمها "تان تان وميلو" بالفرنسية لأنى كنت فى مدرسة فرنساوى
 + لولو الصغيرة وصديقها طبوش باللغة العربية وكانت تصدر من بيروت وبالطبع بالأضافة إلى ميكى والمجلات ديه كنت بأشتريها من مصروفى ولو ضيعت المصروف فى الحاجة الحلوة يبقى مش حأشترى المجلات
والمغامرون الخمسة والـ3 + كان يوجد أيضا مجموعة بالفرنسية شبيهة للمغامرون الخمسة أسمها نادى الخمسة وكتب أرسين لوبين وأجاثا كريستى


من أهم الكتاب الذين قرأت لهم ؟
وليم شكسبير
تشارلزديكنزر
ألكسندر دوما
فيكتور هوجو
دانتى
أجاثا كريستى
مصطفى لطفى المنفلوطى
يوسف أدريس
أحسان عبد القدوس
بنت الشاطىء (عائشة عبد الرحمن)
ليلى عثمان
سعاد الصباح
أدوارد خراط
ألبير كامو
جابريال جارسيا ماركيز
وأخرون لا حصر لهم

من هم الكتاب الذين قررت ألا تقرأ لهم مجددا؟
أبراهيم عيسى (بدون ذكر الأسباب)

في صحراء قاحلة ، أي الكتب تحمل معك؟
 المصحف الشريف
كتاب الرحيق المختوم
وأى رواية للكاتب نيكولاس سباركس

ما هو الكاتب الذي لم تقرأ له أبدا ، وتتمنى قراءة كتبه؟
جوزية ساراماغو وأود أن اقرأ له سنة موت ريكاردوريس
وأيزابيل الليندى وأود أن اقرأ لها ابنة الحظ
(تم شراؤهم لكن لم أقرأهم بعد)

ما هي قائمة كتبك المفضلة؟ (ٍسأكتفى بكتابة اسماء 15 من الكتب والترتيب لا يعنى الأفضلية)
1- مرتفعات وزرينج "أمليى برونتى" + جين أير "شارلوت برونتى" (عدد مرات القراءة 3 مرات فى مراحل عمرية مختلفة)
2- الأخوة كارامازوف + الجريمة والعقاب  "لفيدور ديستوفيسكى" (عدد مرات القراءة مرتين  فى مراحل عمرية مختلفة)
3- الصدمة " ياسمين خضرا"
4- نساء صغيرات "لويزا ماى الكوت"
(عدد مرات القراءة 4 فى مراحل عمرية مختلفة)
5- البؤساء "فيكتور هيوجو"
(عدد مرات القراءة مرتين  فى مراحل عمرية مختلفة)
6- ماجدولين ترجمة  "مصطفى لطفى المنفلوطى"
(عدد مرات القراءة مرتين  فى مراحل عمرية مختلفة)
7- مسرحية الملك لير + حلم ليلة صيف "وليام شيكسبير"
8- مسرحية بنك القلق "لتوفيق الحكيم"
9- قصة مدينيتن "تشارلز ديكينز"
10- جاتسبى العظيم "سكوت فيتزجيرالد"
11- الكوميديا الألهية "دانتى"
12- الديكاميرون " جيوفانى بوكاشيو"
13- رواية الطاعون ومسرحية كاليجولا "ألبير كامو"
14- مجموعة قصصية لهيفاء البيطار تحت عنوان "كومبارس"
15- الكونت دى مونت كريستو "الكسندر دوما"
بالأضافة الى كل كتب الدكتور أحمد خالد توفيق وبهاء طاهر
Nicolas Sparks & James Patterson

ما هي الكتب التي تقرؤها الآن؟
سأختار بين 3
الأبواب المواربة لهيفاء البيطار
أشباح الجحيم لياسمين خضرا
My hope for Peace Jihan El Sadat

من أرسل لك الدعوة؟
كلمات من نور صاحبة مدونة كلمات من نور

أرسل الدعوة لمدون واحد علي الأقل من أجل مشاركتنا باطلاعهم في القراءة
كل من يرغب فى مشاركتنا فليتفضل بدون أن أرسل له دعوة

