النهاردة حصلتلى حالة أحباط من العيار الثقيل لكنى لن أحكى عنها سوف احكيها بعد الفاصل – الفاصل الى يوم السبت فحتى ذلك الحين لن أكتب عن أى شىء كئيب فلقد قررت أن أودع الكابة قليلا كفاية أخبار عن الانفلونزا والطاعون جاى ولا مش جاى ومافيش حاجة الا وعليها بلوى حتى جوائز الدولة التقديرية أتقلبت دراما فالنهاردة قررت أستظرف على رأى الى كان سايب لى تعليق أنى بأستظرف وأنه كفاية على كده قال يعنى جت على أنا ما مصر كلها بتستظرف وخفة الدم منتشرة بسرعة أكثر من الوباء جيه عندى وقال لى كفاية شوف أزاى !!
عقبال عندكوا يالى أن شاء الله حتتجوزوا قريب والى أتجوزوا يارب تشوفوا أولادكوا يارب متجوزين ومتهانيين كنت فى فرح عائلى يوم السبت (أبن أبن عمة اولادى – ايوه الحفيد) وما شاء الله الفرح كان جميل جدا وعلى التربيزات قبل ميعاد البوفيه كانوا بيقدموا أوردوفر – شوية سلاطات على زيتون وجبن وسمبوسة وكوبيبة وبعدين وسط ده كله طبق صغير فيه كام توستة صغيرة عليها سيمون فيمية مغروس فيها خلة اسنان ولما الطبق ده أتحط على الترابيزة لقيت الشابين الحلويين الى أخر شياكة الى جنبى أولادى فى نفس واحد بيسألونى – أيه ده يا ماما؟؟ ولان حسام حبيب كان بيغنى فصوتهم كان عالى علشان أسمع السؤال وتقريبا العالم سمع السؤال معايا – أنا كان يهمنى أن عماتهم لا تعرف مدى جهل أولادى – هى أكيد دلوقت واحدة فيهم عرفت لانها تقرأ لى بأنتظام !! يالهوى أمال تعليم أيه ومدارس أنجليزى أيه وواحد فى عمارة والتانى فى سياحة وفنادق وأمهم سافرت لبلاد مختلفة والشباب متعرفش شكل السيمون فيميه – بس هما حيعرفوه بأمارة ايه؟؟؟ مثل فى السوبر ماركت أشاور عليه وأقول هو ده الى كنت بأدور عليه وأكيد مش حنجيبه فى البيت كأوردوفر وطبعا جلساتهم الشبابية لاتحتوى على السيمون فيميه – المهم قلت لهم ده سيمون فيميه يقوم واحد يرد ويقول لى والله الحمدلله أنى عشت وشفته (ماشاء الله الاستظراف يسرى فى العائلة) وقلت يارب الليلة تعدى والحمدلله أنه لم يسال هو أيه السيمون فيميه (طلعوا عارفين يعنى كان ناقصهم الشكل ياحبة عينى) أخ لو ماكانوش عارفين كنت ساعتها لطمت ولا شياكة بقى ولاغيره – واحد قام يصور حسام حبيب ولم يعنيه طعم السيمون فيميه لا من قريب ولامن بعيد – والى داقه لم يعجبه طعمه على الاطلاق وضحكت لانى تذكرت (س) من الناس زمان أيام لما كنت مع أهلى فى الكويت كانت تقول لى مش بتحبى الكافيار أقول لها لا تقول لى ياى أصلك فلاحة !!! عارفين زى نظام أمك قائد طبية تبقى مش من مستووووووايا!!!وكانت تقول نفس التعليق لانى أكره الخرشوف وللان لاأفهم ما العلاقة بين الفلح والكافيار والخرشوف رغم اننى لست فلاحة على الاطلاق (الحقيقة أن جدى باشا أصيل وهى من صعيد ملاوى ومش فاهمة الاكل ماله ومال الفلح أى كلام ) لكنى أحب الفلاحين أحسن ناس وهو ماله الفطير المشلتت والمش والعسل لما الواحد يأكلهم وهو قاعد على الطبلية ولا جوز حمام وشوية ملوخية - خرشوف ايه وكافيار أيه
أفتكرت كمان لما مرة فى الشغل من زمان كنا بنتكلم عن الاكل ساعة البريك بعدين حد أتكلم عن الفواجرا لانه كان فى باريس والموضوع دخل فيه كذا حد لما كانوا فى باريس وبرضة بيحكوا عن الفواجرا وبعدين وأحنا راجعين مكاتبنا حد سألنى هى الفواجرا ديه أيه مش عارفة سالنى بحكم أنى رحت باريس ولا لأنى ذويقة ولا علشان شوية عندى فكرة عن اللغة الفرنسية فجاوبت بكل بساطة كبدة الوز – وز وز كل الكلام ده عن الوز الله يوجع دماغكوا؟؟!!! طب ما تقولوا كبدة الوز لزمتها ايه عوجة اللسان ديه – وأنا مالى؟؟ هو أنا الى أخترعتها – ثم ديه أكلة أخر شوياكة وغالية جدا فى باغى (غ=ر)
