ذكريات رمضانية

 وضعت هنا رابط لذكرياتى أثناء عمرة رمضان كنت كتبتها فى العام الماضى
من أجل الصديقات والأصدقاء الذين لم يقراؤها

http://mona-myownroom.blogspot.com/2009/08/2.html
 

http://mona-myownroom.blogspot.com/2009/08/1.html

اللهم أفتح لى أبواب رحمتك (2) مكة المكرمة

قبل أن أشرع فى كتابة الجزء الثانى من أجمل رحلات العمر (العمرة) أود أن أذكركم بنشاط (شنط رمضان) الذى تقوم به العديد من الجمعيات الخيرية كرسالة ومساعدة وبداية والجمعيات لها فروع فى معظم المحافظات لقد علمت من صديقاتى أن فى مثل هذا الوقت قبل رمضان يكونوا قد وصلوا لعدد الحقائب المرجو تحقيقه للتوزيع الا أنه فى هذا العام لم يتحقق حتى ربع العدد للان ربما للازمة المالية أو لوجود العديد من الناس فى المصايف لا أعرف ولايعرفن – فيارب نعلى الهمة فى هذا الموضوع حتى ولو بكلمة للتعريف بهذا النشاط الخيرى – فليجعله الله فى ميزان حسناتكم جميعا أن شاء الله –

من يعتقد أن العمرة هى مشقة فى المناسك فهو مخطىء فليست المناسك بمشقة لان الله يعنيك عليها أما المشقة فهى فى مقدرتك على تحمل ما تتعرض له وما تراه من سلوكيات لا تليق بالمناسك ولا الاماكن المقدسة والتى قد تؤدى الى توترك وفقدان أعصابك حتى ولو لثوان – وقد كنت أظن أنى ببلوغى ال48 أكون قد رأيت وتعلمت كل تصرفات البشر الا أننى كنت مخطئة وكنت من السذاجة أيضا أذ ظننت أن الناس تتحول الى ملائكة فى ربوع مكة المكرمة الا أنه للاسف ماضى هذا الزمن الجميل-

وقد صممت أن أبدأ فى العمرة الاولى فور وصولى الى مكة رغم حرارة الطقس وقد كان قبل صلاة العصر بساعتين تقريبا فقد كنت فى غاية الشوق والحماس لرؤية الكعبة والحرم وهو وقت يمكن الطواف حول الكعبة بسهولة ويسر فى رمضان حيث لا يوجد العديد من المعتمرين فى ذلك الوقت –

﴿وَإِذْ جَعَلْنَا الْبَيْتَ مَثَابَةً لِّلنَّاسِ وَأَمْناً وَاتَّخِذُواْ مِن مَّقَامِ إِبْرَاهِيمَ مُصَلًّى وَعَهِدْنَا إِلَى إِبْرَاهِيمَ وَإِسْمَاعِيلَ أَن طَهِّرَا بَيْتِيَ لِلطَّائِفِينَ وَالْعَاكِفِينَ وَالركع السجود) البقرة 125

والمسافة بين الفندق والحرم تقطع فى نصف ساعة سيرا على الاقدام وللحرم المكى العديد من الابواب الا أن أبوابه الرئيسية أربعة وهى : باب الملك عبد العزيز \باب الملك فهد\باب الفتح\باب العمرة وقد كان دخولى دائما من باب الملك عبد العزيز وبوابات المسجد الحرام مزودة بلوحات إرشادية تضيء باللون الأخضر في حالة وجود إمكانية لدخول المصلين وتضيء باللون الأحمر في حالة اكتمال الطاقة الاستيعابية للمسجد الحرام –

وقد كانت أول صلاة لى فى هذا المسجد العظيم هى صلاة الظهر بعد رؤيتى للكعبة المشرفة للمرة الاولى التى ما أن تبلغها حتى يخر قلبك خاشعا متضرعا بالدعاء وقد وجدت عيونى لا شعوريا تحولت الى نبع من الدموع وقد لفنى السكون حتى أننى لم أكن أشعر على الاطلاق بأى مخلوق من حولى فأنا كنت لا أفكر سوى أننى في أحب مكان إلى الله الذى ينزل إليه سبعون ألفا من الملائكة يطوفون حولها كل يوم وليلة وهي أقدس مكان على وجه الأرض بالنسبة للمسلمين كما أنها مكان خاص بالمسلمين وحدهم وأنها البيت الحرام الذى حرم الله القتال بها – وقد سؤلت عن شعورى عند رؤيتى للكعبة أول مرة ووالله أننى للان لا يمكن أن أصف حلاوة ونقاء هذا الشعور ولا روعة منظرها البراق الساحر فهى تجذبك نحوها ولا يمكن أن تمل من النظر اليها أبدا فى كل الاوقات - وما تراه من نقل مباشر (التلفاز) للصلوات التى تقام فى رحابها لا يمثل أبدا الصورة الواقعية القدسية لها وللمكان – فى عيونى كان كل شىء يبرق بنور آلهى – وقد قمت بالطواف وبلمس ستائرها ولمس الركن اليمانى والحجر الاسود ولان عدد المعتمرين كان قليل جدا فقد كان الحراس ينادون علينا لنقوم بلمسها-

-ربنا أتنا فى الدنيا حسنة وفى الاخرة حسنة وقنا عذاب النار وأدخلنا الجنة مع الابرار ياعزيز ياغفار يارب العالمين-

وبعد الانتهاء من الطواف صليت خلف مقام أبراهيم ركعتين وهو الحجر الذي قام عليه النبي إبراهيم عند بناء الكعبة وكان إبنه إسماعيل يناوله الحجارة وكل ما كملت جهة أنتقل إلى الجهة الأخرى يطوف حول الكعبة وهو واقف عليه حتى انتهى إلى وجه البيت ولقد كانت هذه من معجزات الله لإبراهيم أن صار الحجر تحت قدميهِ رطباً فغاصت فيه قدماه وقد بقي أثر قدميهِ ظاهراً فيه.

ومن المفترض أنه قبل السعى يشرب من ماء زمزم لكن لما كنت صائمة فقد أكتفيت بأن غسلت يدى ووجهى وقد كنت أرى النساء يقمن بأغراق ملابسهن بماء زمزم ولقد هدم البناء الذي كان فوق بئر زمزم وحفظت فوهة البئر أسفل المطاف وقد انشئت في قسم الرجال وفي قسم النساءالعديد من الصنابير المتصلة بخزانات تحت الأرض واصبحت المياه معقمة بالاشعة فوق البنفسجية و هذا البئر العظيم لم ينضب أبدا منذ أن ظهر للوجود وهولا يزال يحتفظ بنفس نسب مكوناته من الأملاح والمعادن – عند الافطار والشرب من تلك الصنابير ينعشك شرب هذا الماء –

إِنَّ الصَّفَا وَالْمَرْوَةَ مِنْ شَعَائِرِ اللَّهِ فَمَنْ حَجَّ الْبَيْتَ أَوِ اعْتَمَرَ فَلَا جُنَاحَ عَلَيْهِ أَنْ يَطَّوَّفَ بِهِمَا

هكذا تبدأ شعائر السعى بالترقى على الصفا ولما كان الحر شديدا فقد اصابنى الاعياء بنهاية الشوط الخامس وقد أذن لصلاة العصر فصليت للاستراحة قليلا ثم أكملت – ولا أنصح بالعمرة فى هذا الوقت من النهار (أول سبتمبر) فى حالة الصيام فللحق كدت أموت عطشا – فحرارة الجو هناك اكثر بكثير من حرارة جو مصر الان (أغسطس) الحر عندنا ده دلع بالمقارنة!!

وتمت أول عمرة لى بسلام وكانت عمرتى الثانية والتى قمت بأدائها بعد الذهاب الى التنعيم للاحرام مرة ثانية - تقطع المسافة فى حوالى ساعة وتوجد باصات مخصصة لنقل المعتمرين الى هناك ب2 ريال ومن هناك تعود الى الحرم بميكروباصات (ايوه زى مصر) أيضا ب2 ريال ,قد توجهت الى التنعيم فى 1 صباحا وأتممت عمرتى الثانية قبل أذان الفجر بربع ساعة تقريبا و العمرة الثانية كانت لوالدتى وكانت أكثر متعة وصفاء من الاولى رغم شدة الزحام فى ذلك الوقت – وقد كان الطواف حول الكعبة من الصعوبة لشدة الزحام الا أننى كنت أتحاشى الزحام بالتواجد دائما خارج نطاقه حتى ولو كنت فى أخر صف من الدائرة كما نصحنى الاصدقاء ونعم النصيحة حين تكون بمفردك وهذا يجعلك تطوف فى وقت أطول لان دائرة الطواف تكون أكبر – أما فى السعى فكنت حين أهم وأنظر الى حشود الناس أمامى أقول ياالله كيف لى أن أسير فى هذا الزحام وأجد نفسى والله اسير وأسعى ولا يوجد أحد حولى سبحان الله فلم أشعر أبدا بالزحام ولا زاحمنى مخلوق – وقد أخطأت بالخروج من باب غير الباب الذى أعتدت الخروج منه بعد الصلاة >كنت أظن أننى ما دمت أرى الكعبة أمامى فأذن انا قريبة من بابى< وكنت أظن أيضا بعد أن خرجت بأننى لو سرت قليلا سأعرف أين أنا وهذا خطأ فادح وخاصة أنه لا يوجد من يرشدك فحتى الحراس والامن لا يعرفون الاماكن (الحراس والامن فى منتهى الادب والذوق طالما تطيع الاوامر) والنصيحة أن تعرف الباب الذى تدخل وتخرج منه واذا وجدت نفسك عند باب أخر فعليك بالتوجه اليه من داخل الحرم فلن تضيع داخل الحرم وسيدلك حراس المسجد على الباب الذى تريده وهذا مافعلته بالتوجه مرة أخرى للمسجد لاجد أن باب عبد العزيز هو فى الجهة المقابلة للكعبة أى أننى قمت بالصلاة فى الجهة الاخرى (لفة كاملة) - وأجمل الاوقات وأحلى الصلوات هى صلوات الفجر والكعبة أمامى وأن كان هذا من الصعب تحقيقه يوميا لشدة الزحام وزحام عمرة رمضان يعادل تقرييا زحام الحج وقد تم ترتيب رحلة لنا لنعرف أماكن ومناسك الحج فقمنا بالوقوف على عرفات ورأينا منى والمزدلفة وقد أعتمدنا على معلوماتنا فلم يكن معنا مرشد ليشرح لنا الاماكن – أما أنتظار أذان المغرب والانصات الى الاذان فى صحن المسجد والصلاة ثم الافطار على التمر والحليب من أمتع اللحظات – تليها صلاة العشاء ثم التراويح والدعاء وأنا فى بيت الله وأحيانا كنت لا أجد مكان لاصلى التراويح (فى حالة أن توجهت للفندق بعد المغرب) واقوم بالصلاة على الرصيف الذى يفصل الشارع فلو أختل توازنى لوقعت ودهستنى السيارات المارة بهذا الطريق – واللهم أعز الاسلام والمسلمين فما أجمل النظر الى المعتمرين أثناء توجهم للصلاة اراهم الاف مؤلفة وكنت أفكر كيف يكون يوم الحشر اذا فرغم ضخامة عدد ما أراه لن يقارن بأعداد ذاك اليوم المهيب – و تكثر الصلاة على الاموات فى الحرم اللهم أرحم موتانا جميعا فكم من صلوات صليتها ببيتك وصلاها معى عبادك يارب يالله ترى كم عدد الصلوات التى تحتسب عندك يارب - رغم الحر الشديد وبعد المسافة بين مكان أقامتى والمسجد ورغم غرابة أطوار رفيقات سكن مكة (لسن نفس رفيقات المدينة) وصعوبة تحملى لطباعهن وصبرى عليهن الذى فاق حتى مقدرتى والزحام والتكابل والتصرفات والسلوكيات غير الادمية سواء عند صنابير زمزم أو اثناء تأديه الصلاة أو أثناء أنتظار الافطار وصلف وغلظة البائعين فى التعامل مع المعتمرين (من جميع الجنسيات) (التى لا أعرف لها أى مبرر) – الا أن الله منحنى مقدرة غريبة على التحمل أحمده كثيرا عليها والحمدلله ختمت القرآن مرتين فى رحلتى تلك التى والله أود أن أكررها مرة أخرى ولكن فى غير رمضان لاعيش سكينة وهدوء وصفاء المكان – الصورةفى أول البوست هى عن طريق الموبايل للكعبة أثناء صلاة الفجر
أماالتاليةفهى للمعتمرين فى أنتظار آذان المغرب أمام باب عبد العزيز

