الويك أند بقى وشوية مرح وخفة (مش طلبة لغة عربية حتعرفوا ليه شوفتوا مش طلبة ديه؟؟!!) أنا أكتشفت أن البوست ده عملته نوت على الفيس بوك يوم 6 ديسمبر ولم أنشره هنا : النهارده فكرت أحطه هنا لعدة أسباب الاول : أنى أثبت لكم أنى مش مكتئبة وأنى مش للدرجة ديه وصلت لمرحلة من الحزن والاسى الى كان مكتوب فى بوست كآبة الشتاء وكمان ديه حالة شخصية وبتروح وناس كتير سابت لى تعليقات هولت لى الموضوع أكتر :) أنا كويسة والحمدلله -
الاسباب الثانية حأقولها لكم بعد ما تقروا البوست (البوست تم تعديل طفيف فيه)
----------------------------------------
أنا على ثقة بأنى لو فضلت فى الشغل الجديد فحتما ولابد على نهاية المشروع – لو قعدت لنهايته- حأكون نسيت اللغة العربية وأنا لا أقصد اللغة العربية المقعرة ولكن اللغة التى تكتب بها مقالات الجرائد على الاقل
ولا يشطح بكم الخيال فتظنون أن زملاء العمل من الاجانب لا والله ولكنهم شباب زى الورد لاتزيد أعمارهم عن 25 سنة لكن يتحدثون بلغة كبر الجى وعلى الدى أو عكس عكيس أو خلف خلاف المهم أى كان يؤدى الى نفس الغرض وهذه الثقافة الشبابية هى أطلاق أسماء على الاشياء لا تمت لها بصلة - أو ربما لها صلة وأنا لاأعلم لاننى أعيش فى بحور من الجهل بلغتى الديموديه
(démodé=out of fashion)
فعندما أسال عن شىء مثلا يقولون فاكيس والحمدلله أنى كنت عارفة فاكيس ديه من أولادى الحلويين وهى التطور الطبيعى الحديث لكلمة نفض -غير تنفيض السجادة)
فمش بتنح لهم لما أسمع الرد على العكس أقول هذا جزائى لانى لا أكف عن السخرية من أولادى الذين يستعملون تلك الكلمات طب بالذمة ما علاقة فاكيس بكلمة نفض بالكلمة الاصلية الى المفروض تتقال الى هى انا نسيتها أصلا
وفى ذات يوم جميل مشمس كنا نتحدث عن فيلم أولاد العم فأقول أنا الحوار جميل والقصة جديدة لكن السيناريو ضعيف وبه خلل كبيرفتقول هى الفيلم جميل بس فيه حتت آلش كتير!!! ولانى أفهمها وهى طايرة توسمت أن كلمة آلش ديه تعنى حاجة مش مضبوطة أو أفوارة
لان ما أعرفه عن معنى الآلش هو الطرد
ولما روحت سألت أبنى الا ياحبيبى يعنى ايه آلش؟؟ بص لى بأتسغراب أيه ياماما مش عارفة يعنى أيه آلش – تذكرت نفس الموقف حين كنا نتحدث مع عمته فقلت لها أصله بيحور (من عاشر القوم يتكلم بلغتهم) فنظرت لى بكل أستغراب وسألتنى بيحور يعنى أيه بيحور؟؟؟ فأجبت نفس الاجابة أيه ده مش عارفة يعنى أيه بيحور وكادت العمة أن يغشى عليها – أحسست أن العقاب على سوء أفعالى يحيطينى من كل مكان هذه الايام
ولازلت لاأعرف ماهو الآلش؟؟
وفى يوم كنت راجعة متضايقة من نفسى قوى لانى قلت لهم كله فى السخان (لا أعرف ما علاقة السخان بالسمك لبن تمر هندى يمكن علشان أولع فى نفسى وأخلص) قابلنى أبنى بزفة وسألنى على حاجة وكشرت له فأذ به يقول ماما من فضلك ماتكشمليش وشك؟؟؟ ولانه متربى (كما هو واضح من فضلك أولا) فلم أتوسم غير أن الكلمة مؤدبة لكن تعنى أنى مكشرة مكفهرة أو أى زوفت من هذا المعنى
قررت من الان أن أخذ كورس فى هذه الثقافة وفتحت المعجم الغير فصيح من أمثلة :
مش طلبة = الى مكتوبة فى أول النوت أى مش ناقصة والصراحة مش طلبة لايقة أكتر !!!