عقبال عندكوا يالى أن شاء الله حتتجوزوا قريب والى أتجوزوا يارب تشوفوا أولادكوا يارب متجوزين ومتهانيين كنت فى فرح عائلى يوم السبت (أبن أبن عمة اولادى – ايوه الحفيد) وما شاء الله الفرح كان جميل جدا وعلى التربيزات قبل ميعاد البوفيه كانوا بيقدموا أوردوفر – شوية سلاطات على زيتون وجبن وسمبوسة وكوبيبة وبعدين وسط ده كله طبق صغير فيه كام توستة صغيرة عليها سيمون فيمية مغروس فيها خلة اسنان ولما الطبق ده أتحط على الترابيزة لقيت الشابين الحلويين الى أخر شياكة الى جنبى أولادى فى نفس واحد بيسألونى – أيه ده يا ماما؟؟ ولان حسام حبيب كان بيغنى فصوتهم كان عالى علشان أسمع السؤال وتقريبا العالم سمع السؤال معايا – أنا كان يهمنى أن عماتهم لا تعرف مدى جهل أولادى – هى أكيد دلوقت واحدة فيهم عرفت لانها تقرأ لى بأنتظام !! يالهوى أمال تعليم أيه ومدارس أنجليزى أيه وواحد فى عمارة والتانى فى سياحة وفنادق وأمهم سافرت لبلاد مختلفة والشباب متعرفش شكل السيمون فيميه – بس هما حيعرفوه بأمارة ايه؟؟؟ مثل فى السوبر ماركت أشاور عليه وأقول هو ده الى كنت بأدور عليه وأكيد مش حنجيبه فى البيت كأوردوفر وطبعا جلساتهم الشبابية لاتحتوى على السيمون فيميه – المهم قلت لهم ده سيمون فيميه يقوم واحد يرد ويقول لى والله الحمدلله أنى عشت وشفته (ماشاء الله الاستظراف يسرى فى العائلة) وقلت يارب الليلة تعدى والحمدلله أنه لم يسال هو أيه السيمون فيميه (طلعوا عارفين يعنى كان ناقصهم الشكل ياحبة عينى) أخ لو ماكانوش عارفين كنت ساعتها لطمت ولا شياكة بقى ولاغيره – واحد قام يصور حسام حبيب ولم يعنيه طعم السيمون فيميه لا من قريب ولامن بعيد – والى داقه لم يعجبه طعمه على الاطلاق وضحكت لانى تذكرت (س) من الناس زمان أيام لما كنت مع أهلى فى الكويت كانت تقول لى مش بتحبى الكافيار أقول لها لا تقول لى ياى أصلك فلاحة !!! عارفين زى نظام أمك قائد طبية تبقى مش من مستووووووايا!!!وكانت تقول نفس التعليق لانى أكره الخرشوف وللان لاأفهم ما العلاقة بين الفلح والكافيار والخرشوف رغم اننى لست فلاحة على الاطلاق (الحقيقة أن جدى باشا أصيل وهى من صعيد ملاوى ومش فاهمة الاكل ماله ومال الفلح أى كلام ) لكنى أحب الفلاحين أحسن ناس وهو ماله الفطير المشلتت والمش والعسل لما الواحد يأكلهم وهو قاعد على الطبلية ولا جوز حمام وشوية ملوخية - خرشوف ايه وكافيار أيه
أفتكرت كمان لما مرة فى الشغل من زمان كنا بنتكلم عن الاكل ساعة البريك بعدين حد أتكلم عن الفواجرا لانه كان فى باريس والموضوع دخل فيه كذا حد لما كانوا فى باريس وبرضة بيحكوا عن الفواجرا وبعدين وأحنا راجعين مكاتبنا حد سألنى هى الفواجرا ديه أيه مش عارفة سالنى بحكم أنى رحت باريس ولا لأنى ذويقة ولا علشان شوية عندى فكرة عن اللغة الفرنسية فجاوبت بكل بساطة كبدة الوز – وز وز كل الكلام ده عن الوز الله يوجع دماغكوا؟؟!!! طب ما تقولوا كبدة الوز لزمتها ايه عوجة اللسان ديه – وأنا مالى؟؟ هو أنا الى أخترعتها – ثم ديه أكلة أخر شوياكة وغالية جدا فى باغى (غ=ر)
وفى تركيا أحلى مارون جلاسيه تشتريه من هناك بيتباع فى برطمانات فلازم على الاقل تشترى برطمان علشان العيال تدوقوه وتعرف أيه المارون جلاسيه!!لما كنت هناك وأشترتيه لقيت حد من زمايلى بيسألنى معلش يامنى سؤال محرج أنا أسف ممكن أعرف أيه ده الى فى البرطمان؟ قلت له مارون جلاسيه – والله الى هو أيه بقى معلش لو مافيهاش أحراج – قلت أبو فروة محطوط فى عصير – ياسلام طب ماتقولى أبوفروة !!! أشرار !! والبرطمان أكلته لوحدى لان العيال طلعوا مش بيحبوا أبوفروة لا بالعصير ولابالسكر ولاحتى المشوى فى أيام الشيتى كما تنطقهاأليسا ومريام فارس -
وأحنا راجعين من الفرح أبنى قال لى بس الجبنة الى فى الاوردوفر كانت حلوة قوى هى أسمها أيه – ديه ديه ديه أسمها أسمها أقوووووووووووووووول ؟؟؟؟
- أيمنتاااااااااااااااااااااااااااااااااااااال -
أستظراف صح بس الطف بكثير من الاجواء الخانقة المحيطة بنا اليومين دول ما تخافوش مش حستظرف كتير بس مش حأكتب حاجات كئيبة لغاية يوم السبت زى ما وعدت -
" قلمى"
مدام منى انصحك تعملى فقرة فى اى قناه فضائية , وتعملى فيها توعية للحاجات اللى الناس ما تعرفش شكلها ولا اسمها , وكفاية علينا نشوفها مش لازم ناكلها , وانا ما اعرفش اى حاجة من اللى قولتى عليها نهائى , كويس انى ما كنتش معزوم فى الفرح ده والا كانت فضيحة بجلاجل !!!!!!