اللهم أرزق المسلمين والمسلمات جميعا بالحج والعمرة وافتح لهم أبواب رحمتك يا أرحم الراحمين – أمين -

"قلمى"

ملحوظة تم نقل بعض المعلومات من النت للتعريف بالاماكن فى الجزئين

اللهم أفتح لى أبواب رحمتك (1) المدينة المنورة

معذرة لطول البوست لكنى أعتقد أنه يستحق القراءة ولن تملواأن شاءالله عند قراءاته

كنت قد وعدت بكتابة خواطرى بعد عودتى من الاجازة عن أجمل رحلات العمر وهى العمرة التى قمت بأدائها العام الماضى الا أننى كا قلت لا أظن أننى سأجد وقت للكتابة فى رمضان حيث أننى سأعود يوم الرؤية من المصيف فعاهدت نفسى أن أحاول كتابة هذه الخواطر قبل السفر على جزئين واليوم أقص عليكم الجزء الاول من الرحلة ولنبدأ أولا بكيف تم الترتيب لهذه العمرة التى لم يخطر على بالى أبدا بأننى سوف أقوم بها فى هذا الوقت – لقد تم التفكير والتخطيط والموافقة على هذه الرحلة فى أقل من ثلاثة أيام فقد علمت بالرحلة التى يقيمها الجامع بالتعاون مع الشيخ ياسين فى أخر يوم للتقديم وتم أختيارى رقم 99 وعدد المتقدمين 100 وتم الاتفاق مع زميل العمل الذى سيحل محلى فى فترة غياب 15 يوما بعد الموافقة على الاجازة (لا يسمح بأجازة أسبوعين فى هذا التوقيت من العام) وتم تدبير المبلغ المطلوب رغم عدم وجوده أصلا وبدأت رحلة الانتظار لتأشيرة السفر لمدة أكثر من شهر ولم أشاهد جواز سفرى ولا التأشيرة الا قبل السفر بيومين وقد كانت أعصابى متوترة جدا قبل السفر حتى أننى كنت أرتعد خوفا لاننى أخشى الزحام ولا أعرف كيف سأتصرف أن أصابتنى نوبة فزع أو أختناق وأنا هناك بمفردى وكانت فكرة الموت اثناء أداء العمرة تسيطر على تفكيرى حتى أننى قمت بكتابة تفاصيل كل ما أقوم بتسديده وغيرها من الاشياء التى تكتب فى الوصية وتركتها لزوجى وأولادى وكنت أقوم بتوصيتهم على بعض حتى تأقلموا بأننى لن أعود اليهم مرة أخرى! طبعا كده عرفتوا أننى أستطيع السفر بدون محرم لان عمرى تعدى45
وبدأت الرحلة وقبل السفر كنت عقدت أتفاق بينى وبين نفسى أن أسيطر على أعصابى ولاأفقدها أى كانت الاسباب وأن أتحلى بالصبر ولا أفكر فى أى شىء سوى فى أننى متوجهة بكل جوارحى الى الله سبحانه وتعالى فأن كنت وحيدة فى رحلتى فأنا يقينى فى الله كبيرا بأنه معى - ونعم قد كان الله معى فى كل خطوة من خطوات هذه الرحلة المباركة –

وحين حطت الطائرة فى مطار جدة كان علينا التوجه بأسرع وقت للباصات المتوجهة الى المدينة المنورة وقد كان من المقرر البقاء بها 5 أيام (السبت – الاربعاء) وقد أستغرقت الرحلة للمدينة المنورة حوالى 7 ساعات دون توقف – وأول خطوة فى تلك المدينة المقدسة تذكرت أن خطوات الرسول عليه الصلاة والسلام كانت هنا فى جميع هذه الاماكن التى أراها الان والتى سوف أراها فكان واجب على أن أتمهل فى خطواتى وأستشعرت أن الجميع يفعلون ذلك رهبة وأحتراما للمكان – وكانت غرفتى فى الفندق مشتركة مع 5 سيدات (فيهم أم وأبنتيها) وكانت أدوار الفندق مقسمة بين السيدات والرجال ولم تكن الغرف مقسمة بالعائلات ولكن السيدات على حدة والرجال على حدة وكان على السيدات والرجال المحارم الاتفاق مسبقا على أماكن اللقاء قبل التوجه الى الغرف المخصصة لهم جميعا – (أنا لم يكن عندى هذه المشكلة لانى طرزان لوحدى) – وسأعفيكم من تفاصيل المشاركة فى الغرفة (الى أد الحق) بضم الواو مع 5 سيدات غريبات بطبائع وأعمار مختلفة لان هذا لم يضايقنى فى أى شىء هذا لاننى حين كنت شابة كنت أقيم لفترة فى بيت مغتربات فتعلمت كثيرا من تلك الفترة وأفادتنى فى موقفى هذا – والحمدلله لقد كانوا وكنا جميعا صحبة فى الخير وصحبة خيرة وقد كانت هذه الصحبة الجميلة من أحدى نعم هذه الرحلة الروحانية –

ما أجمل التوجه للصلاة فى المسجد النبوى الشريف (المسافة بين الفندق والمسجد 10 دقائق سيرا على الاقدام) - تضم المدينة المنورة الكثير من الفنادق، وتتركز أغلبها في دائرة مغلقة حول المسجد النبوي -
وعن جابر رضي الله عنه أن رسول الله صلى الله عليه وسلم قال : صلاة في مسجدي هذا أفضل من ألف صلاة فيما سواه إلا المسجد الحرام وصلاة في المسجد الحرام أفضل من مائة ألف صلاة فيما سواه أخرجه أحمد وابن ماجة –
وقد كانت أول دعواتى وأول صلواتى فى هذا المسجد هى صلاة العصر – "اللهم ياألهى أفتح لى أبواب رحمتك" ياالله اللهم أرزق المسلمين والمسلمات جميعا بالحج وبالعمرة وزيارة مسجد رسولك الكريم خاتم المرسلين" ولما كنت ف غاية الارهاق فقد عدت للفندق بعد الصلاة على أن أعود قبل صلاة المغرب للتأمل أولا فى هذا المسجد الجميل الرقيق قبل الدخول للصلاة فيه –
ومجموع أبواب الحرم بعد التوسعات الاخيرة (85) بابًا، موزعة على (41) مدخلاً منها على سبيل المثال: المدخل رقم (1) ويتكون من باب واحد وهو باب السلام - المدخل رقم (2) ويتكون من ثلاثة أبواب وهو باب الصديق - المدخل رقم (3) ويتكون من باب واحد وهو باب الرحمة - وهناك عدة أبواب مخصصة للنساء وقد كنت أدخل من مدخل 17 أو 24
تزدان ساحة الحرم الشريف بالقباب الجميلة التي تضفي على المكان جواً قدسياً مهيباًومن أجل توفير التهوية والإنارة الطبيعية للمسجد الشريف تم إنشاء (27) قبة متحركة وقد غطي الهيكل الفولاذي للقبة من الداخل بطبقة من الخشب الخاص كسي بطبقة أخرى من الخشب المزخرف على هيئة أشكال هندسية محفورة باليد، ومرصعة بالأحجار الثمينة داخل إطارات مذهبة – كما هو موضح من الصور التالية وقد قمت بتحميلها من النت حيث انه غير مصرح بالتصوير للنساء داخل المسجد – ومن أجمل المناظر التى يمكنك مشاهدتها هى منظر فتح القبب بعد أداء صلاة الفجر لترى نور الله والطيور\الحمام يسبح فى السماءخـير مـن دفنـت فـي البقاع أعظمه
فطـاب مـن طيبهـن البقـاع والأكم

نفسـي الفـداء لقـبر أنـت سـاكنـه
فيـه العفـاف وفيـه الجـود والكـرم


فأفضل ما في المسجد النبوي الشريف هى الروضة الشريفة ومن فضلها ما رواه البخاري في صحيحه عن أبي هريرة أن النبي قال : ((ما بين بيتي ومنبري روضة من رياض الجنة ومنبري على حوضي)) .وطولها من المنبر إلى الحجرة حوالي 26 متراً ونصف متر وهي محددة بسجاد اخضر اللون مختلف عن بقية سجــاد الحرم .