ويسقع= سيبك منه (بس بيسقع ديه بصراحة لايقة على الشتا)
وياما فى الجراب ياحاوى – بس أنا راضية ذمتكوا بالذمة ديه لغة؟؟؟؟ ولا على أيه كبروا الجى وعلوا الديه وسلموا لى على المترو
والله يرحمك ياسيبويه وغطينى وصوتى ياما -الله يرحمها
ملحوظة سوف أخذ أيضا كورس فى كيف اقرأ اللغة العربية التى تكتب باللغة الانجليزية لانى لاأعرف أقراها ولسانى جف من كثرة مادعوت للتوقف عن كتابة هذه اللغة المشمئزة
Laken mafeesh fayada!!!!!!!!!!!!!!!!!!!!
------------------------------ والى هنا أنتهى البوست أو النوت
الى حصل بقى أنى بعد ما كتبته حد من زمايلى فى الشغل كلمنى وقال لى ممكن تقريلى الكلمة (فاكيس) ديه أيه ديه أنا عمرى ما سمعت عنها أنت بتجيبى الكلام ده منين (عمره 35 سنة) - المهم بعد كام يوم كده أكتشفت جروب اسمه اقدم كلام عليه تراب ممكن تسمعه فى حياتك أيه بقى الكلام الى عليه تراب؟؟؟!!!
ايه ده يااخى دا انت نمرة
انت حطمت اعصابى
كلمه و رد غطاها
أنا فى منتهى الاسف
اهو كدة
حاجة مش بطاله
انا صحتى بطاله اوى اليومين دول
يا بكاش
و الله دى مسأله مقدش اتكلم فيها
انت يا راجل يا عديم الشهوميه
انت اسعدت مهجتى
ويجى كده كام 80 عبارة تانيين ودول بقى عليهم التراب من 1900 وبيقولك الجروب أنها أنقرضت وعايزيين يرجعوها(واخدين بالكم أنا فى منتهى الاسف من القوارض أقصد المنقرض!!) وياترى حترجع اللغة ديه أزاى وبأمارة ايه؟؟؟ بأمارة مذيع فى الراديو يقول أيه بس على فكرة ده أنتوا حقتكوا تروحوا الفيلم أنا حاولت أفهم أيه معنى حقتكوا ديه وهى فى أنه لغة معرفتش ؟؟أنا فى حياتى ماسمعت حد بيقول حقتكوا غير هذا المذيع يعنى فى الاذاعة أى لغة أى شوية ثقافة بسيطة - يعنى نقول نكبر الجى ونعلى الدى (حاجة عادىىىىىىىى خاااااالص بس حقتكوووووا؟؟؟؟
بس تصدقوا فكوكوووووا من ده كله وعيشوا :)
وهابى ويك أند
ملحوظة : فكوكوا = جمع فكك أى سيبك أى نفض بس النيو فورجون !!!