ردحذفأحلى حاجة فى التوبيك إنك قررتى تودعى الكاّبة
ردحذفالحمد لله يارب الحمد لله فى حد كل المارونج لاسيه ووصفه
ردحذفبوست ايدى وش وضهر ههههههههه
بس السيمون فيميه ده يا اختشى بيقى ايه بالضبط نوع من السمك ام اللحم المدخن والله اعلم
عسل جدا والله اللى بيقولك بتستظرفى ده غلبان ما هو لو عارف يكتب بالجمال ده ويوصف وينقل الصورة وتتحول فى مخيلة القارىء لصورة متحركة مكانش قال كده يلا على راى بابا ربنا خلق لنا ودنين لما نسمع كلام مش عاجيبنا نخرجه من الودن التانية
بس الفرح ده ماشاء الله شكله اصلا متكلف تكاليف جوازة تانية هو انا هقر واللا ايه يلا بقى ربنا يسعد الناس يارب وكل ميسر لما خلق له
شريف - أيه رأيك بقى أنه أنا ما كنتش أعرف برضة مصطلحات عجيبة كده فى عرف الجهاز زى الفيرفورجيه وده طلع نوع من أنواع الديكور الى كل ما أسمع أسمه يجيلى ارتكريا وكمان طلع أن الشبكة الالماس عقبال لما تجيب لخطيبتك كده أسمها باجيت (القيراط باسم الناس الذوات) أنا أعرف الباجيت الى هو زى العيش الفرنساوى!! يعنى مش بالضرورى كل حاجة نعرفها بس أدينا بنتعلم - ماما مازن شكلك بيقر يا قمرة!!!! عقبال فرح أولادك يارب أن شاء الله - السيمون فيميه نوع سمك مدخن والكافيار بيض السمك بالمرة - وأشكرك على ذوقك أنا فعلا كان قصدى أعمل لكم جو من المرح
ردحذففعلا أول مرة أعرف الحاجات دي... و سيبك من اللي بيقول استظراف :) أول مرة أدخل على البلوج بس شكلها مش هاتكون الأخيرة :)))
ردحذفمدام مني
ردحذفأنت اليوم استحوذت على كم التعليقات التي لدي كلها سواء على الجديد أم القديم من موضوعاتك وحقيقة أنت خفيفة الظل ولا أجد تصنعًا أواستظرافًا
وبمناسبة المسميات والأشياء الغريبة التي قد يسمع المرء عنها ولا يراها فتبقى لديه مجردات بلا مدلول لا عقلي ولا حسي
دخلت أنا وزوجتي (السوبر ماركت ) لشراء ما نعرف ونحتاج وإذا بها تصرخ (أهوه أخيرا لقيته ) قلت أكيد أخوها وكان تايه منهم من سنين طويلة وشافت الوحمة اللي في خده عرفته . قلت مين ده قالت الأرت شوك مين ده وأيه الاسم العجيب ده وأشارت الى خضار كله شوك يشبه القنبلة اليدوية قلتلها وده بيتاكل ؟قالت:
كان نفسى فيه من زمان .ياضناياهاتي اللي نفسك فيه ودفعت وروحنا وجلست لاعداد الأرت شوك ده يارب يكون الاسم صح بلاش فضايح وقعدت تقطع وتحط في كيس الزبالة وفي الآخر طلعت قرص مدور سمكه نصف سم وامسكت به في فرح وهيام جعلاني أغار وقالت ياسلام .
قلت كل القشر ده عشان دي نظرت الي وعينيها تتهمنانني بالجهل ولم ترد .
وحضرني مثل شعبي يقول الجنازة حارة والميت كلب
أدهم والله ضحكتنى عرفتوا بقى أنا مش بحب الخرشوف ليه؟؟؟ من شكله!!!!! وأسمه :))))
ردحذف