أما منبره الشريف فقد وردت أحاديث تدل على فضله، فقد روت أم سلمة رضي الله عنها أن النبي صلى الله عليه وسلم قال: " قوائم منبري رواتب في الجنة "
وقد عرف الصحابة رضي الله عنهم لهذا المنبر فضله وأنه حظي بوقوف النبي صلى الله عليه وسلم حين شق عليه أن يخطب الى جزع نخلة المسجد (كانت على شكل أسطوانة مخلقة) فلما ولي الصديق رضي الله عنه الخلافة قام في خطبته على درجة المنبر الثانية تأدباً مع رسول الله صلى الله عليه وسلم حيث كان يجلس على المنبر ويضع قدميه على الدرجة الثانية ولما ولي عمر رضي الله عنه الخلافة قام في خطبته على الدرجة السفلى ووضع رجليه على الأرض تأدباً مع رسول الله صلى الله عليه وسلم وتأدباً مع الصديق رضي الله عنه-

أما الحجرة النبوية الشريفة وهى حجرة السيدة عائشة والتي دُفِن فيها النبي بعد وفاته ففيها قبره عليه الصلاة والسلام وقبر أبي بكر وعمر رضي الله عنهما. وترتيبهم كالآتي قبر النبي في جهة القبلة مقدماً ويليه خلفه قبر أبي بكر الصديق ورأسه عند منكب النبي ويليه من خلفه قبر عمر بن الخطاب، ورأسه عند منكب الصديق

وعند زيارة قبر النبي صلى الله عليه وسلم وقبري صاحبيه أبي بكر وعمر رضي الله عنهما نقف تجاه قبر النبي بأدب ونخفض الصوت ثم نسلم عليه عليه الصلاة والسلام قائلين : " السلام عليك يا رسول الله ورحمة الله وبركاته ثم نسلم على أبي بكر وعمر رضي الله عنهما وندعو لهما ويترضى عنهما والحمدلله كثيرا أننى تمكنت من أداء هذا السلام المختصر للتدافع الشديد لذا تمنيت أن أكون رجل حتى أتمكن من السلام الطويل والدعاء والصلاة بتأنى – وأدعو الله أن يمكننى من الذهاب مرة أخرى ومرااااااات وحج يارب -

وقد أمر السلطان المملوكي المنصور قلاون الصالحي بعمارة القبة الخضراء فوق الحجرة النبوية التى يقع فيها قبر النبى عليه الصلاة والسلام وصاحبيهِ أبوبكر الصديق وعمر بن الخطاب –


أما المأذن فهى غاية فى الابداع ولا تقل المأذنة فى أرتفاعها عن 4 طوابق والمسجد أية من أيات الابداع الهندسى والمعمارى
والصورة فى اول الموضوع للمسجد من الخارج بعد أداء صلاة التراويح وهى غير واضحة لانها بالمحمول – وقد قمت بأداء جميع الصلوات فى المسجد سواء داخله أو خارجه فى الصحن لشدة الزحام ورغم أننى قمت بصلاة الظهر والعصر مرتين خارج المسجد فى عز الحر الا أننى لم أشعر أبدا بأى أرهاق أو عطش خلال الصيام سبحان الله

وقد تم تنظيم رحلة لزيارة جبل أحد والمسجد ذو القبلتين ومسجد قباء فهى من المعالم المستحب زيارتها فى المدينة المنورة ويستحب ايضا زيارة مقابر البقيع (الرجال فقط) – وكانت الزيارة فى اليوم الاخير قبل التوجه الى مكة وبدأت بزيارة مسجد القبلتين هو مسجد يقع في الطرف الغربي من المدينة المنورة فوق هضبة مرتفعة، ويشتهر ببياضه الناصع وسبب تسمية المسجد يعود إلى ان جماعة من المسلمين في عهد النبي - صلى الله عليه وسلم - كانوا يصلون اتجاه المسجد الاقصى واذا بمنادي خلفهم يصيح ويخبرهم بان الوحي قد نزل على النبي -صلى الله عليه وسلم - بتحوبل اتجاه القبلة من بيت المقدس إلى المسجد الحرام. (﴿قَدْ نَرَى تَقَلُّبَ وَجْهِكَ فِي السَّمَاء فَلَنُوَلِّيَنَّكَ قِبْلَةً تَرْضَاهَا فَوَلِّ وَجْهَكَ شَطْرَ الْمَسْجِدِ الْحَرَامِ وَحَيْثُ مَا كُنتُمْ فَوَلُّواْ وُجُوِهَكُمْ شَطْرَهُ وَإِنَّ الَّذِينَ أُوْتُواْ الْكِتَابَ لَيَعْلَمُونَ أَنَّهُ الْحَقُّ م﴾ (سورة البقرة144:) و بالفعل قام الصحابة رضوان الله عليهم بتحويل وجهوهم و اجسادهم شطر المسجد الحرام بمكة.

أما جبل أحد فهو كما قال عنه الرسول أحد جبل يحبنا ونحبه وهو جبل جرانيتي أحمر اللون وهو أكبر جبال المدينة و أعلاهاوقد وقفت مدة طويلة أتأمله وأشاهد الجزء الذى يدعى جبل الرماةحيث وقف الرماة الذين أمرهم رسول الله "صلى الله عليه وسلم" بالتصدي لكفار قريش لو هاجموا المسلمين من الخلف وتدور فى رأسى فكرة أننى هنا حيث كانوا هم هنا منذ زمن ليس ببعيد وتقع مقبرة شهداء أحد عند قاعدة الجبل حيث قام المسلمون بدفن شهداءهم السبعين بعد انتهاء المعركة وفيهم أسد الله حمزة بن عبد المطلب ومصعب بن عمير رضي الله عنهما وأنا أشاهد وأتذكر أحداث درسناها وحفظناها وأرى الان بعينى أثارها وتمنيت أن أكون متواجدة فى ذلك الزمن – يارب أجعلنى أشرب من حوضه وأقترب منه وأراه
ويبدو أننى وقفت مدة طويلة فى الشمس ونسيت نفسى فلقد شعرت بأعياء شديد ولم أتمكن من زيارة مسجد قباء رغم أننى كنت أعلم الفضل العظيم للصلاة فيه – وقد حزنت كثيرا لذلك وعند عودتى للفندق وجدت أنه تم تأجيل السفر لمكة لمدة يوم لعدم توافر الاماكن فى فنادق مكة فكان أن قمت بتأجير سيارة فى ذلك اليوم للذهاب لمسجد قباء فوجدت أحدى السيدات رفيقات السكن ترغب فى الذهاب معى وقد أستئذنت زوجها وجاءت معى (أمارة كمان على أن ربنا بيحبنى وكان معى) ومسجد قباء هو أول مسجد بني في عهد الرسول الكريم عليه افضل صلاة وسلام وكان فيه مبرك الناقة ويستحب لزائر المدينة أن يزور مسجد قباء ويصلي فيه ففضل الصلاة فى مسجد قباء كما رواه الطبراني بسنده إلى سهل بن حنيف أن النبي صلى الله عليه وآله وسلم قال: " من تطهر في بيته ثم أتى مسجد قباء فصلى فيه صلاة كان له أجر عمرة " وقد أثنى الله على أهل قباء بقوله: {لَمَسْجِدٌ أُسِّسَ عَلَى التَّقْوَى مِنْ أَوَّلِ يَوْمٍ أَحَقُّ أَنْ تَقُومَ فِيهِ فِيهِ رِجَالٌ يُحِبُّونَ أَنْ يَتَطَهَّرُوا وَاللَّهُ يُحِبُّ الْمُطَّهِّرِينَ} [التوبة: 108]. وعند الصلاة فى هذا المسجد تشعر بسكينة غريبة وللان لا أستطيع أحصاء عدد الركعات التى أديتها فى هذا المسجد الجميل





وصلاة التراويح فى المسجد النبوى والمسجد الحرام عددها 23 ركعة وليس هناك اجمل ولا اروع من اللحظات التى تؤدى فيها صلاة التروايح فى هدوء وخشوع وسكينة والاستماع لصوت القرآن بأنتباه وتمعن فى كلماته مافيش عيال تتنطط جنبك \محدش يجى يزغدك وأنت بتصلى (ستات) وتقول لك أنت برة الصف-أثناء الصلاة – تبقى ماسك المصحف تقرأ منه (ستات برضة) تلاقى واحدة تزغدك (مش فاهمة أيه موضوع الزغد ده) وتقول لك كده حراااام – أو واحدة تتصنت عليك فى كل ركعة وسجدة وبعد الصلاة تديك درس فى الاخلاق!! مافيش كده كل مخلوق رغم الجنسيات المختلفة جاء لاجل التعبد والعبادة والصلاة ثم الصلاة ثم الصلاة ولاشىء غير مرضاة الله تعالى وليس التدخل فى شئون الاخرين والتعالى عليهم وأزعاجهم –أحنا برضة فى بيت النبى علية الصلاة والسلام –اللهم صلى وسلم عليك يارسول الله –


قبل ما أحكي لماذا تمنيت أن أكون رجل فى مسجد الرسول عليه افضل الصلاة والسلام طبعا لازم أقول شىء عن الاكل والا مابقاش أنا وخصوصا أننا فى رمضان الاقامة فى المدينة كانت بدون وجبة (عكس مكة) يعنى الاكل علينا والصراحة أنا فى 5 أيام لم أقوم بشراء أى شىء سوى كانز بيبسى يوميا لانى لا استطيع الحياة بدون شربه وزجاجة مياه معدنية واللبن الرايب بتاع المراعى الى مالوش حل أو الحليب أنا مش عارفة اللبن المراعى الى فى مصر ده أيه أكيد خط مغشوش والله لا يمت من قريب أوبعيد للمراعى بأى صلة !! طيب كنت بأكل ازاى لما تمشى فى الشارع من الفندق للجامع تلاقى ناس واقفة تديلك أكل وجوة الجامع ساعة الافطار بيوزعوا علينا وجبة فيها عيش وزبادى وطبعا تمر ومش ممكن تأكل أى حاجة غير كده لان فعلا بتشبع وأنا مش بتسحر غير زبادى وبتكون معايا دايما واحدة زيادة – وأنا الحمدلله كنت دايما مرزقة للدرجة أنى كنت بوزع الاكل الى معايا –


أما لما تمنيت أن اكون رجل فى مسجد رسول الله وهو لكى أتمكن من زيارة قبره الشريف دون معاناة لان زيارة السيدات له بمواعيد وكل بلد فى موعد غير التانى ولان مصر أكبر جالية سيدات فلن تتخيلوا كم الزحام فى السيدات مهما وصفت لكم ولن أتدحث عن البدع النسائية المصرية ولا عن التصرفات المشينة منهن (كالزغاريد مثلا!!!) حتى أن المشرفة السعودية كانت تصرخ بأعلى صوتها الله يهديكى يامصر – ياعينى البنت أنهارت من نساء مصر – وكان يوم زيارة قبر الرسول عليه الصلاة والسلام هو المرة الاولى التى اتعرض فيها للموت فى الرحلة فقد كان الاندفاع قويا عند الدخول لدرجة أننى كنت أشعر بأن قفصى الصدرى تحطم من الاندفاع ولثوان لم أتمكن من التنفس وللان أنا لاأعرف كيف تمكنت من أداء الصلاة فى الروضة الشريفة فى وسط هذا الزحام وكيف أننى أدركت أننى فيها فى حين أن من كانت بجانبى كادت أن تسحق تحت اقدام السيدات وهى تصلى لانهن لم يشاهدنها لولا أننى تمكنت من لفت الانتباه اليها وحين أتذكر تلك اللحظة أعرف أن الله يحبنى كثيرا ولم يفارقنى لحظة أثناء تلك الرحلة ومن نعمه على هى الصلاة فى أجمل الاماكن –

وحان وقت الرحيل عن هذه المدينة الجميلة فى كل شىء ولا أنسى ذوق وأدب وأخلاق أهلها والعزاء الوحيد هو توجهنا الى مكة المكرمة – حيث بيت الله الحرام الكعبة أه وما أجمل النظرة الاولى لها ولهذا حديث أخر أن شاء الله – وودعت المدينة بقول الشاعر