قلمى
الاسباب الثانية حأقولها لكم بعد ما تقروا البوست (البوست تم تعديل طفيف فيه)
----------------------------------------
أنا على ثقة بأنى لو فضلت فى الشغل الجديد فحتما ولابد على نهاية المشروع – لو قعدت لنهايته- حأكون نسيت اللغة العربية وأنا لا أقصد اللغة العربية المقعرة ولكن اللغة التى تكتب بها مقالات الجرائد على الاقل
ولا يشطح بكم الخيال فتظنون أن زملاء العمل من الاجانب لا والله ولكنهم شباب زى الورد لاتزيد أعمارهم عن 25 سنة لكن يتحدثون بلغة كبر الجى وعلى الدى أو عكس عكيس أو خلف خلاف المهم أى كان يؤدى الى نفس الغرض وهذه الثقافة الشبابية هى أطلاق أسماء على الاشياء لا تمت لها بصلة - أو ربما لها صلة وأنا لاأعلم لاننى أعيش فى بحور من الجهل بلغتى الديموديه
(démodé=out of fashion)
فعندما أسال عن شىء مثلا يقولون فاكيس والحمدلله أنى كنت عارفة فاكيس ديه من أولادى الحلويين وهى التطور الطبيعى الحديث لكلمة نفض -غير تنفيض السجادة)
فمش بتنح لهم لما أسمع الرد على العكس أقول هذا جزائى لانى لا أكف عن السخرية من أولادى الذين يستعملون تلك الكلمات طب بالذمة ما علاقة فاكيس بكلمة نفض بالكلمة الاصلية الى المفروض تتقال الى هى انا نسيتها أصلا
وفى ذات يوم جميل مشمس كنا نتحدث عن فيلم أولاد العم فأقول أنا الحوار جميل والقصة جديدة لكن السيناريو ضعيف وبه خلل كبيرفتقول هى الفيلم جميل بس فيه حتت آلش كتير!!! ولانى أفهمها وهى طايرة توسمت أن كلمة آلش ديه تعنى حاجة مش مضبوطة أو أفوارة
لان ما أعرفه عن معنى الآلش هو الطرد
ولما روحت سألت أبنى الا ياحبيبى يعنى ايه آلش؟؟ بص لى بأتسغراب أيه ياماما مش عارفة يعنى أيه آلش – تذكرت نفس الموقف حين كنا نتحدث مع عمته فقلت لها أصله بيحور (من عاشر القوم يتكلم بلغتهم) فنظرت لى بكل أستغراب وسألتنى بيحور يعنى أيه بيحور؟؟؟ فأجبت نفس الاجابة أيه ده مش عارفة يعنى أيه بيحور وكادت العمة أن يغشى عليها – أحسست أن العقاب على سوء أفعالى يحيطينى من كل مكان هذه الايام
ولازلت لاأعرف ماهو الآلش؟؟
وفى يوم كنت راجعة متضايقة من نفسى قوى لانى قلت لهم كله فى السخان (لا أعرف ما علاقة السخان بالسمك لبن تمر هندى يمكن علشان أولع فى نفسى وأخلص) قابلنى أبنى بزفة وسألنى على حاجة وكشرت له فأذ به يقول ماما من فضلك ماتكشمليش وشك؟؟؟ ولانه متربى (كما هو واضح من فضلك أولا) فلم أتوسم غير أن الكلمة مؤدبة لكن تعنى أنى مكشرة مكفهرة أو أى زوفت من هذا المعنى
قررت من الان أن أخذ كورس فى هذه الثقافة وفتحت المعجم الغير فصيح من أمثلة :
مش طلبة = الى مكتوبة فى أول النوت أى مش ناقصة والصراحة مش طلبة لايقة أكتر !!!
ويسقع= سيبك منه (بس بيسقع ديه بصراحة لايقة على الشتا)
وياما فى الجراب ياحاوى – بس أنا راضية ذمتكوا بالذمة ديه لغة؟؟؟؟ ولا على أيه كبروا الجى وعلوا الديه وسلموا لى على المترو
والله يرحمك ياسيبويه وغطينى وصوتى ياما -الله يرحمها
ملحوظة سوف أخذ أيضا كورس فى كيف اقرأ اللغة العربية التى تكتب باللغة الانجليزية لانى لاأعرف أقراها ولسانى جف من كثرة مادعوت للتوقف عن كتابة هذه اللغة المشمئزة
Laken mafeesh fayada!!!!!!!!!!!!!!!!!!!!
------------------------------ والى هنا أنتهى البوست أو النوت
الى حصل بقى أنى بعد ما كتبته حد من زمايلى فى الشغل كلمنى وقال لى ممكن تقريلى الكلمة (فاكيس) ديه أيه ديه أنا عمرى ما سمعت عنها أنت بتجيبى الكلام ده منين (عمره 35 سنة) - المهم بعد كام يوم كده أكتشفت جروب اسمه اقدم كلام عليه تراب ممكن تسمعه فى حياتك أيه بقى الكلام الى عليه تراب؟؟؟!!!