 وأخر مرة أجاوب على تاج أوكيه :)

هناك 10 تعليقات:

  1. أيوه صح أنا قلت لاجل خاطر الكتب زيك كده....أساسا ييجي اكتر من خمس مرات يجيلي تاج واعتذر ..تسلمي يا منمن أنا كمان قريت تان تان و لاكي لوك و وووو نسيت اسمهم بقى السن هههههه

    أما لولو الصغيرة فشفتها كارتون في السعودية و أنا في أولى ثانوي وكان صديقها اسمه نفيخه مش عارفه ليه (:

    تسلم الأيادي يارب يخليكي ليا و على فكرة أغلب المدونيين ميعرفوش إني أم البنين يعرفوني بكلمات من نور علشان معانا أكتر من أم بنين فأنا اخترت اسم مختلف وقتها

    شكرا شكرا للغستجابة علشان بجد داه تاج مفيد للكل

    ردحذف
  2. (:

    هههههههههههههههههههه

    طبعا انا بأضحك علشان اخر جملة الصراحة (:

    حااااضر

    التعليق بقى

    بيروت

    بجد كان لدور النشر هناك مجهود رائع جدا فى نشر كتب و مجلات الأطفال بكل اللغات المتاحة و اللغة العربية

    و يمكن انا متحيز للبنان عموما كمان

    و علشان كدة فى تدوينة قريبه عنها ان شاء الله

    طبعا مقدرش اتكلم عن اى كتاب و لا اعلق حضرتك كدة تعشقين القراءة منذ الصغر

    اغلب الكتب اللى حضرتك قلتى عليها شفتها ايوة (: شفتها علشان شفتها افلام (:

    و اللى عجبنى جدا

    قصة مدينتين

    و الجريمة و العقاب

    تحياتى و تقديرى الشديد

    (:

    ردحذف
  3. حلوة الفكرة بتاعت التاج ..بس اعفينى منها ...لانى مش هقدر اركز فى اجابات صح ...دى غير انك افحمتينى بقدر لا اعرفه من الكتاب والكتب ...يعنى مش هوصل لمستوى قراءاتك ...قدامى كتير اوى...
    جعلك الله زخرا للثقافة ....

    ردحذف
  4. انصح حضرتك تبدئى بأبواب مواربة .. حلوة قوى قوى

    ردحذف
  5. أيه ده كله...أنا عمرى كله ماهاقدر اقرأ الكمية والنوعية دى من الكتب..كدة ظهر أن ماعنديش أى ثقافة بالمقارنة بحضرتك يامدام منى...مش هاقدر اكلمك من دلوقتى غير ووشى فى الأرض ومش هارفع عينى وأنطق بحرف ...عقدتينى

    ردحذف
  6. لكم كلكم : تفاؤلوا أنتم ناسيين فرق السن - إن شاءالله لما توصلوا لعمرى حتكونوا قرأتم أكتر من كده -
    بس القراءة عندى متعة لا حدود لها ونفسى الوقت كله يبقى لها وأروح أشتغل فى مكتبة :))) تحياتى لكم أحلى أصدقاء

    ردحذف
  7. منى

    إختياراتك رائعة .. تدل على ثقافة بلا حدود

    بس تعرفى بجد أنا تقريبا مشترك معاكى فى أغلب قراءاتك و إختياراتك .. خصوصا فى الأدب العالمى

    شىء واحد بس فارق .. كتب الطفولة .. مجلات ميكى كانت معلمى الأول

    دمتى بخير

    ردحذف
  8. غريبة لم أجد اسمي :))

    موفقة مدام منى دائماً

    ردحذف
  9. السلام عليكم ورحمة الله وبركاته ..

    إختيارات موفقة مدام منى وتنم عن مقدار ثقافتك وفى حاجات كتير مشتركة أبرزها تشارلز ديكنز ..

    وتحياتى لحضرتك :)

    ردحذف
  10. متفقين في حاجات كتير على فكرة :)
    اختياراتك حلوة و ثرية للغاية ..:)
    تحية خالصة

    ردحذف

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))