رعى الله أياماً تقضّت بطيبه
وحيا ليالٍ ما عرفت لها قدرا
ليالي وصالٍ لو تباع شريتها بروحي
ولكنها لا تباع ولا تُشــرى
سألت إلهي قبل موتي زيارة
إلى الروضة الفيحاء والقبة الخضراء
وأدخل من باب السلام مسلماً على
الهادي المصطفى وأفرح ببشراه
وأقول يا رسول الله جئتك قاصداً
فكن لي شفيعاً يا أجل الورى قدرا

"قلمى"

بيروت - لبنان 2007 (2) والاخير

قررت أن أقهر حالة الكأبة المتسربة بداخلى وأكمل خواطرى عن رحلة بيروت علها تخفف من وطأة تلك الكأبة - كان من الصعب التحرك بسهولة فى بيروت خلال الفترة التى قضينها فيها وذلك بسبب أعتصام وتمركز العديد من الناس فى خيام عديدة فى بقعة من ارض شاسعة بجوار مسجد الحريرى (أعتصام خاص بأحوال أنتخابات الرئاسة القادمة) وهو مكان يعتبر حيوى جدا كما أن ساعات العمل كانت تعوق زيارة أى من الاماكن الممكن زيارتها - والاسعار فى بيروت خيالية ومن الصعب التسوق فى ظل هذه الاسعار الا لو كنت على دراية ومعرفة ببعض المحلات التى تبيع بثمن معقول وطبعا للستات لو بتحب الكريمات والشاور جيل الى بكل أنواع الفاكهة الى فى العالم والبارفانات وأدوات التجميل حتلاقيها هناك لانهم زى باريس فى الحاجات ديه –
ثانى يوم فى بيروت ذهبنا لمول فى وسط البلد بعد الشغل وكنا متفقين أن اصدقائنا يمروا علينا هناك علشان كانوا عازمنا فى مطعم أيطالى – الحقيقة البائعون والبائعات فى غاية البشاشة والذكاء ولا يمكن تدخل محل الا لما يعرفوا يخلوك تشترى وأنت مبسوط لكن مش بالحاح أو غصب عنك لا برضاك بعد اقتناع تام بالحاجة الى حتشتريها وتبقى عارف أنها تستاهل مش يأكلوك الاونطة – وحاجتهم مسعرة بالليرة اللبنانى وكمان الدولار والافضل أنك تشترى بالدولار علشان الليرة عملة تلخبطك من كتر الاصفار يعنى تبقى فاكر أن الالف ليرة ده مبلغ يطلع ميكملش 100 جنية – أنا سبت زملائى دخلوا محل يتفرجوا على حاجات الكترونكس ودخلت محل فرجين Virginأصل أنا لا يمكن أروح أى بلد من غير ما أدخل المكتبة واشترى كتاب أما عن البلد أو عن أى حاجة تانية ده بالنسبة لى حاجة مهمة جدا وطبعا قبل ما أدخل مديرى وزميلى قالوا لى من فضلك بلاش تشترى كتب كتيرة ! أنا أشتريت كتاب عن الاحداث اليومية لحرب اسرائيل على لبنان سنة 2006 الاحداث فى رواية على شكل يوميات من الاب شربل يكتبها لابنته فى كندا وهو يعيش فى حارة حريك وهى المربع الامنى التابع لحزب الله وهو بعيش مع زوجته مارى التى ترفض أن تترك المنزل لانها لا تريد ترك جارتها أم حسين التى تقطن بمفردها – الرواية اسمها لن انزح بقلم يوسف النبهانى (مش الشيخ النبهانى ده شخص مختلف) الكتاب تمنه 8 دولارات والرواية تضعك فى أجواء الحرب بأسلوب قصصى رائع وشيق ومؤثر وتظهر فيه روح الاخاء الوطنى بدون الحاجة الى شعارات حسن ومرقص – وفى طريقنا الى المطعم الايطالى توقف بنا الاصدقاء على البحر لنرى صخرة الروشة وهى تدعى أيضا بصخرة الحب وهى كما ترون فى الصورة صخرتين كبيرتين فى شاطىء منطقة الروشة فى بحر بيروت الغربى هى تكونت بفعل الزلازل والغريب أن صخرة الحب هذه مكان للانتحار!! فكرة المطعم الايطالى لم تكن تروق لى (هو أحنا جايين لبنان علشان نأكل أكل أيطالى وبيتزا والنظام ده لكن هم وعدونى أن اليوم الثالث حنروح نأكل أكل لبنانى علشان كده وافقت أروح وكمان كنت حأموت من الجوع كالعادة) – المطعم الايطالى ديكوره كأنك تجلس فى شارع من شوارع روما ووأتضح أن الاكل الايطالى ليس بيتزا وكانالونى ورافيولى وبس لا ده حكاية فيها كمان لينجوينى وريجاتونى وحاجات حلوة كتير على نفس الوزن أنا طلبت لازانيا ! وكأنها مطبوخة فى روما أدركت أن الايطالى الى كنت بأكله قبل كده أكيد كان صينى - والجميل فى المطعم ده أنه بعد ما الاكل وعايز تغسل أيديك بتطلع الدور التانى بتلاقى الحوض عبارة عن بئر كبيروالحنفيات معلقة في الجردل من فوقه بشكل حلو جدا – فكر برضة – خلصنا ورجعنا الفندق وطبعا رحت فى سابع نومة وأنا بحلم ببكرة يوم الاكل اللبنانى –
وجاء الميعاد بعد يوم أخر من العمل الشاق بس قبل ما نروح المطعم قالوا لنا أيه مش حتروحوا الرفاعى (انا المرة ديه كنت عارفة بيتكلموا عن أيه لان كذا مرة صديقاتى اللبنانيات يبعتوا لى كيس حلو منه) الرفاعى ده بقى اشهر واحد بتاع مكسرات فلو عايز تجيب حاجة لاهلك ولو بتعز أصحابك معزة خرافية يبقى تروح الرفاعى علشان تجيب لهم مكسرات بس خالى بالك كيلو الفستق ب 20 دولار طبعا رحنا وأحنا برضة حنعز حاجة على أولادنا والرفاعى مش بس مكسرات لا ده كل أنواع النوجة الى عمرى ما شفتها فى حياتى ولا حأشوفها غير فى المكان ده والله عنده حبة حاجات حلوة (ده لو بتحبوا الحاجات الحلوة زى أنا وعائلتى) بتاخد العقل على رأى اللبنانيين وطبعا أنا أكتر واحدة كعيت فى الطلعة ديه بس كله علشان العيلة – وتوجهنا لمطعم برج الحمام الموجود فى ماريوت بيروت – وبلاش أقولكم ماريوت بيروت عامل أزاى علشان لا أعكر صفو حلم ماريوت القاهرة والجى دبليو ماريوت (الى بالمناسبة أسوأ أكل ممكن تأكلوه فى حياتكوا هو فى الاتنين دول) – الكبة النية والعصافير المشوية من الاكلات المعروفة اللبنانية ولاتخلو أى مائدة منها- الكبة النية عبارة عن لحم مفروم جدا جدا ولايحتوى على فتفوتة دهن وتأكله مع الثومية أنا دقتها هى حلوة بس فكرة اللحمة النية ديه برضة مش عاطفية بس هى طعمها حلو أما العصافير بقى الى بيقزقزوها زى اللب فديه صعبة جدا وهى الحاجة الوحيدة الى ماعجبتنيش مش فى الاكل لا ده فى السفر كله بس الاكل اللبنانى بقى – هو ده – الصراحة الاكل المدعو لبنانى فى مصر لا يمت للبنان بأى صلة لا من قريب أو بعيد أنا وزملائى تقريبا جالنا تخمة من الاكل وياسلام الحلو حاجة أسمها مفروكة وهى كنافة خفيفة تحطها فى عسل وقشطة وتفركها فى الطبق وتأكل وأن شاء الله وزنك يزيد كده يجى 5 الى 10 كيلو والمصيبة أنهم مش بيتخنوا (حتة قر) وتسألهم أزاى مش بتتخنوا والاكل ده كله قالوا أنهم مش بيأكلوا كده غير فى الويك أند بس وباقى الاسبوع أكلهم صحى – فكر برضة – يعنى أحنا جينا لخبطنا نظامهم وطبعا ده متوقع مننا فى أى مكان !
نيجى بقى لاخر يوم فيكى يا لبنان وهو مسك الختام فقد قررنا لان الحمدلله مطلبوش مننا شغل (المكتب يعمل يوم الجمعة) كان عندنا يوم بطوله لغاية الساعة الخامسة لان الطائرة كانت الثامنة مساءا فقررنا نروح مغارة جعيتا وبعد تناول الافطار وتجهيز الحقائب تم وضعها فى التاكسى الى تم تأجيره للذهاب الى المغارة ثم الى المطار بعد ذلك وتقاسمنا مصاريف اليوم ده أنا ومديرى وزميلى – وكان سائق التكسى رجل عجوز بشوش ودمث الاخلاق وكان يشرح لنا بعض الاماكن فى الطربق (ذهبنا الى بيروت القديمة وهى منطقة اثريه جميلة تطل على البحر وتناولنا الغداء قبل الذهاب الى المطار وبعد أنتهاء جولة جعيتا) وقد مررنا على أحدى الجسور التى كان قد نسفها الاسرائليون أثناء حرب 33 يوم وقد رمم بالكامل ولا أثر لاى حرب وأخبرنا أنه قد تم نسف جسرين أخرين أثناء القصف وقد تم ترميمهما أيضا كما شاهدنا الطريق الى الجنوب حيث كانت بعض المناوشات لازالت تحدث فيه -
ومغارة جعيتا هى من أحلى الاماكن التى رأيتها فى حياتى ومن أجمل الاماكن الطبيعيةوأعتقد أن اللبنانين يعتبرونها من أجمل الاماكن الطبيعية فى الشرق كله وهى عبارة عن تحفة من صنع الله وحده سبحانه وتعالى وهى أولا تقع فى وادى أسمه نهر الكلب وللوصول اليها قطعنا مسافة طويلة بين جبال مزينة بأشجار الصنوبر والبلوط (كما فى الصورة وكلها صور فعلية من المكان ماعدا صورة المغارة فهى من النت لان تصويرها ممنوع)وعند وصولك بوابة المغارة تجد حارس الزمن فى أنتظارك يعتبر من أكبر المنحوتات فى الشرق –
ومغارة جعيتا عبارة عن تجويفات وشعاب ضيفة منحوتة طبيعى وبمرور الزمن المياه الكلسية المتسربة من المرتفعات كونت أشكال وتكوينات لا يمكن وصفها من روعة الابداع -أبداع ربانى-
وهى مقسومة لمغارة عليا وسفلى :
المغارة العليا متعة للسير على الاقدام فى ممرات للمشاة تلائم طبيعة المغارة وكل منحوتة أو صواعد وهوابط غير متشابهة فى الشكل فالتكوين فيها لا يماثل الاخروتجد نفسك مبهورا من المنحوتات الطبيعية ووتشكيل المياه على الصخور وطول ما أنا ماشية فيها (المسافة حوالى 750 متر) مافيش بنى أدم الا وكان بيقول سبحان الله من الجمال - والتصوير ممنوع سواء فى المغارة العليا أو السفلى (محدش بيدخل الكاميرا أو الموبايل مع أن مافيش حد شايفك وبتسيب الكاميرا والموبايل فى خزينة صغيرة قبل ما تدخل مفتاحها بيفضل معاك لحد ما تخلص الجولة) –
اما السفلى فهى المغارة المائية ويتم الانتقال فيها بقوارب صغيرة عبر مسطح مياة لتشاهد أيضا التكوينات الجميلة عبارة عن أعمدة هوابط ونوازل ولا تسمع غير صوت هدير المياه لان مافيش حد بيكلم ويرغى ويعلى صوته وهو بيتفرج ومافيش صوت خروشة كيس شيبسى ولا فرقعة علب الكانز علشان الاكل ممنوع فى المغارة للمحافظة على البيئة وهذا الهدوء والجمال الربانى تستمتع به لمسافة 500 متر تقريبا– المغارة المائية تقفل فى الشتاء لأرتفاع منسوب المياه – وسبحان الله درجة الحرارة ثابتة طول السنة فى المغارتين بس طبعا درجة حرارة المائية اقل من الجافة- ولابراز جمال المغارة سواء الجزء العلوى أو السفلى وليستمتع المشاهد بعجائب الطبيعة من الشلالات البلورية وضعت أنارة مميزة تلائم بيئة المغارة الحساسة - ويمكن قبل دخول المغارة مشاهدة فيلم عن تاريخها للتعرف على طريقة أكتشافها وحول تكوينها وتاريخها -