ايه ده يااخى دا انت نمرة
انت حطمت اعصابى
كلمه و رد غطاها
أنا فى منتهى الاسف
اهو كدة
حاجة مش بطاله
انا صحتى بطاله اوى اليومين دول
يا بكاش
و الله دى مسأله مقدش اتكلم فيها
انت يا راجل يا عديم الشهوميه
انت اسعدت مهجتى
ويجى كده كام 80 عبارة تانيين ودول بقى عليهم التراب من 1900 وبيقولك الجروب أنها أنقرضت وعايزيين يرجعوها(واخدين بالكم أنا فى منتهى الاسف من القوارض أقصد المنقرض!!) وياترى حترجع اللغة ديه أزاى وبأمارة ايه؟؟؟ بأمارة مذيع فى الراديو يقول أيه بس على فكرة ده أنتوا حقتكوا تروحوا الفيلم أنا حاولت أفهم أيه معنى حقتكوا ديه وهى فى أنه لغة معرفتش ؟؟أنا فى حياتى ماسمعت حد بيقول حقتكوا غير هذا المذيع يعنى فى الاذاعة أى لغة أى شوية ثقافة بسيطة - يعنى نقول نكبر الجى ونعلى الدى (حاجة عادىىىىىىىى خاااااالص بس حقتكوووووا؟؟؟؟
بس تصدقوا فكوكوووووا من ده كله وعيشوا :)
وهابى ويك أند
ملحوظة : فكوكوا = جمع فكك أى سيبك أى نفض بس النيو فورجون !!!
قلمى
ههههههههههههههههه
ردحذفحلو البوست والله يااستاذه منى مع انى من الفئه العمريه اللى بتتكلمى عنها الا انى احيانا بلاقينى موش فاهمه الحوار اصلا
مساكى شيكولاته
مش كنتي حطيتي الردود بالمرة والتعليقات بتاعتنا؟ بدل ما الواحد يطلع من تحت اللحاف في البرد داه ويقرا ويطلع بوست من الفيس بوك؟ههههههههههههههه.
ردحذفالجو بارد وممطر ومتعب وموجع ومؤلم وكل حاجه بتقول آه ياعظامي ياني
السلام عليكم ورحمه الله وبركاته
ردحذفصاحب الفكره أو الكلمه لا يتكلم إلا عندما يكون في حاله ...ومن علامات نجاحه ان ينقل هذه الحاله للمتلقي .
و قد نجحت سيدتي في نقلنا معها ..للحاله فتصوركلٌ منا ما كان في تعليقه .
عذراً...
لماذا لا ترد سيدتي علي التعليقات؟
اووهDD_GE
يانو أنا غيرت فى النوت شوية وكمان زودت عليه ياكسولة :)))
ردحذفسو: الاعتراف بالحق فضيلة يعنى أنتوا كمان مش بتفهموا الحوار أمال أحنا نعمل ايه؟؟ ًصباحك عسل
رئيس التحرير: ها أنا ذا أرد وأشكرك أولا على الزيارة وثانيا على النصيحة وثالثا قمت بزيارتك وماشاءالله لقيت تنوع بديع يعنى كذا مدونة وعايزة رواقان وأن شاءالله ستجد منى تعليق قريب - ودام التواصل
الله يعينك
ردحذفبالمناسبة للأسف اللغة تنحط وشبابنا بحاجة لتنوير والآباء ملقى عليهم دور غير عادي للتهذيب والتقويم ويجب أن تُفعلوا مجالس الآباء في المدارس وتناقشوا تلك القضايا لأن هذا مستقبل وطن
للأسف خرج علينا مؤخراً من يُسوق للغة قبطية مدعياً أنها لغة مصر الحقيقة وما هي إلا لغة رثة بالية مكونة من اللهجات العامية
بل واعتمدتها مؤسسات ثقافية واسعة الانتشار مثل ويكيبديا .. لا تتخيلي حجم الصراعات التي قُمنا بها مع تلك المؤسسة لإلغاء تلك اللغة ولكن للأسف كل جهودنا رُفضت بل أسوق لك الأسوء بأن هناك قنوات فضائية ترفض أي مادة باللغة العربية السليمة وتُقحم بدلاً من اللهجة العامية !
هذا الأمر كبير للغاية لكن للأسف الأهالي والناس لا تقدره حجم قدره
استمري في تعضيد هذه الرؤى وكوني صاحبة رسالة أرجوكي .. ضعي ضوابط في عملك مع الناس على سبيل المثال وارفضي التعامل بتلك الكلمات .. هذا دور
دمتِ بكل ود