وكانت مغارة جعيتا هى أحلى ختام لتلك الرحلة التى لاتنسى والناس الجميلة الى شفتها هناك وتسلميلى يا بيروت ويارب أشوفك تانى

"قلمى"

بيروت - لبنان 2007

السفر بالنسبة لى هو أنطباع شخصى فما أحبه أنا فى بلد ما ليس بالضرورى أن يحبه غيرى وبالعكس وقد نكره أو نحب نفس البلد وما أشاهده فيها قد لايراه غيرى وغيرى لهم رؤية مختلفة – فماليزيا مثلا تعتبر المكان الامثل لتمضية شهر عسل أو عطلة صيفية بأماكنها وشواطئها الساحرة الا أننى رغم أعجابى بها لم اشاهد هذا الجانب رغم شهرتها الفائقة به- ويبقى السفر دائما أنطباع وذكريات سواء جميلة أو محبطة لكل من سنحت له فرصة سفر ولو حتى لبلد واحد –
والان الى لبنان فى الرحلة المتجهة الى بيروت من القاهرة يوم 24\7\2007 وأنا أحب لبنان قبل أن أراه أحبه فى قصة حب مى زيادة وجبران خليل جبران وأحبه لاجل قصص الياس خورى وأميلى نصر الله وأحبه كرمال فيروز وصوتها و أغانيها وأحب لبنان لحلاوة اللهجة التى يتحدث بها أهلها وأحبها لاننى لطالما حلمت بزياة مغارة جعيتا منذ الصبا وقد تحقق لى ذلك وأن جاء متأخرا-

وقد سافرت الى بيروت بعد ترقيتى بصحبة مديرى الجديد وهو مهندس شاب يصغرنى بسنوات (أنا الاكبر فى قسمى لكن الحمدلله فى الشركة ناس أكبر منى سنا) وقد سبقنا الى هناك بيوم زميل عمل أخر وكان الغرض من السفر هو أصلاح السيستم الذى كان دوان جدا جدا فى فرع الشركة ببيروت ولتدريب فريق العمل هناك – لن أخوض فى تفاصيل مهمة العمل لانها جدا معقدة – وتوافق سفرنا فى وقت كانت لبنان تعانى من عدم أستقرار سياسى بسبب أنتخابات الرئاسة وبسسبب أغتيالات كان اخرها النائب وليد عيدو الذى أغتيل فى يوينو – وقد تم أستضافتنا فى فندق يعد الاقوى فى أحتياطات الامن والحراسة وهو فونيسيا أنتركونتينتال (طيب لما أنتوا خايفين علينا كده سفرتونا ليه؟؟؟!!!) القريب من المطار ومن المراكز الرئيسية فى البلد والفندق يقع على كورنيش بيروت ويعد من أفخم الفنادق هناك ومكون من 31 طابق وقد أقيم به العديد من الاجتماعات السياسية الهامة وهو ايضا بالقرب من المكان الذى تم فيه أغتيال الراحل رفيق الحريرى وقبل الوصول الى الفندق يمكنك مشاهدة مكان الحادث ولازالت أثاره واضحة ويخبرك الجميع بكل فخر أنه مكان الاغتيال بغض النظر على أنك تكون مرعوب حين يخبرونك أن ما تراه الان وتسير فوقه السيارة كان حفرة عميقة جدا ولكن تم ترميمها وقد تم أغتيال الحريرى يوم 14\2 وأعتبر هذا اليوم عطلة رسمية فى لبنان لتخليد ذاكره (وليس للاحتفال بالفالنتين !)
كما قلت الفندق فى منتهى الفخامة والاناقة والاتساع وتبهرك ديكوراته ومهما رأيت من فنادق فى بلدى لا أجدها أبدا برونق ولاجمال الفنادق الاخرى وكم اود أن يتجول المهندسو المعماريين والديكور ليعرفوا أن ما يطلقون عليه جمال فى بلدنا ليس له علاقة بالجمال ولا الابهار وليس هذا تقليل من شأن بلدى وجماله لا ولكننى أحزن لاننا نظن اننا بلد سياحى وعندنا ما نمتع به السائح والحقيقة أننا نخدع أنفسنا بذلك فنحن حتى لا نعرف فن معاملة السائح عربيا كان أو غربيا –
الحمدلله غرفتى كانت فى الدور الرابع وهى للحق كانت تكفينى أنا وعائلتى بالكامل لو كانوا معى وفى كل سفر وعند زيارتى لمكان أو تذوقى لطعام لاأرغب الا فى وجود اولادى معى – يوما ما أتمنى لهم ذلك أن شاء الله – ولعلكم تذكرون حبى للطعام فكم سعدت بوجود سلة فاكهة فى أنتظارى مع كارت ترحيب وأيضا علبة أنيقة صغيرة تحتوى على تشكيلة من الحلويات الشامية- رغم الرطوبة العالية جدا فى هذا الوقت من السنة فقد فتحت الشرفة لارى ما يحيط بالفندق فاذا بى أجد على شمالى فندق لا يقل ارتفاعا وضخامة مع الفارق أنه نموذج محترق الجدارن والنوافذ وليس به أى معالم وواجهته محترقة تماما وحين سألت فيما بعد عن السر وراء عدم ترميمه قيل لى لوجود خلاف حاد بين الشركاء وكنت أحكى عن هذا الفندق لفريق العمل فى الاردن فقال لى أحدهم أنه كان لا يستطيع النوم بسبب وجود هذا الفندق بجواره حين كان هو شخصيا فى رحلة عمل لبيروت أما أنا فكنت أنام قريرة العين وأن كانت الاشباح حتى تقطن معى لان كما ترون من الصورة أن الفندق على الكورنيش أهناك منظر أروع من ذلك لتحلم به عند النوم !! والصورة مأخوذة بكاميرتى الديجتال التى أشتريها قبل السفر خصيصا لاجل عيون لبنان –
بعد أستراحة ساعة خرجنا للتنزه على الكورنيش حرارة ورطوبة الجو فى هذا الوقت يفسر لجوء أهل بيروت للجبل حيث أن معظمهم لهم بيوت هناك وكانت بيروت هادئة على عكس العادة بسبب الاحوال السياسية وحالة الترقب والامن متواجد فى كل مكان وبكل أدب يقترب منك الضابط لتفتيش الحقيية – بتسمحلينا بتفتيش الحقيبة؟ وبعد أعتذار يعيد الحقيبة (من غير نكت ولم يلقى باشيائك خارجها) ومهند (بطل مسلسل نور) يعد اسماعيل ياسين بالمقارنة بجنود الامن (لست أدرى ما سر تهافت الفتيات عليه!!!!) ويتم تفتيشك عند مدخل الفندق فى كل مرة حتى لو خرجت ودخلت 100 مرة وأن تصادقت مع رجال الامن وعرفوا شكلك عن ظهر قلب حتتفتش حتتفتش – مافيش ماشى يا عم نهارك ابيض – وبعد تناول وجبة سريعة عدنا للفندق لنستعد لايام من العمل وللتعرف على بلد جميل-

كنا وصلنا بيروت يوم الثلاثاء بعد الظهر و يبدأ العمل الاربعاء والخميس والعودة الجمعة ولان يوم العمل متواصل فقد كانت وجبة الافطار هى وجبة أساسية بالنبسة لى ولزميلى (مديرى لم يكن يظهر وقت الافطار ابدا) والفندق به 4 مطاعم رئيسية أذكر اسماء 3 منها جيدا لتميز الاسم Eau de Vie = ماء الحياة مطعم فرنسى و WOK WOK و قطعا لاأعرف المعنى ولكنه للاكلات الاسيوية أما موزايك MOSAIC مكان افطارنا فهو لبنانى وهو فى اللوبى وبه تراس يطل على المارينا (مارينتهم يعنى المرفأ ) والافطار هو الترويقة بلبنانى – اتروقتى؟؟ مش ترويقه مصر فى المكان أياه!!! لا يعنى فطرتى وأحلى ترويقة هى التى تتناولها فى ذلك المطعم الذى يصدح بأغانى فيروز كل صباح (أنت تسمع فيروز تقريبا فى كل مكان تذهب اليه) ويستقبلك الناس بكل بشاشة وترحاب وياسلام لما يعرفوا أنك مصرى – والحقيقة ده فى كل مكان فى بيروت مش بس فى الفندق – يبقوا عايزين يخدموك بعينيهم – واللبنانيون يجيدوا التعامل مع الناس فالجميع محل ترحاب وبشاشة فوق الوصف – وكان زميلى يتناول يوميا مع الافطار شريحة او أثنين سومون فيميه على مدى 3 أيام وهو شىء عادى جدا تواجده فى بوفيه مطعم شيك زى ده (الافطار مع الغرفة على حساب الشركة أوعوا تنسوا المعلومة ديه) طبعا أنا مش ممكن أكل سمك الصبح ابدا حتى لو كان أيه – ماله الاومليت والكرواسون والزبدة !!! بعد الافطار أو الترويقة نستعد للذهاب للمكتب وأنا رغم أننى كنت على أتصال شبه دائم مع معظم الزميلات والزملاء بمكتب بيروت الا اننى لم أكن على معرفة شخصية بهم وكانت رحلة العمل هذه فرصة لتعارف جميل وحتى الان رغم أن للاسف تم اغلاق مكتب بيروت تماما فى ديسمبر 2008 الا أننى على اتصال مع بعض الزميلات وأن كنت لا أعتبرهن زميلات ولكن صديقات – وفريق العمل بمكتب بيروت يشبه لبنان بطوائفه العديدة السنية والشيعية والمسيحية بطوائفها ولكنى لاأعرف أن كان بينهم أرمن او دروز وهم مجموعة مميزة هو كمكتب الاردن موظفيه جميعا من أبناء الوطن وليس كبقية الفروع فى الخليج والسعودية حيث التواجد المصرى 100% والفريق كشعب لبنان عامة طموح ويحب الحياة والتفاؤل لايتحدث فى السياسة معك أنما يقول الحمدلله – كتر خير الله – أن شاءالله بنسلم – وأن كان عندهم مثل سياسى رائع " ابن الحكومة اذا صادقته أكلك واذا عاديته هلكك " وعجبى !!! ولهم مقدرة جبارة على التأقلم وأعادة ميزان الحياة فلا وقت للاحباطات -
واللبنانيات متأنقات جدا ويشمل هذا المحجبات والـتأنق شياكة بسيطة كرنفال من الاناقة لاتؤذى العين وجميعهن مثقفات ويتحدثن باكثر من لغة ولكن لايدعين عدم معرفة العربية وللاسف كثيرون من يظن أن اللبنانيات هيفاء وهبى وتوابعها وهذا فهم خاطىء وبشع ولايمت للحقيقة بأى صلة –
وكانت هذه هى بعض من الانطباعات الاولى عن هذا البلد ولازال للحديث بقية

"قلمى"

كوالالمبور - 3 والاخير

اليوم هو اليوم الرابع والاخير فى ماليزيا لن أتحدث عن اليوم الثالت  لانه كان يوم عمل كامل – أما اليوم فهو اليوم المقرر لزيارة احد معالم كوالالمبور  قبل العودة للقاهرة ليلا وللاسف فأنه كان من رابع المستحيلات عندى التوجه الى ذلك المعلم  (مفرد معلم وليس معلم القهوة) الا وهو قمة جبل لمشاهدة البلد بالتليفريك يعنى أرتفاع شاهق مع جرعة من التجمد بسبب الجليد!! وطبعا أذكركم بأن عندى أكروفوبيا - للان لا أعرف ما الحكمة من أختيار هذا المكان رغم وجود العديد من الاماكن للزيارة فى كوالامبور لاأستطيع مع الاسف  تذكر اسم هذا المكان كما أن مجموعة العمل التى ذهبت اليه للاسف تركوا الشركة والمتبقى من الزملاء لم يذهب لهذا المكان -

فقررت أنا وبعض من زملاء العمل الذهاب الى تشينا تاونChina Town وهو مكان يقع فى شارع بيتالنج وتدعى أيضاChee Cheong Kai  

والمكان  فيه كل ما يخطر على بالك (هندى وماليزى)وصينى من الالف للياء والصينى (مش محلات 2.5 خالص) لا لكن التقليد المعتبر  يعنى تشترى ساعة رولكس تقليد ب10 دولار 100% وتتمنظر بها -الخبير بس فى الساعات الرولكس هو الى حيعرف أنها تقليد أو لو عرف مصدر الشراء 

الساعة ممكن تبوظ منك بعد  شهر لكن برضة ممكن تعيش معاك العمر كله – المكان عبارة عن شوادر وليس محلات ومنطقة  مزدحمة جدا وضيقة بدرجة غريبة حتى أنه لايمكن لاكثر من شخصين العبور سويا (واحد رايح وواحد جاى) – ينادى البائعون على بضاعتهم كلهم تقريبا فى نفس الوقت انت  لاتفهم مطلقا ما يصرخون به ولكنهم مستمرين  وأنت بتشترى لازم تنزل بالسعر لاقصى درجة لانهم أصلا بيكونوا حاطين سعر تقريا 3 أضعاف والحقيقة أنا أكتشفت فى المكان ده أن الرجالة أجدع من الستات فى فن الفصال أنا بس كنت اقول عايزة اشترى ده ويا سلام زميل لنا كان يجيب لنا تمن محصلش setengah يعنى نصف الثمن وديه واحدة من الكلمات التى يصرخ بهاالبائعون 

وتقدر هناك تشترى حاجات حلوة جدا لعائلتك ولاولادك وهدايا لاصحابك بثمن معقول جدا والحاجة أخر شياكة بس تخلى بالك من فلوسك حتى لاتنشل فى الزحام – لو أنت تحب الشوبينج حتعيش حياتك فى المكان أما لو بتكره الزحمة مثلى فلا يمكن تتحمل أكثر من  ساعة بالاضافة الى الروائح التى تملاء المكان سواء الاعشاب الطبية والبهارات  والكارى والعطور وطبعا رائحة العرق وكمان رائحة المطاعم الصينى العديدة والتى تغلق  مسام التنفس- بس المكان لازم اى شخص يذهب اليه طالما هو موجود فى كوالالمبور وخصوصا بالليل لانه بيبقى أحلى بالانوار والحيوية أكثر-

بعد الجولة عدنا الى الاوتيل وجهزنا حقائبنا وعملنا مغادرة check out وكان لسة عندنا وقت  لغاية الساعة الرابعة وكانت لازالت الواحدة فذهبت مع مجموعة للتمشية لمول قريب من الاوتيل

وهو سوريا مول suriaومعناها أشراقة الشمس (وليست البلد الشقيق)وهو مول شاسع جدا جدا من ست طوابق ويقع عند مدخل الباترونس تاورز (كما فى الصورة  الموضحة من الانترنت) والمول لايمكنك الشراء منه بأى حال من الاحوال نظرا لارتفاع أسعاره حيث أنه يعرض أشياء لاتصلح الا للمليونيرات مثل  مجوهرات تيفانى  وغيرها من الاسماء التى تقرأها فى مجلات الموضة أو تشاهدها فى الافلام و لكنه مكان جميل للنزهة حيث أن به العديد من مطاعم الوجبات السريعة والعديد من الكافيهات والتجول فيه متعة (له بروشور خاص لمعرفة كل ما يحتويه يمكنك الحصول عليه من مدخل المول)وهو ليس مكان للتسوق فقط لكن به مركز علمى خاص عن البترول و صناعته وأسمه   Petrosains Discovery Centre موجود فى الطابق الرابع ولضيق الوقت لم أتمكن من الذهاب اليه ولكنى علمت بوجوده من المعلومات الخاصة بالمول المتوفرة بسهولة-

ولانى عاشقة للكتب وتجذبنى رائحة الكتب فى أى مكان وجدت أن المول يحتوى على مكتبةKinokuniya وهى سلسلة مكتبات مشهورة يابانية (تحتوى أيضا على كتب انجليزية) والمول به قاعة أوركسترا للاحتفالات والعديد من دور السينما – من خارج المول يمكن رؤية (يمكن الدخول للبرجين من المول) برجين باترونس أو توين تاورز (توأم)وهما أعلى مبانى فى العالم حتى 2004 يعنى لغاية لما رحت وشفتهم الان اعلى برج هو  Taipei 101 فى تايوان 

البرج الاول خاص بشركة باترونس (شركة بترول) والبرج الثانى  يحتوى على العديد من المكاتب لشركات عديدة ومختلفة العجيب فى المبنى ليس فقط أرتفاعه الشاهق انما الجسر الذى يربط بين البرجين وهو موجود فى الطابق 41 و42 وهو ايضا أعلى جسر فى العالم والجسر ده ممكن أى زائر (طبعا غيرى يكون بيحب المرتفعات يطلع الدور 41 (وليس 42 لانه خاص بموظفى البرج) ويتمشى ويتفرج (ياحلاوة) وطبعا الناس الحلوة سابتنى وطلعت أتفرجت وهم قالوا عنى مجنونة لانى فوتت منظر أنى اشاهد لوحة جمالية من اعلى وأنا كمان قلت نفس الشىء عليهم ولكنى تجولت فى المكتبة وقد كانت متعة تفوق الصعود الى أى أرتفاع شاهق

وكالعادة كل حاجة لها أول لها أخر ورحلتنا خلصت وكان لازم نرجع الاوتيل ونلحق الاوتوبيسات للمطار ونفس الجمال الى شفته أول يوم فى طربق المطار هو أيضا نفس المنظر الذى ودعت به هذا البلد الجميل والرحلة كانت تتطلب المكوث فى مطار دبى لمدة 8 ساعات يعنى خراب بيوت مستعجل الى ما جابش حاجة من ماليزيا لازم حيشترى من مطار دبى وسوف أحكى لكم عن مطار دبى فى رحلة دبى لانه حدودتة لوحده

عايزة اقولكم أنه أول ما ركبت الطائرة الى القاهرة صوتى بدأ فى الاختفاء تدريجيا ولما وصلت القاهرة كان تلاشى تماما ومكنتش قادرة اتكلم وفضلت كده أسبوع تفتكروا ليه؟؟؟!!!! 

المرة الجاية حأحكى عن لبنان صحيح ذهبت الى تركيا 2005 بينما الى لبنان 2007 لكنى أحب ان أرسم لبنان اولا لانها كانت لوحة فى منتهى الروعة وبعدين بلد عربى شقيق وكتير حلو- 

"قلمى"

 

 

 

            

كوالا لامبور (2)

عايزة بس أنوه عن شىء لو أن شاءالله كملت خواطر السفر ستجدون كلام كتير عن الطعام مش لانى بحب الاكل بس لا لكن لان فى رحلات العمل وخصوصا لفرع الشركة فى بلد تانية يكون مظهر الاحتفاء الوحيد بك سواء من زميل مصرى أو عربى هو الدعوة على العشاء لان مواعيد العمل فى رحلة العمل تكون من 9 الى 5 ويمكن تزيد فلاأختيار لديك أما الاكل أو الشوبينج لان مافيش وقت تتفسح بس سيبكوا الاكل والشوبينج فسحة حلوة برضة ويارب الى نفسه يسافر ربنا يحقق له ده لو فيه خير له-
نيجى بقى لتانى يوم طبعا لانى كنت حأموت من الجوع من أمبارح فصحوت مبكرا جدا لاجل افطر ثم الذهاب الى الاجتماع الساعة 8 صباحا نزلت المطعم الرحب المخصص لذلك- المطعم حوائطه زجاج تطل على أشجار خضراء يلمعأخضرارها ومتناسقة دائريا مكنش لسة فيه ناس كتيرة من مجموعتى أو بقية المجموعات حطيم ملئت الطبق(مش على الاخر) وجلست على ترابيزة صغيرة منزوية لاننى لا أحب التحدث مع أحد صباحا قبل أن أشرب الشاى ولسة يدوب حأشرب الشاى لقيت مديرى فوق دماغى >صباح الخير لا تنسى الاوراق الى حنوزعها على الناس وأكدى عليهم أنهم يسلموها لك بعد ما يملوها قبل ما يسفروا< – حاضر مش حأنسى – (الاوراق على الكرسى أمامى) ومش ممكن أنسى لانى سمعت العبارة ديه قبل السفر وامبارح قبل ماأنام فأكيد مش حأنسى شغلى ! ووبدأت فعاليات الاجتماع وهى تبدأ اولا بكلمة رئيس مجلس الادارة ثم كل مدير بيعرض خطة عمل حتتنفذ فى ورشة عمل ودورنا كان الاخير لاننا الضيوف لكن عندنا سياسة عمل جديدة خاصة بقسمنا نظم المعلومات على كل موظفى الشركة أن ينفذوها – ولفت نظرى أن بعد كلمة رئيس مجلس الادارة الناس بتتسرسب حبة حبة يعنى الى يخلص يمشى وطبعا بيمشى معاه مجموعته وأنا بقيت انط كل شوية علشان محدش يمشى من غير ما أسلمه الاوراق وخصوصا أن قبل ما أدخل غرفة الاجتماعات مديرى سألنى فين الاوراق؟ مع أنى كنت أعمل معهه حينها من 10 سنوات ـاكيد أدرك خلالها أننى لم أكن يوما غبية! لما حان دوره فى الكلام كان ميعاد الغدا أزف وورش العمل سوف تبدأ فى ميعادها الساعة 3 بالضبط فيدوب خلص فى 5 دقايق – الناس الى أتسرسبت ذهبت للشوبنج قبل الورش بحثت عن شخص أخرج معاه فلم أجد-

كانت الساعة 1 ونصف قلت أذهب للغداء وبعدين أشوف أعمل ايه فى اليوم الى ابتدى مايبقاش عاطفى - الغدا كان فى مطعم تانى لما تدخله تحس أنك داخل جنينة الاسماك من كتر الكائنات البحرية البلاستيكية الموضوعة بتناغم على الحيطة الملونة بلون أزرق صافى والسرفيسات على البوفيه أشكال وأنواع من حاجات ملونة أنا مش فاهمة ديه ايه سألت ديه ايه قالوا لى سوشى ؟ أنا كنت فاكرة أن سوشى ده تبع اليابان لكن لا ده تبعهم برضة وهو عبارة عن طحالب ملونة الوان خرافية طبيعية وشكلها جميل جدا بس طحالب وأنا مش ممكن اكل طحلب كنت بمسكه على البحر فى اسكندرية وارميه على الرمل لما يلف على رجلى قعدت أتفرج على اللوحة البديعة ديه الى لا يمكن تقترب ايدى منها حتى جائت لحظة عينى فى عينيه الجمبرى اه هو ده والجمبرى بقى ايه مش دعدع لا ما شاء الله جبت الطبق وطبعا لانى بنت ناس حطيت يادوب 4 فى الطبق وجبت عيش وزبدة وسلاطة وقعدت على الترابيزة وجبت الشوكة والسكينة علشان افصل قشرة الجمبرى عن الجمبريية وباقطع وأحط فى فمى وأمضع وجدته نىء يععععععععععععع أنا لاأعرف للان هل يأكلونه نىء ولا كان المفروض أخد الجمبرى للطباخ واقوله من فضلك اسلقه أو اقليه زى ما أنا عاوزة ؟؟ الصراحة أنا أتأرفت جدا وذهبت للاوضة وبعد شوية تفكير مع النفس فى حاجة أنا مؤمنة بها جدا أن لو أنت عاوز تبسط نفسك حتنبسط مهما كانت الاسباب الى تحيط بك لاحباطك ولو أنت تريدأن تعيش البؤس حتعيشه مهما جابولك من أراجوزات وطبل بلدى نزلت الريسبشن وسألت المسئول ايه اقرب مول ووسيلة الذهاب اليه (طبعا بالانجليزى) أنا كنت عارفة أن البلد دى أمان ومافيش خوف من الخروج لوحدى وبعد ماسألت وعرفت وطبعا يخبرك عن المكان بدقة ويقولوا لك على كذا أختيار لوسيلة المواصلات- و بعد ما غيرت عملة (عملتهم أسمها رينغت) خرجت من باب الاوتيل علشان أعيش وأتجول فى بلد ملتقى النهرين (جومباك وكلانج) ويا سلام يا سلام على ما أول ما خرجت من باب الاوتيل ولانى كنت قافلة الستارة ماكنتش شايفة الشارع – أنا كان عندى أختيارين للذهاب للمول أماالتاكسى أو المونوريل والمونوريل ده عبارة عن قطار صغير بس أختراع ( صورته منورة هنا) وألوانه متعددةكل قطار بلون أمااصفر أوأزرق وأسود وموف القطار ده متشعلق فوق الكبارى وفيه كمان اللايت ريل وهو أيضا قطار صغير لكنه يمشى على قضبان وغير معلق كما فى الصورة أنا قررت أعدى الشارع واركب المونوريل المعلق لان كان عاجبنى شكله وقلت ارجع بالتاكسى وديه مغامرة كادت أن تصابنى سكتة قلبية خاصة أن أخر عهدى بالمغامرات هو تزويغة من الكلية مرة علشان أشوف فيلم زانادو والدى ووالدتى الحمدلله انتقلا الى رحمة الله تعالى ولم يعرفوا حكاية التزويغ ديه - تعدية الشارع هناك فى حد ذاته فن لانه متقسم لحارات وفى كل حارة وسيلة مواصلات واحدة أما موتوسيكلات بتجرى صواريخ و الموتوسيكلات أيضا ملونة وأخرشياكةوهى ليست خاصة بالديلفرى لكنها ملك الشباب والرجال الموظفين وحارات أخرى بها العربيات صواريخ لكن لا يمتزجان العربيات فى مكان والموتوسيكلات أو العجل فى مكان يعنى لا الموتوسيكل بيحلق ويعمل شقلباظ ولا العربية بتحجز على الموتوسيكل والقطار الحيلوة فوق الكوبرى المبنى على الشارع لايوجد شرطى مرور يصفر أو شخص يتبرع لتنظيم المرور ولا أنت حتخاف تعدى لحسن العربيات تجى لاقدر الله تفرمك وهى جاية صاروخ من تحت الكوبرى لا لان فيه مكان مخصص تعدى منه والا حتدفع غرامة مش تعدى من أى حتة والسلام – وصلت لمكان التذاكر وطلعت السلم للقطار أنا مش عارفة أزاى كان بيتهيالى أن ارتفاع الكوبرى بسيط طلع مش بسيط خالص وقعدت وبصيت لقيت أن المونوريل ده بالرغم شبابكيه مقفولة الا أنه عند النظر منه تحس أنك فى الهواء الطلق لانه مصمم بطريقة تخليك تتفرج على البلد من فوق القطار الصراحة أتحرك وأنا حسيت انى فى أحدى العاب الملاهى السريعة ولسوء حظى المول طلع فى أخر الخط وده معناه أن الكوبرى بيواصل الارتفاع فى نقطة معينة ومن ثم بتحول الى حلازون لان شوارعهم رينج رودز وانا ارى هذا الاكروبات من الشباك وكنت مرعوبة ومن كتر الخوف أبتديت اعرق جامد لدرجة انى خفت لانى لوحدى لكن سبحان الله ركزت فى الاشجار يمينا وايسارا وفى حلاوتها ورغم أنى كنت أشعر أن اللعبة لو سقطت من على الكوبرى حاموت فى ساعتها بس كنت مبسوطة أزاى معرفش –
الحمدلله وصلت المول وكان اسمه (مش ممكن حأكتبه بالعربى لانى مش حأعرف)
Bukut Bintang – Sungai Wang Plaza
وده عبارة عن 2 مول جوة بعض لكن كل مول له الستايل بتاعه طيب تعرف ده من ده أزاى من علامات فى الارض زى كده علامات مستشفى عين شمس التخصصى الزرقاء والحمراء مع الفارق الشنيع وربنا ما يخلى اى حد يهوب ناحيتها أبدا يارب - وفى المول بقى تعرف أن كوالالامبور فيها جنسيات كتيرة وليس فقط ماليز ومنهم البنجابين وستاتهم مميزة من ملبسهم البنجابى وهوالبلوزة الطويلة والبنطلون ونظرا لعشقهم للالوان كمية الالوان بقى حاجة كده فوق الفظيع (ساعات الالوان زاعقة خالص بس أذواق) اما الماليزين شكلهم باين واكيد انتوا عارفين شكلهم من مصر لكثرتهم فى بلدناأما الصينين والهنود فأعدادهم كثيرة والصينين تعرفهم فورا اكيد من الشكل وطريقة الكلام المسرسع على وتيرة واحدة والهنود تعرفهم من ريحة الكارى – كنت أحمل لستة بطلبات مش لى لكن لاصحابى لما عرفوا أنى جاية هنا فكنت عايزة أخلص واشترى لهم الطلبات وبعدين اشوف ايه الى ممكن أجيبه للاولاد كانت ساعتها موضة البلاى ستشين 2 والكاميرا الديجتال والدى فى دى وماليزيا مشهورة بالحاجات الالكترونية لكنى لم احضر أى من هذه الاشياء مع ان مجموعتى كانت تسخر من كاميرتى العادية وأنا أصورهم ويقولوا لى ازاى تبقى فى أى تى - ومعندكيش كاميرا ديجتال حاسسونى أنى جاية من كفر ابو طشت بس انا برضة ماجبتش حاجة من دول لانهم ساعتها حتى وهم بسعر رخيص بالمقارنة فى مصر كانوا غاليين على وديه حاجة خاصة بى المهم المول ده حجمه 10 اضعاف سيتى ستارز (بدون مبالغة) وكان كله مذدان للكريسماس الذى أقترب - أشجار الكريسماس متذوقة ومافيش واحدة زى التانية كل دور له شجرة مميزة السلع هناك أمارخيصة جدا أو غالية جدا لكن ليس كل رخيص حلو تجولت فى المول حوالى 3 ساعات بتفرج لانبهارى بالجمال فى طريقةالعرض وخصوصاوأنت ماشى لايوجد من يذن حتى تدخل عنده المحل لا وبالرغم ان معظم البائعين لا يعرفون الانجليزية ولايتحدثونها لكن يقف معاك ويساعدك دون كلل او ملل ويحاول يفهمك بقدر الامكان حتى لو أحثت أنقلاب فى المحل ولم تشترى اى شىء- التسوق هناك متعة ليس لها حدودوان لم تبتاع شيئا التجول والفرجة متعة فى حد ذاتها - أكلت فى ماكدونلدز حيث انه مخصص لنا وجبة واحدة مع الافطار على حساب الشركة وهى كانت الغدا (فاكرينوه) وخلصت واستعديت للبحث عن تاكس طلعت خارج المول وافتكرت أنى أقف كده وأهلل على التاكسى وممكن يبقى فيه واحد واقف قبلى مستنى بس مش مشكلة لكن ده مش موجود على الاطلاق فى أى بلد غير فى بلد >ام هاناص >التاكسى له مكان أنتظار (تستناه فيه)والتاكسى ملزوم يقف فى المكان ده يأخد الراكب ويسأله رايح فين (بعد ما يركب مش قبل) من غير ما يقول لا ديه مش سكتى أو ياخد اكتر من حقه لان فيه عداد - كان أمامى 10 بس وقفت والدنيا أمطرت بس أيضا وقفت وناس وقفت ورايا- وصلت دورى الحمدلله قبل ما أغرق وركبت التاكسى وقلت له أسم الاوتيل ووصلنى بدون كلام (ولا رغى فى الى مالوش فيه) ووصلت الاوتيل ودخلت من باب تانى لان التاكسى ممنوع يقف عند الباب الى احنا بنخرج منه ولقيت على مدخل الباب ده شجرة كريسماس ضخمة وطويلة بدرجة خيالية عمرى ما شفتها فى أى فيلم من الافلام الاجنبية حتى الى بيبقى فيها أوتيل ومتزينة بشرايط موف وورد موف مش عارفة حاطينه أزاى وفى الخطوة التانية لقيت مديرى والمجموعة بتاعتى واقفين واول ما شافونى سالونى كنتى فين ؟؟؟ فى سرى قلت هو أنا المفروض اقول تقرير عن تحركاتى خصوصا أن ورشة العمل بتاعتنا بكرة والنهاردة ماكانش فيه حاجة لنا من الساعة 1 ونصف وخفت كمان احسن مديرى يسالنى هاه وزعتى الاوراق او قلت يمكن قلقوا على لقيتهم بيقولوا لى أحنا مستنينك علشان نروح نأكل فى ستيك هاوس ! بس للاسف أنا كنت شبعانة وكمان ميتة من التعب ومقدرش أمشى تانى قلت لهم معلش بكرة أن شاء الله بعد ما نرجع من >شينا تاون< وأن شاء الله اكملكم اليوم التالت قريب

رحلة سفر - ماليزيا (1)

لما كنت بأشتغل ربنا أنعم على بنعمة حلوة جدا وهى السفر لعدة أماكن زيارات عمل - صحيح سفر العمل مش ممتع زى سفر الفسحة والسياحة بس نعمة أنك تشوف أماكن حلوة والحمدلله كنا وزملائى نلاقى وقت –نخطفه- و نروح نشاهد معلم من معالم البلد الى زرناها - مش فى كل بلد رحتها لى ذكريات مع حتة مميزة فيها لانى غالبا ماكنتش بلاقى وقت بس مع ذلك فيه مواقف طريفة فحبيت أكتب عن خواطرى خلال الرحلات ديه لعدة أسباب وهى أنى مش عاوزة يجى يوم وأنسى الاماكن ديه فلو نسيت اقرأ الخواطر ديه- أنا فيه حاجات أبتديت أنساها من دلوقت– وكمان مش فى كل مرة كنت بأرجع من السفر كنت بلحق أحكى لعيلتى على كل الى شفته فهنا يقدروا يقروا الى ما لحقتهش أخبرهم به وكمان محاولة منى لرسم مشاركة صغيرة للى بيحب السفر ومش قادر

ماليزيا- كوالالمبور ديسمبر 2004

وديه من الاماكن الى ما شفتش فيها معلم سياحى خاص بها مش علشان مكنش فيه وقت لا بس حاقولكم ليه خطوة خطوة خلينا الاول من بداية الطائرة احنا طبعا كان محجوز لنا على طيارات لازم تقف فى دبى الاول وحتة تانية علشان تمن التذاكر المباشرة كانت حتبقى مكلفة جدا على الشركة علشان عددنا الكبير وكمان كتر خيرهم أنهم مسفرنا وده كان الاجتماع السنوى الى بيتعمل للمكتب الاقليمى فكل أقسام المبيعات والتسويق الى فى فروع الشركة فى كل البلاد العربية لازم يحضروه مع بعض الاقسام الاخرى لورش عمل طوال أيام الاجتماع وديه كانت أول مرة اسافر معهم أجتماع زى ده - وصلنا مطار دبى حأحكى عنه فى رحلة العودة اما البلد التانية الى وقفنا فيها مش قادرة أفتكر اسمها خالص ومش عارفة وقفنا فيها ليه مع اننا أتحبسنا ساعة جوة الطيارة أصل ماينفعش ننزل كل الى أنا فاكراه أن أول ما باب الطايرة فى البلد ديه أتفتح ناموس هجم علينا مش زى الناموس الصغنن الى فى مصر لا حاجة تانية وقبل ما الباب يتقفل رشوا الطايرة وأحنا جواها علشان الناموس يموت وأنا برضة كنت حأموت مع الناموس من الحساسية أنا فى سرى قلت شكلها رحلة زفت من أولها وخصوصا بقى لما تشوف شكل كل مدير جايب اللاب توب بتاعه الى ماسكه المساعدة بتاعته وبيقول لها على كم تعديل فى البريزنتيشن presentation الى حتتقال يوم الافتتاح أنا قلت يارب مديرى ما يفتكر حاجة نكتبها علشان انا كنت ناسية الماوس (الفأرة) ومش بأعرف استعمل اللاب توب من غيره والحمدلله أوراق عملنا كانت 100% مش محتاجة تعديل (ما هو أنا أصلا الى كتبها!) وبعد شوية الناس سكتت وناموا أصل كنا بالليل وأنا مش بعرف أنام فى أى وسيلة مواصلات أيا كانت ففضلت مفنجلة وحتى مش عارفة اقرأ حاجة علشان مولعش النور وأزعج الى جنبى ووصلنا المطار كانت تقريبا 4 بعد الظهر فرق 6 ساعات بيننا وبينهم وماأقدرش أوصف لكم شكل المطار أيه أنا ممكن أروح تانى بس علشان المطار – الدنيا هادية الا طبعا من الرحلة الى عليها المصريين الى هو أحنا مافيش دوشة ولاصخب مع أن كان فيه طيارات تانية بس الدنيا مش مدربكة وألوان زاهية كده حواليك وأنت مستنى الشنط (الشنط جت هوى) واقف تتفرج على كل ركن فى المطار والمحلات الى ملياه وبعدين تأخذ الشنط علشان تخلص الورق وتطلع أوعى تفتكرأنك حتمشى على رجلك لحد الجوازات لا فيه قطارصغنن حلو ملون تركبه علشان المسافة طويلة بين الشنط والجوازات وكمان فيه حتة بالسير الكهربائى تمشيك (أنت مش ماشى هى الى بتمشيك لحد الجوازات) وتلاقى خط اصفر وناس واقفة فى نظام فى الطابور ومحدش بيعدى الخط ده الا لما التانى يخلص من عند الجوازات مع أننا برضة كنا نفس الناس الى بنعديه فى مصر!!؟؟ ولقينا الباصات الكبيرة مستنيانا وطلع الفندق بعيد عن المطار بساعتين انا كان ضهرى أتقطم من قعدة الطايرة بس علشان خاطر البهجة الى شفتها فى المطار فوت حكاية الساعتين ده بس بقى الساعتين دول شفت فيهم كمية أشجار وخضرة سبحان الوهاب وخالق هذا الجمال وتلاقى بيوت على سفوح والاشجار فى كل حتة والشجر مجموعات مجموعات متناسقة ومش شكل واحد لا كذا شكل فعلا سبحان الخالق المبدع ولا ريحة الهواء نسيييييييييييييم الهواء نقى يفتح الشعب الهوائية مع أن المطر كان شغال زى الافلام (خراطيم المياه) بس سبحان الله مش برد والشوارع ماشية وسلكة ومافيش نقطة ميه فى الشارع والدنيا بتمطر مش بعد المطر مايخلص (فاهمنى طبعا) كانت الدنيا أبتدت تضلم والشوارع ابتدت تنور عارفين أحلى جائزة اوسكار فى الاضاءة لازم تبقى لهم البلد بتبرق من كل مكان بأنوراها الدهبية أه ولله تحس أن النور بلون الدهب (بيلعلط) وصلنا الاوتيل حاجة كده ولا الاستاد بس أنا كنت خلاص عايزة أرتاح فمركزتش فى ديكوراته وجماله وسالت انا فى اى دور قالوا لى 11 ايه ساعتها فكرت أمشى فورا أصل أنا عندى اكروفوبيا وبترعب من المرتفعات خفت أطلب تغيير الاوضة لحسن زميلتى الى مشاركانى الاوضة تفتكر أنى مش عايزة أكون معاها فقلت مش عايزة وجع دماغ حيحصل ايه يعنى هو احنا حنقعد فى البلكونة بس ترددت برضة لما لقيت أن الادوار مش محسوب فيها الارضى والاول وكمان ماشاء الله الاسقف عالية جدا فالدور بدورين يعنى تقريبا أنا فى الطابق 26 مش 11ودخلنا الاوضة لقينا بتوع الاوتيل سايبين لنا على كل سرير جواب أعتذار وتى شيرت عليها أسم الاوتيل علشان طلع أن المجموعة اللبنانية لما جت غرفها حصل فيها لخبطة فأعتذروا لنا كلنا شفتوا ذوق أكتر من كده !!! المهم أول حاجة عملتها أنى قفلت الستارة بتاعة الشباك علشان ما أبصش منها وأترعب (والرعب من الاماكن المرتفعة ربنا ما يخليكوا تشوفه أبدا)الحمدلله زميلتى لم تلاحظ أن الستارة كانت مقفولة طول الوقت علشان هى كانت عالطول فى شوبنج بعد وقت الشغل وكمان لم تكتشف الاكتشاف العظيم الى أنا أكتشفته> أن من شباك أوضتنا ممكن تبص على سطوح العمارة الى راغب علامة عمل فيها الاغنية الى البنت بتسمعه وهو بيغنى وهى حاطة اير فون فى ودانها وهى بتلعب ايروبكس وسمعته وهى فى العمارة التانية الى هى العمارة شمال الاوتيل بتاعنا !معلش مش فاكرة أسم الاغنية والجملة ديه مش فكاهية أنما حقيقية < المهم حطيت دماغى على السرير وماحستش بنفسى غير الساعة تسعة ونصف بالليل لقيت تليفون أنتى فين نايمة أنزلى مش حتأكلى البوفيه قرب يخلص على ماقمت ونزلت كان البوفيه خلص ومافيش غير الحلو ومش ممكن حأكل حلو قبل الحادق ابدا وانا جعانة وبصيت لقيت مجموعة من الزميلات جايين ومعهم أكياس كنتوا فين ؟ - شاينا تاون china town– حأقولكم عليها لما أروحها تانى يوم اصبروا – بس أنا كنت بأبص لهم ساعتها وأسال نفسى (وسألتهم لحسن تفتكروا أنى بنم وده بأحاول أتفاداه بقدر المستطاع) أنتم لحقتم تعرفوا المكان ده منين ؟ كان فيكم حيل ؟ و السؤال الاهم لانى كنت حأموت من الجوع لما أنتوا كنتو برة أمال البوفيه خلص أزاى؟ وده كان اليوم الاول (لسة فاضل يومين) لو عاجبكوا الكلام حأكمل وأنشره هنا وعلشان أغريكوا انا رحت لبنان \الاردن\تركيا ودول شفت معالم مميزة ورائعة فيها وكمان رحت الكويت ودبى وكمان باريس والختام كان عمرة فى السعودية أكمل ولا لا – فى أنتظار ردكم